2 Korin 8:9 - Madak

⁹ Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

2 Korin 8:9 ပူးပေါင်းရင်းမြစ်များ

Metiu 17:27

Ketla ta noxo lox amusak nedi na limixin. Kuren la unat pas uto at lavatdan kis la una xanom. La leemat avot una rep ka i, uba long lenget ka legesa derakma silok to xeneng at lungusno la mo legesa derakma silok naba epovo rida kusu ri kepe pilas ti loogu laplavang.”

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 8:20

La ne Iesu ga lok tin, “Lubungman sio di ruuna lengkot mikmidi atdi, la lavapixa di ruuna levempotpos atdi, ketla nenia, Laradi Mevana, axo ruuna temenemen kusu ria rik midi la na lok mamana ren.”

Lagale Lavavang At Ne Iesu Karisito Mak Ga Malagan I 6:3

Neni laradi gugu gu mene la neni ne nitna ne Maria la neni neton ne Jems, ne Joses, ne Judas, la ne Simon, nedi di nemen de la luvurinen bok di nemen de at na lemenemen.” La kerepmo limixin diga raba arulu ne Iesu.

Lagale Lavavang At Ne Iesu Karisito Luk Ga Malagan i 16:11

Mo do kopmen mi goxo ruturun tik lok tatao lempanga at na lavatbung menemen, kopmen tara naba raba nimi mi nom lapnovos tuturun at ne Moroa.

Lagale Lavavang At Ne Iesu Karisito Luk Ga Malagan i 2:7

La ni ga visik lamdak temes avot teren, la ga bom i mi leventamon la ga vaxamdi i ro at loxot anan at laxanbulumaxao, mila goxopmen toxot tidu ri nemen to at loogu mikmidi.

Lagale Lavavang At Ne Iesu Karisito Luk Ga Malagan i 8:3

Joana, latkin at ne Kusa, laradi gomgo gak lok tatao at loogu at ne Erodes; la ne Susana, la nedi buaang bok lavakin diga lok tooro ne Iesu eburu mi luvuttadi loklok ka anasa ren mi levempilas nedi digak pakes tin.

Lagale Lavavang At Ne Iesu Karisito Luk Ga Malagan i 9:58

Iesu ga lok tin, “Lubungman sio di ruuna lengkot mikmidi atdi, la lavapixa di ruuna levemposovos atdi, ketla nenia, Laradi Mevana, axo ruuna temenemen kusu ria rimdi la na lok mamana ren.”

Lagale Lavavang At Ne Iesu Karisito Jon Ga Malagan I 1:10

Ni ga nemen at na lavatbung menemen, ketla limixin di goxo ven kibis i, keke do neni ga rudum li lempanga axap.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Lagale Lavavang At Ne Iesu Karisito Jon Ga Malagan I 12:30

La ne Iesu ga lok tidi, “Na levelinga mi ronga vam i, kopmen ti lok tooro ia, ketla ti lok tooro nimi.

Lagale Lavavang At Ne Iesu Karisito Jon Ga Malagan I 16:15

Levempanga ne Tamak i ruuna i, mo axav i atarak; kuren la a lok do Loroonan Kaala naba lok ka levelinga rak la ni na anasa nimi min.”

Lagale Lavavang At Ne Iesu Karisito Jon Ga Malagan I 17:19

La ana raba lorooro rak kusu ri lok tooro di la kusu nedi bok diba raba ruturun lorooro atnedi ri lugugu rak.”

Lovoang At Ne Pol Ti Limixin Nunu to Rom 11:12

Kerepmo laxapmek at leme Judaia ga lox asuusu leveloklox anarong ti limixin at na lavatbung menemen axap; labaava atnedi ga lox asuusu leveloklox anarong ti limixin kopmen di me Judaia. Ketla laxaloklox anarong naba umsu aleng ap mo laaleng do leme Judaia dina nuunu la dina beles keneng at leexes at ne Moroa.

Lovoang At Ne Pol Ti Limixin Nunu to Rom 15:3

I ngan ne Karisito goxo momo axa min. Ketla loklok teren i lok ngan Lovoang Kaala i tong i xeretna, “Levelinga xapmek atnedi diga tong asu i ru, ga subu mavana rak.” Sam 69:9

Lovoang At Ne Pol Ti Limixin Nunu to Rom 5:8

Ketla ne Moroa gara lox asuusu vam labalamu rinotno ren tinedik keretna; at loxonaleng nedik move diga nemen at laxapmek, neni ga riki ne Nitna kusu ri met nop loklok atdik.

Lovoang At Ne Pol Ti Limixin Nunu to Rom 8:32

Neni xopmen tinotno goxo rebeng alis ne Nitna rinotno, ketla ga raba i ngan laxaavuk tinedik axap. Neni ga raba nedik mi ne Nitna; kereva, neni naba raba gamasa bok nedik mi levempanga axap?

1 Korin 1:4

Do nia a ngising, a tong loklox avukat amisik ti ne Moroa mumu nimi, mila ni ga raba nemi mi letaba nabalamu ren keneng at laasen at ne Iesu Karisito;

1 Korin 15:47

La ne Adam, ne Moroa ga rudum li i mi laxakup at laxangka, ketla ne Karisito, neni ga si boro vana at laxalibet.

2 Korin 13:14

Letaba nabalamu at Leeme Silok ne Iesu Karisito la labalamu at ne Moroa la loklok mukmulus at Loroonan Kaala nak lox eburu amisik minemi axap. I ruturun

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

Epesas 2:7

Neni ga lox i na xusu at levenaleng i tu melamgo, neni naba lox asuusu i do letaba nabalamu ren i nunuan axap, mo letaba nabalamu ga ravasu at labalamu ren tidik maxeneng at lugugu at ne Iesu Karisito.

Epesas 3:19

la miba xasep do nom labalamu ren i silok polo lakleklen at limixin la kerepmo miba umsu mi leveloklox avukat axap at ne Moroa xa.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

Ibru 1:2

Ketla at na levenaleng melemu at lovotpot at ne Iesu, Moroa ira paase nga ridik limixin nuunu at lungusno ne Nitna. Neni ga soxolik ka i xusu naba ruuna ka levempanga axap, la keneng at ne Iesu, ne Moroa ga rudum li levempanga axap.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 21:7

Dola nege na vas asi lololos at laxakapmek, neni naba ruuna na leveloklox anarong keretna; nenia aba nemen ngan ne Moroa ren la neni naba nemen ngan ne nuruk.

Lisilimet 3:18

Kuren la a tong lolos i na rinimi do mina un ka logol nunuan mede rak, ni logol laxao in tin pes levenbiva basinge i la imgames aleng; la kerepmo mibap novos aleng. Mina un ka bok levesingsigaara bunbun kusu miba etara pe lengkot mamangan atnimi min, kusu mi noxok lok beleben. Mina un ka bok levendan momonok kusu miba saba li i dom at lengkatli atnimi, kusu miba reven.