2 Pita 1:10 - Madak

¹⁰ Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.

2 Pita 1:10 ပူးပေါင်းရင်းမြစ်များ

Sam 112:6

Lugugu at mo laradi avukat noxo subu, la limixin bok di noxo domampe i.

Sam 121:3

Neni noxo ke xepe ba u la una subu; atla neni mo Lurutu See Pe ram kopmen na vunga.

Sam 15:5

Im taba levendinau, ketla kopmen dina porang i mi luunun i volo. Ixo epovo do tara na un i mi tevempilas kusu na vaxaru taradi mokmokso at tavapaase. Laradi i mumu asu na leveloklok, lixitkis teren naba nemen matmatkun.

Sam 37:24

Dola dina subu, di noxok midi ro xopok, atla Leeme Silok naba rebeng axatu di upana.

Sam 62:2

Neni xusuk ik kok avukar ia la ik lox asepsu ia; neni lentupe rak, la kopmen tara naba sev asubu ia.

Sam 62:6

Neni xusuk ik lok tatao ia la ik lox asepsu ia; neni i tupe ia la kopmen tinotno tara noxo sev asubu ia.

Metiu 22:14

La ne Iesu ga lok bok, “Limixin diba lok kuren mila ne Moroa i toro rinedi buaang limixin, ketla lentaba mene atdi di epovo kusu ne Moroa na soxolik ka di.”

Lovoang At Ne Pol Ti Limixin Nunu to Rom 11:29

Moroa kopmen na baba pukus lodoxoma ren tinedi, kuren la neni noxo lok kepe limixin soksoxolik ka ren la leveloklox anarong ni ga raba di min.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

Ibru 6:11

Nema ma vara i do nemi getgesara mina lox asuusu leveloklok kerepmo se at laxavaxap at lorooro atnimi, la kerepmo miba ruuna ka ruturun mo leveloklox anarong mim doma ngangais tin.

Ibru 6:19

Nedik takleklen i do ne Moroa naba lox asorun levempapaase alii ren, kuren la lebelen dik it kis aulis ngan lesepang it kis aulis do di sepkaa alis i ro xopok at lavaruat. La kerepmo bok i epovo do nedik tana xis esogo mi ne Moroa no vana at laxalibet; i lok ngan gano lamaasa ga vubeles at loxot i xaala aleng, mo loxot gak lok to melemu at lavatbantamon silok to xeneng at loogu laplavang.

Jems 2:10

Do taradi i mumu asu avukat Lenavolo at ne Moroa, ketla i ronga xepe loxot lixilik teren, i lok ngan neni ia los polo axap pam i.

1 Pita 1:2

Ganoxa, Moroa ne Temen dik ga doxoma alii i do ni na soxolik ka nimi ngan limixin teren la na lox adadat nemi mi Loroonan Kaala ren, kusu minaba ronga res at ne Iesu Karisito, la neni naba lox adadat nemi mi lada ren. Letaba nabalamu ren la lenmila na umsu xeneng at lorooro atnemi.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

2 Pita 1:3

Lololos at ne Moroa gara raba vam nedik mi levempanga axap nedik dik pakes tin ti lok kaka lorooro avolo la ti ruuna ka luruptuvuk nunuan mumu lakleklen atnedik ti ne Iesu Karisito, mo ga ro xaka nedik kusu atak lox eburu min keneng at lisisixam la luvukat teren.

2 Pita 1:5

Neni lavasuun ba ren la mina lolos tinotno xusu minak lox epasum luvukat ukeneng ti lunuunu atnemi; la minak lok epasum lakleklen ukeneng at luvukat atnemi;

2 Pita 3:14

Kuren la, larapen tangas orong tarak, at na nga levenaleng mi ngangais mi lomomo ri mo laaleng, a vara i do, mina tu lolos kusu noxopmen toxot kakapmek kopla toxot ik token nak lok at lorooro atnimi, la minak lox eburu mi ne Moroa keneng at lenmila ren.

2 Pita 3:17

Larapen tangas orong tarak, miraklen pam i do lavaeme loklox ase xaxarang mo naba vot. Kuren la mina lok tatao avukat nimi, kusu mi noxo mu asu laxapmek at limixin dixo mumu asu levelinga at ne Moroa la mina subu bilong basinge lengkot avukat nemi mi tu ren.

Lovoang At Ne Jut 1:24

Leemi asu ri ne Moroa i epovo ri xubak pe avukat nimi la nemi noxo subu ri laxakapmek. La neni i epovo ri lox axis nimi ro melamgo ren keneng at lisisixam silok; la kopmen taxakapmek atnimi ketla minaba umsu mi lomomo silok aleng.

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.