2 Pita 1:1 - Madak

¹ Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

2 Pita 1:1 ပူးပေါင်းရင်းမြစ်များ

Metiu 10:2

Ni levenasen atnedi na lasangaun legepura luvuttadi vavang; avot tinotno ne Simon (laasen bok teren ne Pita), la ne Endru neni neton; la ne Jems eburu mi neton laasen teren ne Jon, nedu lumdak at ne Sebedi;

Metiu 4:18

At lara laaleng Iesu gat pas saparap lavatdan kis Galili, neni ga ven lueton; nedu luradi sepsep mat, Simon (laasen bok teren ne Pita) la neton laasen teren ne Endru; duga loloa mi laxatkat to at lavatdan kis.

Lagale Lavavang At Ne Iesu Karisito Luk Ga Malagan i 1:47

lorooro axap tarak i umsu mi lomomo mila ne Moroa neni Laradi Loklox Arooro rak,

Lagale Lavavang At Ne Iesu Karisito Luk Ga Malagan i 11:49

Kuren la ne Moroa mi lakleklen silok teren ga lok, ‘Aba riki lavaeme vapaase alii la luvuttadi vavang, la lentaba atdi diba sev amet di la lentaba diba lox asongot di.’

Lagale Lavavang At Ne Iesu Karisito Jon Ga Malagan I 1:42

Melemu neni ga lam ka ne Simon uto saparap ne Iesu. Iesu ga ven tin la ga lok tin keretna, “Nenu, ne Simon, nitna ne Jon. Laasen ta ru ne Kepas.” Na laasen i lok ngan mun ne Pita la lavasuun teren do Luat Kis.

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Lagale Lavavang At Ne Iesu Karisito Jon Ga Malagan I 20:21

La ne Iesu ga lox amu manga ridi, “Limila nak lox eburu minimi. Ne Tamak ga riki ia, kuren la nenia bok, ana riki nimi.”

Leven Gugu 15:14

Ana vam ne Simon ira soxomus pam i do ganoxa ne Moroa ga lox asu labalamu ren saparap limixin kopmen di me Judaia la ga lok kaka lentaba atnedi xusu tin.

Lovoang At Ne Pol Ti Limixin Nunu to Rom 1:1

Nenia ne Pol, lasaxaruki at ne Iesu Karisito, la nia luun pavang, ne Moroa ga soxolik ka ia la ga ro ka ia xusu ana vavang mi Lagale Lavavang teren.

Lovoang At Ne Pol Ti Limixin Nunu to Rom 1:12

Nia a doma i do dik ataba elok tooro ela; nemi miba lox alolos ia mumu lunuunu atnemi la nenia aba lox alolos nemi mumu lunuunu rak.

Lovoang At Ne Pol Ti Limixin Nunu to Rom 1:17

atla Lagale Lavavang i lox asuusu i do ne Moroa ik lox akmokso limixin mi legesa ngas mene nga, neni lunuunu la kopmen tangas petpes bok ba, kerekngan Lovoang Kaala i tong i xeretna, “Laradi ip sep sogo at ne Moroa mi lunuunu ren, ni naba roo suu.” Abk 2:4

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 15:9

La nenia a lok ngan laradi gamasa maxopok atnedi luvuttadi vavang. Kopmen ana epovo xusu limixin dina tong ia do laradi vavang, mila nia agap sev asongot limixin nuunu at ne Moroa.

1 Korin 9:1

Kereva, nenia laradi sepmus la nenia laradi vavang at ne Moroa? Kereva, nenia aga ven ne Iesu, Leeme Silok atdik? La kereva, nemi livipisik at lugugu rak ngan laradi vavang at Leeme Silok?

2 Korin 4:13

Lovoang Kaala i tong i do, “A paase asu levelinga mila a nuunu.” La kerepmo bok nema ma nuunu kuren la ma paase asu Lagale Lavavang.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 2:8

Moroa ga lox alolos ne Pita xusu neni laradi vavang ti limixin me Judaia la kerepmo bok neni ga lox alolos ia xusu nenia laradi vavang ti limixin kopmen di me Judaia.

Epesas 3:5

At levenaleng axap gano, Moroa xopmen goxo lox asuvos mo levelinga lipe tinedi lavaola. Ketla na mun Loroonan Kaala at ne Moroa ga lox asuvos i rinema luvuttadi vavang eburu mi lavaeme vapaase alii ren ngan nema lavaanat soxolik at ne Moroa.

Epesas 4:11

Neni vam ga raba leventamtaba ri limixin teren. Ni ga soxolik ka lentaba ri gugu ngan luvuttadi vavang la lentaba ri gugu ngan luvuttadi vapaase alii. Lentaba diga lok ka lugugu ngan luvuttadi vapaase asu levelinga at ne Moroa, la lentaba ri gugu ngan luvuttadi loklok tatao lotu la lentaba ti lox ase limixin mi levelinga at ne Moroa.

Epesas 4:5

la leges Eme Silok, legesa nuunu la legesa sep susu;

Pilipai 1:1

Nenia ne Pol. Nema’ mi ne Timoti, luasaxaruki at ne Iesu Karisito. Ma sok na lovoang tinemi limixin at ne Moroa mi nemen keneng at lemenemen silok Pilipai, la ti luvuttadi amgomgo bok at lotu la luvuttadi loklok tooro, mo miga siam kaka ne Iesu Karisito xeneng at lorooro atnimi.

Pilipai 1:29

Moroa ga raba nimi mi lugugu at ne Karisito, kopmen do at lunuunu xusuk ketla minaba ekip tangarang bok mi losongsongot.

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

2 Timoti 1:5

A doma su bok at lunuunu ram. Lunuunu lolos bok ga nemen at lorooro at ne tubum ne Lois la at lorooro bok at nenam ne Iunis; la nenia aklen i do lunuunu lolos kerepmo ik lok bok at lorooro ram.

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

1 Pita 1:1

Nenia ne Pita luun pavang at ne Iesu Karisito. Nia a malagan na lovoang tinemi limixin soksoxolik at ne Moroa; mi lok ngan limixin kadiong ti na lavatbung menemen la mik lox epeseves to at levennep taba ro Pontas, Galesia, Kapadosia, Asia, la Bitinia.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

1 Pita 2:7

Mo luat neni i silok at levendoxoma atnemi limixin mi nuunu ren; ketla tinedi dixo nuunu ren, i lok ngan Lovoang Kaala i lok keretna; “Mo luat luvuttadi gugu gu diga lu xepe min do i lok kapmek, ga ravasu ngan luat lugugu ren i volo rinotno mo larauat axap.” Sam 118:22

1 Pita 5:1

Nenia lamgomgo at lotu ngan lubung amgomgo dik lok kantubu atnimi. Nenia aga ven levesongsongot ne Karisito gap kiv i, la nenia anaba ruuna ka lisisixam eburu minemi mo naba ru asuvos. La a sing nemi lubung amgomgo xeretna,

2 Pita 1:4

Keneng at na lempanga, neni gara raba vam nedik mi leventamtaba i nunuan aleng, neni ga tong li i rinedik, kusu na leventamtaba naba beng pe nemi basinge levendoxoma xapmek at na lavatkangka la lavavara xapmek, la kusu na leventamtaba naba lam kaka nemi xusu minaba ruuna xaka luruptuvuk nunuan la minak mokso kerekngan neni.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.