2 Pita 1:8 - Madak

⁸ Do mina ruuna xaka i na levempanga la dina umsu xeneng at lorooro atnemi, dinaba lok nemi la mina lox asuusu leveloklok nunuan mumu lakleklen atnemi keneng at Leeme Silok atnedik ne Iesu Karisito.

2 Pita 1:8 ပူးပေါင်းရင်းမြစ်များ

Taitas 3:14

La limixin axap atnedik, dina lolos amisik ti lok leven gugu nunuan kusu diba lox epovo lavakpakes atdi la diba lok tooro limixin petpes.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Lagale Lavavang At Ne Iesu Karisito Jon Ga Malagan I 15:2

Neni i tara xepe mo lengkakan una rak, do kopmen dina pisik. La ip sep susudun mo lengkakan una do di pisik avukat, kusu dinaba pisik aleng.

Ibru 6:12

Ma xopara i do mina molo at lunuunu atnimi xetla mina mu asu loklok atnedi lavalabat atnimi diga tu lolos amisik at lunuunu atdi la digat kis tangais mo leveloklox anarong ne Moroa ga paase alii min tidi.

Pilipai 1:9

Lisingising tarak saparap ne Moroa i lok keretna. Nenia a ngising do labalamu atnimi na sisilok, eburu mi lakleklen tuturun, la lodoxoma nunuan,

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

2 Pita 1:2

La mumu mun lakleklen atnemi xeneng at ne Moroa la ne Iesu Leeme Silok atnedik, a sing do letaba nabalamu eburu mi lenmila na su silok keneng at lorooro atnemi.

Pilimon 1:6

A sing ne Moroa do lixitkis ekilen atnema eburu minemi limixin nuunu naba lox asuusu avukat leveloklox anarong ne Karisito im taba dik min.

2 Tesalonia 1:3

Luvutnetak mi luvurinuk. I lox avukat do nema ma tong avukat amisik ti ne Moroa mumu nimi. I lox avukat mila lunuunu atnimi ira susu silok la labalamu ela xantubu atnimi ira sisilok bok.

Pilipai 2:5

Levendoxoma atnimi na mumu asu mene lodoxoma at ne Iesu Karisito.

2 Korin 13:5

Mina ila mumu lorooro atnimi kusu miba ven kibis i do nemi mi ruuna lunuunu ruturun. Kereva, mixokleklen i do ne Iesu Karisito i nemen keneng atnimi? Do xopmen, i lox asuusu i do mira subu vam at loklok tong pen.

Kolosi 2:7

Minam tebeng lolos teren la lunuunu atnimi na tu tuxuruxun teren kerekngan mo diga lox ase nimi min kuren. La mina umsu mi loklok ti tong loklox avukat ti ne Moroa.

2 Korin 9:14

La diba sing lolos bok tinimi mi labalamu rinotno xeneng at lorooro atdi, mumu lugugu asuusu atnimi ri lagale letaba nabalamu at ne Moroa, mo neni ga raba nimi min.

2 Korin 8:2

Digak lok keneng at levenmumuat ga lolos aleng, ketla lomomo atdi ga silok aleng tinotno; kuren la digak lik kat asu rinotno mo leventamtaba atdi, keke i do nedi limixin pakpakes mun.

1 Timoti 5:13

La di lox arala ka box i xusu dina gosogos gamasa, la dinam simgu, ketla i lok kapmek tino bok atla di lox arala ka bok leretere mumu ri leventaba vetpes, la di lox angtang di mi larangtagap gamasa, la di tong levempanga xopmen na lox avukat.

1 Tesalonia 3:12

La Leeme Silok na lox asilok labalamu atnimi xusu mina ebalamu ela la mina balamu aleng limixin petpes bok, kerekngan nema ma balamu nimi.

2 Korin 8:7

Mip novos aleng at levempanga nemi mi ruuna i, ngan lunuunu la levempapaase la at lakleklen bok atnimi, la keneng at lomomo atnimi ri lok tooro, la keneng bok at labalamu atnimi rinama; kuren la mina lolos kusu minak lox aplivi na lugugu tik lox agagas li mo laramtaba.

Lovoang At Ne Pol Ti Limixin Nunu to Rom 12:11

Mina gugu lolos, la nemen gat migutak molo. Mina gugu taba Leeme Silok mi lebelen nimi la lodoxoma axap atnimi.

Lagale Lavavang At Ne Iesu Karisito Jon Ga Malagan I 5:42

Ketla akleklen lebelen nimi. Aklen i do labalamu ri ne Moroa xopmen na nemen keneng at lebelen nimi.

Metiu 25:26

La leeme silok ga lok tin, ‘Nenu lasaxaruki kapmek la lavatpanga molo. Nenu ugaklen i do ak lok kaka levempanga kopmen atarak, la a kaxat ka levempanga anan, nenia goxotlotlo i.

Metiu 20:6

Ga auret kusu na valimo konaleng la ni gat pas manga uto at loxot etang la neni ga ven manga lentaba luvuttadi mo diga tu go, la ni ga sue di, ‘Kereva, mia tu gamasa mun nade at na laaleng axap la kopmen mina lok tepanga?’

Metiu 20:3

At lavasik konaleng neni gat pas manga uto at loxot etang, la ga ven manga lentaba luvuttadi mo diga tu onon nava mun go.

Metiu 13:22

Ti levenit piao ga subu ro at livin gagas, ni i ru katling nedi limixin di ronga levelinga, ketla dik bulu mu solo laxampanga at na lorooro, la nom labalamu atnedi ri lapnovos i itis nom levelinga la dixo pisik tempeven una.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Pilipai 3:8

Kopmen mo levempanga xusuk mun, ketla levempanga axap at lorooro rak i ngan lavanga gamasa la lorooro rak keneng at ne Iesu Karisito, Leeme Silok tarak, ni lavanga i silok aleng tinotno. La mo leveloklok at leme Judaia ara lu xape axap pam min kusu ana mumu asu mene ne Karisito. A doxoma i do mo leveloklok i ngan lavanga kakapmek mun la aga lok kepe i xusu ana ruuna ka ne Karisito,

Kolosi 1:10

Ma lok levesingising keretnom kusu lorooro atnimi ba epovo mi lavavara at Leeme Silok la kusu mina lok lempanga naba lox amomo i. Nom lempanga i lok keretna, lorooro atnimi naba pisik asu leveloklok nunuan solo, la nemi minaba lok kaka lakleklen at ne Moroa,

2 Pita 1:3

Lololos at ne Moroa gara raba vam nedik mi levempanga axap nedik dik pakes tin ti lok kaka lorooro avolo la ti ruuna ka luruptuvuk nunuan mumu lakleklen atnedik ti ne Iesu Karisito, mo ga ro xaka nedik kusu atak lox eburu min keneng at lisisixam la luvukat teren.

2 Pita 2:20

Amo dola limixin digara sixiro vam at laxapmek at lavatbung menemen mumu lakleklen atnedi xeneng at Leeme Silok atnedik, la Laradi Loklox Arooro ne Iesu Karisito; la melemu, nedi diramlong mu manga loklok me gano. Nedi na limixin dik lok keretna, dik lok tinotno xeneng at loxot kapmek aleng la i lok kapmek tinotno ri no lorooro xapmek avot nedi digak lok teren.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.