2 Korin 8:23 - Madak

²³ La ti ne Taitas, neni lara bok atarak la i gugu eburu minia xusu ri lok tooro nimi. La tinedu luneton dik, nedu duba emu eburu min saparap nimi, nedu du ru katling laraugu lotu, la loklok atdu i lox asuusu loklok ngangao ri ne Karisito.

2 Korin 8:23 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 5:7

La diga xalim ka larapen tangas atdi to at lara lesepang petpes kusu dina vosiga di la dina lok tooro di; diga vot la diga suxa buru nom lesepang mi laxanmat la ma lixilik diga lok do dina dong si.

Lagale Lavavang At Ne Iesu Karisito Jon Ga Malagan I 13:16

A tong tuturun i rinimi, kopmen tasaxaruki na silok ti laradi gomgo ren, kopla laradi xipkip linga na silok ti lara ga riki i.

1 Korin 11:7

Ixo epovo do latlok na xua pe lavatlak teren, mila neni i lox asuusu lampoovo mi lisisixam at ne Moroa la kerepmo ni i emi asu mi ne Moroa. Ketla latkin na xua pe lavatlak teren at lotu mila neni i lox asuusu lampoovo at loklok ngangao ren ti latlok teren.

2 Korin 12:18

Aga sing ne Taitas do nat pas udom, la aga riki aonon bok lara laradi nuunu eburu min. Kereva, Taitas ga babala vukpuk nimi? Kopmen tinotno. Kereva, neni la nenia, nema magap tuvuk at legeso doxoma la ma ruuna legesu ruptuvuk mene?

2 Korin 7:6

Ketla ne Moroa mo ik lox amenemen limixin bukbulu, ga lox amenemen nama mi lovotpot at ne Taitas saparap nema.

2 Korin 8:16

Ma tong avukat ti ne Moroa mila neni ga lox epovo box i do na lok li mo lebelen angtang keneng at ne Taitas kerekngan nema maga ruuna i xusu ri lok tooro nimi.

2 Korin 8:18

Maba riki ne Taitas eburu bok mi lara neton nedik, mo, limixin di lok ngangao aleng teren to at laraugu lotu axap mumu lugugu ren ti tong asu Lagale Lavavang.

2 Korin 8:19

La kopmen ana xusuk mun i, limixin at laraugu lotu diga soxolik ka i xusu na emu eburu minama uto Judaia la nap kip laramtaba. Na laramtaba naba xip aurut laasen at Leeme Silok, la naba lox asuusu box i do ma vara aleng i do mana lok tooro.

2 Korin 8:22

La maba riki aonon bok neton nedik petpes eburu midu; buaang levenaleng neni gara lox asuusu vam i rinama do i gagas amisik kusu na lok tooro; la mo nga i lolos aleng ti lok tooro mila lunuunu ren i rem saga atnimi.

2 Korin 8:6

Kuren la maga sing ne Taitas, mo ga vaxaru ka lugugu ti gagas mo laramtaba xantubu atnimi, kusu na lox epasum na lugugu la na lok tooro nemi ri lox axap na lugugu at labalamu.

Pilipai 2:25

A doxoma i do i lox avukat bok do ana riki amlong neton dik ne Epaprodaitas udom saparap nemi; neni ga gugu la ga esep at lenep tarak, la ni ga lok ngan lasaxaruki atnemi atla neni gap kip leveloklok tooro atnemi ria.

Pilipai 4:3

Laa vaase bok tu, lagale laradi; uga gugu nunuan eburu minia. Una lok tooro na lutkin, la una lok lumulum kantubu atdu kusu duba xis eburu, atla gano nedu duga gugu lolos ti tong asu Lagale Lavavang, eburu bok mi ne Klemen, la nedi vetpes bok digara gugu vam eburu minia, nom levenasen atnedi ira nemen pam at lubuk at lorooro at ne Moroa.

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

2 Timoti 4:10

mila ne Demas, ga vara lorooro at na lavatkangka la neni ga on basinge ia la gat pas uto Tesalonia. Kresen gat pas uto Galesia, Taitas ga onon uto Dalmatia.

Taitas 1:4

Nenia a malagan na levelinga ru ne Taitas, nenu u lok ngan ne nuruk tino, mila nenu u nuunu at ne Iesu Karisito xerekngan ia. Letaba nabalamu mi lenmila tu boro at ne Moroa ne Temen dik eburu mi ne Iesu Karisito, Laradi Loklox Arooro atnedik.

Pilimon 1:17

Dola u doma i do nenia lentangas avukat taram, una seega rangarang i ngan u seega rangarang ia.

Pilimon 1:24

La nedi bok di gugu eburu minia di lox aonon lavapaase momo ru; ne Mak, ne Aristakas, ne Demas, ne Luk, la nedi axap di gugu eburu minia.

3 Jon 1:8

Kuren la i epovo rinotno do nedik limixin nuunu ata lok maraose mi nom luvuttadi kusu nedik axap ata gugu eburu ti tong asu levelinga ruturun.