2 Korin 9:7 - Madak

⁷ Nedi getgesara dina raba kerekngan lodoxoma atdi la nemen gat loklox angtungun kopla tara na pu soso di, mila ne Moroa i momo mi laradi i raba mi lomomo xeneng teren.

2 Korin 9:7 ပူးပေါင်းရင်းမြစ်များ

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

2 Korin 8:12

Mo do lebelen nimi naplivi ri raba, ne Moroa ba siam ka laramtaba atnimi i epovo at levempilas mi ruuna i la kopmen at levempilas mixo ruuna i.

Pilimon 1:14

Nenia aga vara i do neni na nemen be de eburu minia, ketla neni lasaxaruki ram kuren la nenia a noxo lox alis gamasa i. I lox avukat do una sep siam be.

Jems 5:9

Luvutnetak mi luvurinuk. Nemen nemi mita gagalinga mu luvutneton nimi, mila ne Moroa naba vaxaru nimi at lavapaase. Lovotpot at laradi rongtonga linga i auret.

1 Pita 4:9

Mina lok maraose abeles kaka leventaba vetpes uto xeneng at laraugu atnemi la nemen gat mita gagalinga.