2 Pita 1:3 - Madak

³ Lololos at ne Moroa gara raba vam nedik mi levempanga axap nedik dik pakes tin ti lok kaka lorooro avolo la ti ruuna ka luruptuvuk nunuan mumu lakleklen atnedik ti ne Iesu Karisito, mo ga ro xaka nedik kusu atak lox eburu min keneng at lisisixam la luvukat teren.

2 Pita 1:3 ပူးပေါင်းရင်းမြစ်များ

Sam 110:3

At levenaleng at leesep limixin esep taram diba xulubi aleng kusu ri esep. La no mun at lenmaxantamak suubu, luvurau radi ram dibat pas posiga u ro vana at lakaana i xaala.

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Lovoang At Ne Pol Ti Limixin Nunu to Rom 8:32

Neni xopmen tinotno goxo rebeng alis ne Nitna rinotno, ketla ga raba i ngan laxaavuk tinedik axap. Neni ga raba nedik mi ne Nitna; kereva, neni naba raba gamasa bok nedik mi levempanga axap?

Lovoang At Ne Pol Ti Limixin Nunu to Rom 9:24

mo nabak lok tinedik na, neni gara ro ka vam nedik, kopmen do at limixin me Judaia xusuk mun, ketla boro bok at limixin kopmen di me Judaia.

1 Korin 1:9

Moroa ga ro xaka vam nimi xusu minat kis esogo mi ne Iesu Karisito, Nitna ne Moroa; neni Leeme Silok atdik. Moroa neni laradi ruturun la naba lox epovo levelinga neni ga tong li i.

2 Korin 12:9

Ketla ni ga vorang i ria xeretna, “Letaba nabalamu rak tu i epovo xuren, mila lololos tarak naba gugu lolos aleng mo do a lox asuusu i ri limixin, at levenaleng di molobe.” Kuren la aba lok momo aleng tinotno ri mo leveloklok molo rak, kusu mo lololos at ne Karisito naba nemen keneng tarak.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 4:4

Legesa bantuxu mene nga la legesa Roonan Kaala, kerekngan mun ne Moroa gara ro xaka vam nimi ti legesa doxoma voovo,

Pilipai 3:8

Kopmen mo levempanga xusuk mun, ketla levempanga axap at lorooro rak i ngan lavanga gamasa la lorooro rak keneng at ne Iesu Karisito, Leeme Silok tarak, ni lavanga i silok aleng tinotno. La mo leveloklok at leme Judaia ara lu xape axap pam min kusu ana mumu asu mene ne Karisito. A doxoma i do mo leveloklok i ngan lavanga kakapmek mun la aga lok kepe i xusu ana ruuna ka ne Karisito,

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

Kolosi 1:16

Moroa ga rudum li levempanga xeneng at lolos at lekngen ne Nitna; levempanga axap to vana at laxalibet la de xopok at lavatbung menemen, lempanga dik ta reven di la lempanga dik dixo epovo ta reven di. Ni ga rudum li bok leventoonan eburu mi lubungangelo, la luvuttadi amgomgo atdi la limixin lolos kerepmo dik lok to vana. Moroa ga rudum li nom lempanga axap keneng at lololos at lekngen ne Nitna kusu dina lox aurut laasen at ne Nitna.

1 Tesalonia 2:12

Maga paase tooro nimi, la maga paase amenemen nimi, la maga paase aronga nimi xusu lorooro atnimi na lox avukat kerekngan ne Moroa i vara i. Moroa ga ro ka nimi xusu minaba nemen eburu min to xeneng at Linintoo ren la minaba lok kaka lisisixam teren.

1 Tesalonia 4:7

Moroa ga ro ka nimi xusu mina dadat aleng, kopmen do ri lox abilinga lorooro atnimi.

2 Tesalonia 2:14

Moroa ga ro ka nimi ri lorooro avolo xeneng at Lagale Lavavang, maga tong i rinimi. Neni ga ro xaka nimi xusu mina ruuna xaka loxot at lisisixam at Leeme Silox atdik ne Iesu Karisito.

1 Timoti 4:8

Lugugu at labantuxu i lox asuusu loklok tooro ri labantuxu; ketla leveloklok at Loroonan at ne Moroa, naba lox asuusu leventaangas axap i nunuan, la uba ruuna ka lorooro avukat at na lorooro xopok la at lorooro melemu bok.

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

Ibru 1:3

Ne Nitna i lox asuusu lisisixam at ne Moroa la ni lampenaxa rinotno ren. Ne Nitna i lok tatao levempanga axap at na lavatbung menemen la mo levempanga i mumu asu levelinga ren i lolos aleng. Neni ga lok langas ti limixin kusu dina dadat basinge laxakapmek; melemu at na, neni ga xis to at lekngen tino at ne Moroa i silok to vana at laxalibet.

1 Pita 1:15

La levempanga minak lox i, minak lox i eburu mi lorooro axap atnemi nan manton; atla ne Moroa neni ga ro xaka nemi, neni in manton.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

1 Pita 2:21

La ne Moroa ga ro xaka nemi mumu i na langas at losongsongot, mila ne Karisito axa ga suma losongsongot tinemi la ga lok taba nemi mi na langas, kusu minaba mumu asu lenaim teren.

1 Pita 2:9

Ketla nemi lavaanat soxolik ka; nemi lavamaasa at loorong silok, la nemi lubung mixin dadat la nemi limixin at ne Moroa akmokso. Neni ga soxolik ka nemi xusu minaba lox asuusu lugugu avukat teren, neni ga ro xaka nemi boro xeneng at lamain bonot la uto xeneng at laxasep maraanu ren.

1 Pita 3:9

Nemen gat miguta vorang laxapmek mi laxapmek kopla mina vorang lavapaase kapmek mi lavapaase kapmek bok; ketla mina vorang i na leveloklok mi loklox anarong, atla loklok anarong neni lavanga ne Moroa ga xaape xusu neni naba raba nemi min at laaleng neni ga ro xaka nemi.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.

2 Pita 1:2

La mumu mun lakleklen atnemi xeneng at ne Moroa la ne Iesu Leeme Silok atnedik, a sing do letaba nabalamu eburu mi lenmila na su silok keneng at lorooro atnemi.

2 Pita 1:5

Neni lavasuun ba ren la mina lolos tinotno xusu minak lox epasum luvukat ukeneng ti lunuunu atnemi; la minak lok epasum lakleklen ukeneng at luvukat atnemi;

2 Pita 1:6

la minak lox epasum lavatpas adoxoma at luruptuvuk atnemi ukeneng at lakleklen atnemi; la minak lox epasum lurutu lolos ukeneng at lavatpas adoxoma atnemi; la minak lok epasum lomokmokso ukeneng at lurutu lolos atnemi;

2 Pita 1:8

Do mina ruuna xaka i na levempanga la dina umsu xeneng at lorooro atnemi, dinaba lok nemi la mina lox asuusu leveloklok nunuan mumu lakleklen atnemi keneng at Leeme Silok atnedik ne Iesu Karisito.

2 Pita 2:20

Amo dola limixin digara sixiro vam at laxapmek at lavatbung menemen mumu lakleklen atnedi xeneng at Leeme Silok atnedik, la Laradi Loklox Arooro ne Iesu Karisito; la melemu, nedi diramlong mu manga loklok me gano. Nedi na limixin dik lok keretna, dik lok tinotno xeneng at loxot kapmek aleng la i lok kapmek tinotno ri no lorooro xapmek avot nedi digak lok teren.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.