2 Korin 7:7 - Madak

⁷ Kopmen at lovotpot mene ren, ketla at levempapaase axasep bok teren mumu levempapaase loklox alolos atnimi rin. Ga tong i rinama do mi vara aleng i do mina ven ia, la mi bulu mu box ia. La mi gagas kusu mina su auru ia; kuren la a momo aleng tinotno.

2 Korin 7:7 ပူးပေါင်းရင်းမြစ်များ

Sam 141:5

I lox avukat do laradi nunuan na vaase sox ia mumu laxakapmek kopla na sep aleeng ia, ketla a noxo siam kaka loklox asinorong at luvuttadi xapmek; a ngising amisik kusu Leeme Silok na lok kepe mo leveloklok kakapmek atnedi.

Sam 30:5

Lumukmusak teren kopmen nak lox abao, ketla loklok nunuan teren i nemen at levenaleng axap at lorooro rak. Kuren la levengkamkabili dan ba sesen su at luxatli rak at laxanimin, ketla lomomo naba ravasu maxantamak suubu.

Sam 38:18

Nia a tong asu laxakapmek tarak, atla mo laxakapmek ik lox abulu amisix ia.

Sam 51:1

O Moroa, una lox asuusu lebelemulus taram tia, mumu nom labalamu lexen taram; una ves kepe leveloklok kakapmek tarak atla nenu u umsu mi langsangan lebelemulus.

Metiu 26:75

La ne Pita ga doma su at levelinga at ne Iesu ga lok keretna, “Laxaxak kovisi noxo reng, la nenu uba sev apkap naba vantun do uxoklen ia.” La neni ga vas su ukamang la gang teng aleng.

Metiu 5:4

Luvukat mo ik lok tinedi mo dik lok bukbulu mila laxakapmek i umsu at na lavatbung menemen, ketla ne Moroa naba lox amenemen nedi!

Lagale Lavavang At Ne Iesu Karisito Luk Ga Malagan i 22:44

La neni ga bulu aleng la ga sing lolos tinotno, la lantentelep teren ga sen su ukopok ti laxangka ga ngan lempatkaarum da.]

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Lovoang At Ne Pol Ti Limixin Nunu to Rom 1:12

Nia a doma i do dik ataba elok tooro ela; nemi miba lox alolos ia mumu lunuunu atnemi la nenia aba lox alolos nemi mumu lunuunu rak.

1 Korin 5:2

Ua lavasuun teren la mi lok do mi silok, la kopmen mina doma mumu na laxakapmek silok i nemen kantubu atnimi? I epovo do nemi mina bulu la mina riki pes nom laradi bilinga basinge luruburu at lotu atnimi.

2 Korin 1:14

nemi mi goxo xasep nunuan teren; kuren la nemi minaba lok momo aleng mumu nama kerekngan nema maba lok momo mumu nimi ap mo laaleng Leeme Silok ne Iesu namlong teren.

2 Korin 1:4

Neni xusuk mun i lox amenemen nama at levenmumuat it pot parap nama, kusu nema bok maba epovo xusu mana lox amenemen nedi di ruuna levenmumuat kerepmo mi na lavapaase amenemen, nema maga ruuna ka i boro at ne Moroa.

2 Korin 2:9

Aga malagan mo lovoang tinemi mumu mun i na. Aga vara i do ana long lenget ka i do mina ronga res ap mo levelinga rak keneng at nom lumumuat la mibang tonga res amisik at levelinga rak.

2 Korin 5:2

Nade at na lavatbung menemen nedik tap kup sae mi levesongsongot la ata vara nga i do ata siga ka mo lorooro boro vana at laxalibet.

2 Korin 7:6

Ketla ne Moroa mo ik lox amenemen limixin bukbulu, ga lox amenemen nama mi lovotpot at ne Taitas saparap nema.

2 Korin 7:8

Lovoang tarak aga malagan i rinimi ga lox abulu nimi, nia axo bulu mu box i. Avot be nia aga bulu mu i, ketla aklen i do mo lovoang ga lox abulu nimi at lentaba levenaleng mene nga.

2 Korin 8:16

Ma tong avukat ti ne Moroa mila neni ga lox epovo box i do na lok li mo lebelen angtang keneng at ne Taitas kerekngan nema maga ruuna i xusu ri lok tooro nimi.

Pilipai 1:20

Lavavara axap at labalak do nenia a noxo subu basinge lugugu rak la ana lok mamangan, ketla at levenaleng axap nia anoxo marat tangarang kaka teta xusu limixin dinaba ven kisip ne Karisito keneng at lorooro rak do nenia move ana rooro xopla at loxonaleng do nenia ara met pam.

Kolosi 2:5

Nia a tong i na rinimi mila nenia xopmen anak lox eburu minimi, ketla a nemen eburu minemi keneng at lodoxoma rak, la a momo do mi tu buru la mi tu tuxuruxun at lunuunu atnimi keneng at ne Karisito.

1 Tesalonia 3:6

Ketla na nga ne Timoti gamlong basinge nimi ude la neni ga tong asu levelinga avukat tinama. Neni ga tong i rinama do lunuunu mi labalamu atnimi move i lolos la lodoxoma atnimi i lok momo minema; la mi vara aleng i do mina ven nama ngan nema ma vara aleng i do mana ven nimi.

1 Tesalonia 3:8

La ma rooro avukat mila lunuunu atnimi i tu lolos at Leeme Silok.

Ibru 2:1

Nitna ne Moroa ga raba dik mi loklox arooro, kuren la minam tebeng lolos lunuunu atnimi mumu mo levenanasa miga ronga ka vam i, kusu mi noxo soogong basinge mo lunuunu.

Jems 5:17

I lok ngan levesingising at ne Elaisa. Ni laradi ga lok ngan dik. Neni ga ngising lolos ne Moroa ri larakabu noxo vot la larakabu goxo vot ti laxangka at lavantun maares la lavanna gaaling.

2 Jon 1:4

Nenia a lok momo aleng mila nia aga ronga i do lentaba at laxamdak mi laxaalik taram di mumu asu levelinga at ne Moroa, kerekngan ne Temen dik ga tong taba dik min.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.