2 Korin 5:15 - Madak

¹⁵ Neni ga uu nop loklok at limixin axap kusu do nege nedi di rooro at na lavatbung menemen, di noxo rooro rinedi xa, ketla dina rooro ri ne Karisito mo ga doma di la ga met la ga roo xat amlong.

2 Korin 5:15 ပူးပေါင်းရင်းမြစ်များ

Kolosi 3:1

Nemi miga lok kaka lorooro maxat, i lok ngan ta do miga roo xat amlong basinge lanmet eburu mi ne Karisito. Kuren la mina lok li lorooro atnimi at lempanga boro vana at laxalibet, no ne Karisito it kis ap mo loxot kitkis avolo teren saparap lekngen tino at ne Moroa.

Kolosi 3:17

Levempanga axap mi lox i la mi vaase i, mina lox i at laasen at Leeme Silok ne Iesu, la mina tong loklox avukat ti ne Moroa, ne Temen nedik mumu leveloklox anarong at ne Karisito.

1 Jon 4:9

La ne Moroa ga lox asuusu labalamu ren tinedik keretna, neni ga riki legesamdak teren ude at na lavatbung menemen, kusu nedik taba ruuna ka lorooro avolo ma xeneng at lugugu ren.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Galesia 5:25

Loroonan Kaala gara raba vam nedik mi lorooro, kuren la ata ke i namgo nga lorooro atnedik.

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

1 Pita 4:6

Neni ba na lavasuun teren la ne Iesu ga vavang bok mi Lagale Lavavang ti limixin diga met pam, atla neni naba viila axap limixin mumu mo leveloklok diga lox i at lorooro atdi. Ketla Lagale Lavavang gat pas tinedi xusu labaroonan atnedi naba roo la dinaba epovo ri rooro avolo ngan ne Moroa.

1 Tesalonia 5:10

Ni ga met kusu dik taba nemen eburu min. Do nedik taga met pam kopla move taba rooro se at lomlong teren, tanaba nemen amisik eburu min.

Lovoang At Ne Pol Ti Limixin Nunu to Rom 6:6

La nedik taklen i na, lorooro maut atnedik gara met pam eburu mi ne Karisito ro vana at laxaba, kusu ri sele utut lololos at laxakapmek atnedik getgesara, la kusu nedik ata xok lok at loxokoxo at laxapmek,

Lagale Lavavang At Ne Iesu Karisito Luk Ga Malagan i 1:74

la ga paase alii do ni naba lox arooro dik basinge limixin dik lok munepen midik, la na lok tooro dik kusu ataba epovo, la tanap kip mo lugugu ren la kopmen dik taxo marat.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

2 Korin 5:16

Kuren la i ru ka nga i mo, nema maxo doma mumu bok ba lodoxoma at na lavatbung menemen ti ila mumu loklok at limixin, ngan no nema maga ila mumu bok loklok at ne Karisito xerepmo, ketla mo nga maxo lok bok ba i xuren.

1 Korin 10:33

Minak lok levempanga i ngan nia ak lox i. A lok tong pen i do ana lox amomo limixin axap at levempanga nenia ak lox i. Nia xopmen ana lolos kusu ri lok lempanga ria, ketla a doma mumu loklok tooro ri limixin axap kusu di naba lok kaka lorooro avolo.

Kolosi 3:23

Mo do lavanga salai mi lox i, mina gugu ren mi lorooro axap atnimi, kerekngan tai do mi gugu at Leeme Silok la kopmen ti laradi mun at na lavatbung menemen.

Kolosi 2:12

Se nemi miga lok ka lesep susu, i lok ngan ta do miga vutup at lamaaut eburu mi ne Karisito la ap mo lesep susu bok nemi miga xatu kaxat amlong eburu mi ne Karisito keneng at lunuunu atnimi la lololos at ne Moroa, mo ga lox aroo xat ne Karisito basinge lanmet.

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

Lagale Lavavang At Ne Iesu Karisito Jon Ga Malagan I 6:57

Ne Tamak neni im taba lorooro, neni ga riki ia, la keneng mun teren, la nenia bok a rooro. Kuren la, do tara na anan at levenuut tarak, neni naba ruuna ka lorooro xeneng mun tarak.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Lovoang At Ne Pol Ti Limixin Nunu to Rom 8:10

Ketla do ne Karisito nak lok keneng atnemi, labantuxu atnemi naba met mumu laxapmek, ketla loroonan atnemi naba rooro atla ne Moroa naba siam kaka nimi ngan limixin mokmokso.

Lagale Lavavang At Ne Iesu Karisito Jon Ga Malagan I 5:24

A tong tuturun i rinimi. Do tara i ronga levelinga rak, la i nuunu ap mo lara ga riki ia, neni ira lok ka vam lorooro avolo. Neni xopmen noxo tu at lavapaase at laaleng ete, ketla ira roo suu vam basinge lanmet la ira ruuna ka vam lorooro avolo.

Lovoang At Ne Pol Ti Limixin Nunu to Rom 6:2

Kopmen tinotno! I lok ngan do nedik digara met pam basinge laxapmek, kuren la nedik ataba rooro bok ba xeneng at laxapmek kereva?

Lovoang At Ne Pol Ti Limixin Nunu to Rom 4:25

Moroa ga song araba i xusu naba met mumu laxakapmek atnedik, la ni ga roo xat amlong kusu ri lox asepmus dik.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.