2 Korin 8:10 - Madak

¹⁰ Lodoxoma rak at nai lavanga xeretna; i lox avukat tinimi do mina lox axap lugugu mumu letaba miga vaxaru ka i at no lamaares ga xap. Nemi avot tinotno migamgo, la kopmen do miga lok poovo mene i, ketla lebelen nimi ga vara aleng kusu mina lox i.

2 Korin 8:10 ပူးပေါင်းရင်းမြစ်များ

Metiu 10:42

A tong tuturun i rinimi; do nege i raba ladan mumudut ti tara atdi na limixin tarak, mila neni laradi loklok ka anasa rak, neni naba lok kaka kobot luunun teren.”

Lagale Lavavang At Ne Iesu Karisito Jon Ga Malagan I 11:50

Mina xasep do i lox avukat ti tegesa radi na met nop limixin la kusu limixin boro Rom noxo sev amet axap limixin atdik.”

Lagale Lavavang At Ne Iesu Karisito Jon Ga Malagan I 16:7

Ketla a tong tuturun i rinimi. I lox avukat do nenia ana on basinge nimi. Do nenia a noxo onon, laradi loklok tooro noxo vot pasa nimi. Ketla do ana onon, nenia aba riki aonon i ude saparap nimi.

Lagale Lavavang At Ne Iesu Karisito Jon Ga Malagan I 18:14

La neni mun na ne Kaiapas mo ga tong i ri luvuttadi amgomgo do i lox avukat do tegesa radi mun naba met nop limixin axap.

1 Korin 10:23

I epovo do dik ata lok levempanga axap, ketla kopmen levempanga axap i lox avukat. I epovo do dik ata lok levempanga axap, ketla kopmen nom levempanga axap naba lok tooro dik kusu atabaklen avukat ne Moroa la ata mumu asu leventaangas teren.

1 Korin 16:2

Amisik at levenaleng kaala nemi getgesara mina lili levempilas i epovo mina xape i. La mina gagas li i xuren, kusu nenia a noxo sing pilas atnimi mo laaleng nenia ba vot pasa nimi.

1 Korin 6:12

Lentaba atnimi dinaba tong i do, “I epovo do nia ana lok levempanga axap.” I ruturun, ketla kopmen levempanga axap naba lok tooro nimi. La nenia ana tong i do, “I epovo do ana lok lempanga axap.” Ketla aba ke xepe levempanga xapmek mo i epovo na xoxo ia.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

1 Korin 7:40

kuren la mo latkin naba momo aleng, do neni na nemen ngan lanaa. Anai lodoxoma rak la aklen i do Loroonan Kaala at ne Moroa ik lok tarak; kuren la ara tong i na levendoxoma rak tinimi.

2 Korin 12:1

A vara na lox aru ia, keke i do kopmen na lok tooro tara. Ketla monga a vara i xusu ana vaase levesilimet la levempapaase asuusu bok boro at Leeme Silok.

2 Korin 8:6

Kuren la maga sing ne Taitas, mo ga vaxaru ka lugugu ti gagas mo laramtaba xantubu atnimi, kusu na lox epasum na lugugu la na lok tooro nemi ri lox axap na lugugu at labalamu.

2 Korin 8:8

A noxo lok li teventaangas linga xusu miba mu asu i. Ketla a paase mumu leventamtaba limixin petpes diba raba i, kerepmo ana lok tong mun labalamu atnimi do i lolos aleng ti labalamu at limixin petpes kopla xopmen.

2 Korin 9:2

Akleklen i do nemi mi gagas amisik kusu ri lok tooro, kuren la a lox aru amisik nimi ri limixin Masadonia. Aga tong i ridi do nemi limixin to Grik mi gagas kusu ri lok tooro, ga ru ka i at no lamaares ga xap. Mo lavavara atnemi ga lox axatu buaang levendoxoma xeneng atdi xusu nedi bok dina lok tooro.

Pilipai 4:17

At lorooro rak nia axo doma solo ri ruuna ka leventamtaba, ketla a vara i do ana ven bok tuunun tinimi mavana ap mo luunun mo i ngangais nimi ro vana.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.