2 Korin 7:1 - Madak

¹ Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

2 Korin 7:1 ပူးပေါင်းရင်းမြစ်များ

Sam 119:9

Tamdak aau naba lok lorooro ren kereva xusu na nemen manmanton? Neni na rooro mu mun levelinga ram.

Sam 19:9

I lox avukat do laradi na lok ngangao at Leeme Silok, la limixin dinaba lok ngangao epasum amisik. Levelinga loklok akmokso at Leeme Silok ik mokso la i lox avukat amisik.

Sam 51:10

O Moroa, una lox amaxat labalak, la una lox aumsu lorooro rak mi lodoxoma maxat mo ik mokso.

Metiu 12:33

Luuna avukat, ni i pisik larapeven una avukat. Luuna xapmek, ni i pisik mun larapeven una kapmek; limixin di ven kibis luuna at larapeven teren i pisik asu i.

Metiu 5:48

Kuren la mina nemen manmanton kerekngan mun ne Temen nemi no vana at laxalibet in manton.”

Metiu 5:8

Luvukat mo ik lok tinedi lebelen nedi i dadat aleng mila dinaba ven ne Moroa.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 5:20

Lenavolo ga ravasu kusu limixin dina ven kisiv i do loklok kakapmek atdi i lok kapmek aleng, ketla at lengkot ua laxapmek ga ravasu solo ren, letaba nabalamu bok at ne Moroa ga ravasu silok tinotno.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

2 Korin 1:20

I ngan do buaang laxampapaase alii at ne Moroa, ne Iesu ga lox asorun i. Kuren la ne Iesu Karisito ni luruturun la ma vaase asu i ri lox asuusu lisisixam at ne Moroa.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 4:7

Moroa ga ro ka nimi xusu mina dadat aleng, kopmen do ri lox abilinga lorooro atnimi.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

Ibru 12:23

La mira vot eburu vam mi limixin nuunu nedi lavanarong at ne Moroa, mo ga malagan li vam levenasen atdi ro vana at laxalibet. Mira vosiga bok pam ne Moroa, neni laradi rongtonga linga at limixin axap, la mira vot pam saparap labaroonan atnedi limixin mokmokso no digara met pam la ne Moroa ga lox adadat pam di la na nga dik lok to vana at laxalibet.

Ibru 12:28

Nedik ata lok ka lixitkis at Linintoo ren mo noxo xap, kuren la ata tong avukat ti ne Moroa la ata lotu ruturun saparav i, la lorooro atdik na umsu mi langsangan loklok ngangao saparav i,

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

Ibru 6:9

Larapen tangas tarak. Ma paase lolos tinimi xetla nemen mita doma solo i nom, mila ma nuunu ruturun do leveloklok i nunuan naba ravasu atnimi, mo levempanga naba lox asuusu i do mira lok ka vam loklox arooro.

Jems 4:8

Nemi mina nemen auret ne Moroa la ni naba nemen tino eburu minimi. Nemi luvuttadi at laxakapmek, lorooro atnimi na maxat bilong, i ngan laradi i gos lukngen la ira maxat manga. Nemi mi ruuna legepu doxoma, mina lok pes nom levendoxoma xapmek basinge lorooro atnimi.

1 Pita 1:15

La levempanga minak lox i, minak lox i eburu mi lorooro axap atnemi nan manton; atla ne Moroa neni ga ro xaka nemi, neni in manton.

1 Pita 1:17

La minaklen i do ne Temen nemi no vana at laxalibet, no nemi mi ngising tin, neni i viila mumu luruptuvuk at limixin la i viila mumu loklok atdi mi legesampoovo mun; kuren la mina raba axap lorooro atnemi at na lavatbung menemen eburu mi loklok ngangao saparav i.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 1:9

Ketla mo do nedik ta soxomus asu laxakapmek atnedik ti ne Moroa, neni naba doxoma xape i la neni naba lox adadat nedik basinge leveloklok kapmek axap atdik, mila neni Laradi Ruturun la Leeme Mokmokso.

1 Jon 3:3

Nedi axap di ngangais mi lomomo ti mo laaleng, amisik di lok kepe laxakapmek at lorooro atdi kusu dina dadat basinge laxakapmek la lorooro atnedi naba dadat axap kerekngan ne Iesu.