2 Korin 6:11 - Madak

¹¹ Larapen tangas atnama dom Korin. Mara paase palas avukat pam levelinga rinimi, la lebelen nama i rem suang tinimi.

2 Korin 6:11 ပူးပေါင်းရင်းမြစ်များ

Sam 119:32

A lolos aleng kusu ana mumu asu mo levempapaase ali ram, mila uba suxa amu manga ia mi lodoxoma avukat.

Sam 51:15

Leeme Silok, una lok tooro ia ri paase asu levelinga ram, la nia anaba emi asu minu.

Leven Gugu 18:1

Melemu at na, Pol ga on basinge lemenemen Atens la gat pas uto Korin.

Leven Gugu 18:8

Krispas, neni laradi gomgo ap mo loogu singising ga nuunu at Leeme Silok, neni la nedi axap diga nemen at loogu ren diga nuunu; la buaang bok atnedi go Korin diga ronga Lagale Lavavang, la diga nuunu la diga lok ka lesep susu.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 2:4

Aga malagan mo lovoang tinimi mi langsangan lumumuat la lanteng keneng at lorooro rak la lengkabilidan bok gara sixisu at luxatli rak, la mo levelinga xopmen do ri lox abulu nemi, ketla nia aga malagan i ti lox axasep nemi xusu mina ven kisip labalamu silok tarak tinimi.

Galesia 3:1

Laxampanga rangtangku nemi leme Galesia. Nege rinotno ga sar asoogong lodoxoma atnemi basinge lunuunu ruturun, kusu mina mumu asu Lenavolo? Gano migara ven axasep pam lavasuun at lanmet at ne Iesu Karisito ro vana at laxaba.

Galesia 4:12

Luvutnetak mi luvurinuk, a sing tinotno nemi xusu mina ke xepe mo leveloklok la leventaangas at Lenavolo kerekngan nenia aga ke xepe i; la kerepmo nia axok lok maxopok teren kerekngan nemi bok mi goxok lok maxopok teren. Ap mo levenaleng nenia aga nemen eburu minimi, nemi mi goxo lok tepanga xapmek tia.

Epesas 6:19

La mina ngising bok tia, kusu ne Moroa naba raba ia mi levenngas linga at levenaleng nia a lok gagas ti paase, kusu nia noxo marat la anaba lox axasep Lagale Lavavang mo ga nemen alipe.

Epesas 6:8

mila miklen i do Leeme Silok naba raba luunun tinedi axap dik lok luvukat, keke i do neni lasaxaruki xopla xopmen.

Pilipai 1:8

La ne Moroa aklen i do nom nabalamu rak saparap nimi, i laa at labalamu at ne Iesu Karisito.

Pilipai 4:15

Nemi limixin boro Pilipai miklen avukar i dola nia aga on basinge lenep silok Masadonia ap mo levenaleng nia aga vavang avot mi Lagale Lavavang, la kopmen teventaba vetpes di goxo lok tooro ia, nemi xusuk migam taba ia.

Lisilimet 22:12

La ne Iesu ga lok, “Mina ronga ia. Nenia anabamlong soso mun! Nia aba xip ka luunun eburu minia, kusu anaba raba limixin getgesara mi luunun naba epovo mi lempanga salai diga lox i.