2 Pita 1:4 - Madak

⁴ Keneng at na lempanga, neni gara raba vam nedik mi leventamtaba i nunuan aleng, neni ga tong li i rinedik, kusu na leventamtaba naba beng pe nemi basinge levendoxoma xapmek at na lavatkangka la lavavara xapmek, la kusu na leventamtaba naba lam kaka nemi xusu minaba ruuna xaka luruptuvuk nunuan la minak mokso kerekngan neni.

2 Pita 1:4 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 9:4

Nedi limixin soksoxolik ka at ne Moroa; la ni ga lok li nedi ngan luvutnitna. Ni ga lok levenekabus eburu minedi la lisisixam teren ga nemen kantubu atdi, la ga raba nedi mi Lenavolo; la diklen langas kusu dina lotu saparav i mi luruturun; la dira ruuna ka vam levengkakaape ren.

2 Korin 1:20

I ngan do buaang laxampapaase alii at ne Moroa, ne Iesu ga lox asorun i. Kuren la ne Iesu Karisito ni luruturun la ma vaase asu i ri lox asuusu lisisixam at ne Moroa.

2 Korin 3:18

La nedik axap di lox asuusu lisisixam at ne Moroa, mila kopmen bok ba tengkontata nak lok pe lengkatli atdik. La na mun lisisixam i laala boro at Leeme Silok, neni Loroonan, la ik lox ekun dik ngan lampoovo ren la ti mo langsangan lisisixam silok teren.

2 Korin 6:17

Kuren la mina vas su basinge limixin kapmek la mina nemen petpes basinge di. Nenia Leeme Silok ne Moroa a tong i na.” Moroa ga tong box i xeretna, “La nemen mita vubeles at laxapmek, kusu nia aba siam ka nimi.

Galesia 3:16

La i ngan pam ne Moroa ga lok laxakaape ren ti ne Abaram eburu mi legesi visik li ren. Lovoang Kaala kopmen na vaase mi loxolinga ri limixin solo, ngan loxolinga “Livipisik li ren.” Lavasuun teren do buaang limixin, kopmen. Legesara mene nga, ngan loxolinga, “Legesi visik li ren,” la neni ne Karisito.

Galesia 6:8

Do neni natlo li lavavara mun at labantuxu ren, neni naba dik kaka levempeven teren, neni lanmet; la do neni natlo li levempanga at Loroonan, neni naba dik kaka lorooro avolo.

Epesas 4:13

La na loklok ba gugu xeneng nedik axap se taba lok ngan legesara rinotno at lunuunu saparap ne Nitna ne Moroa la taba ruuna ka nom lakleklen mumu ne Nitna ne Moroa. Kerepmo la nedik taba vee ngan limixin mukun ap mo lunuunu la lorooro atdik ba nunuan axap kerekngan ne Karisito.

Kolosi 3:10

la miga sang ka lorooro maxat, mo ne Moroa ik lox amaxat amisix i mi lakleklen teren kusu miba lok ngan lampoovo at ne Moroa, lanat tuntudum li.

Ibru 12:10

Luvuttemen dik diga lox aleeng dik at leventaba levenmaares mun mumu lodoxoma atdi; ketla ne Moroa i lox aleeng dik kusu ataba vee radi avukat la ataba lok ka mo loklok teren ik mokso axap.

Ibru 9:15

Kuren la Karisito, neni laradi ga lok lumulum kantubu at limixin mi ne Moroa, la at na langas neni ga lok lekabus maxat. La nedi ne Moroa gara soxolik ka vam di, diba ruuna amisik leveloklox anarong neni ga vaase alii min tidik. Karisito ga met ngan laxaavuk kusu na lox asepmus limixin teren basinge laxakapmek diga lox i ap mo levenaleng diga mumu lekabus migomgo.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

2 Pita 3:13

Ketla nedik ata ngangais mi lomomo ri lempanga ne Moroa ga tong li i rinedik; la neni laxalibet maxat la lavatkangka maxat, la lorooro nunuan ik mokso nabak lok go.

2 Pita 3:9

Leeme Silok kopmen nak lok sila rik lok levempanga neni gara tong li vam i xuren, na ngan tepentaba go dim doma i xuren. Ketla neni ik lox atnaasan nemi, mila neni i xopara i xusu teta na seeve; neni i vara i xusu limixin axap dina leeng basinge laxapmek atnedi.

1 Jon 2:25

La neni naba lox epovo lavapaase alii ren, no ni ga xaape min tinedik keretna, neni naba raba nedik mi lorooro avolo.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.