2 Korin 6:7 - Madak

⁷ La maga lox asuusu box i at levempapaase ruturun atnema, la mi lololos at ne Moroa. Ma ruuna lorooro mokmokso ngan lavanga esep atnama, ti esep la ti see bok atnama.

2 Korin 6:7 ပူးပေါင်းရင်းမြစ်များ

Sam 119:43

Nemen uta lok pes mo levelinga ruturun taram basinge ia, mila nia aga lok li lodomdoma voovo rak at leventaangas taram.

Lagale Lavavang At Ne Iesu Karisito Mak Ga Malagan I 16:20

La luvuttadi loklok ka anasa ren diga vas kaxat la diga tong asu Lagale Lavavang to at levengkot axap la Leeme Silok ga gugu eburu midi la ga lox aruturun lavapaase atdi mi lempanga sangsangu.]

Leven Gugu 11:21

La Leeme Silok ga lox alolos nedi la buaang nedi limixin diga nuunu la diga leeng basinge laxakapmek atdi la diga raba lorooro atdi ri Leeme Silok.

1 Korin 1:24

Ketla ne Moroa ga soxolik ka leventaba atnedi leme Judaia la leme Grik. Ma vavang mi laasen at ne Karisito, neni i lox asuusu lololos la lakleklen at ne Moroa rinedi.

2 Korin 13:4

I ruturun do neni ga merem at laxaba, la ap mo loxonaleng goxopmen tololos teren, ketla mo nga i rooro amisik mi lololos at ne Moroa. Kerepmo nema luvuttadi gugu ren, kopmen tololos atnama, ketla at lugugu atnema xantubu atnimi, nema manaba ruuna lololos at ne Moroa, mila nema mat kis ekilen eburu mi ne Karisito.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 7:14

Gano aga tong i rin do nemi limixin avukat la miga lox asorun levelinga rak, la mi goxo lox amangan ia. Maga paase luruturun tinimi, la at na mun langas levempapaase loklox aurut atnama maga lox i ri ne Taitas, ira ravasu ruturun ta.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 3:20

Ata emi asu mi ne Moroa, i epovo na lok laxampanga solo, mo i volo axap mo lempanga nedik di ngising tin la di doxoma i, la mo levempanga i ravasu at lololos teren, mo i gugu xeneng at lorooro atdik.

Epesas 4:21

Nemi migara ronga xaka vam levelinga ren la diga lox ase nimi min, ik sixit emu mi levenanasa ruturun at ne Iesu.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

1 Tesalonia 5:8

Ketla nedik limixin at laxasep, atam tebeng lodoxoma nunuan la ata umsu mi lunuunu mi labalamu, i lok ngan lavatban tik lok pe laxakapmek. La ata lok ka lodoxoma voovo ri loklox arooro at ne Moroa. Na lodoxoma i lok ngan lavatkiam ti lok tooro nedik at lorooro atdik.

2 Timoti 2:15

Nenu xa una lolos kusu luruptuvuk taram naba lox avukat at lemeren ne Moroa ngan laradi xopmen na lok mamangan mi lugugu ren, la neni i anasa avukat mi levelinga ruturun at ne Moroa.

2 Timoti 4:7

Nenia aga lolos kusu ana sixit avukat at lekampoovo, la arak sixit pam at loxot i vaxalom, ketla am tebeng avarang lunuunu.

Ibru 2:4

Moroa ga lox asuusu box i do mo levelinga ren i ruturun mi leveloklok katling la levempanga sangsangu la leventamtaba at Loroonan Kaala, ne Moroa gara epes pam limixin teren min, ga epovo at lavavara ren.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.