2 Korin 4:4 - Madak

⁴ Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

2 Korin 4:4 ပူးပေါင်းရင်းမြစ်များ

Sam 50:2

Lisisixam at ne Moroa i soosoo su boro Saion, lemenemen silok i nunuan axap la i milik maraanu rino.

Metiu 13:22

Ti levenit piao ga subu ro at livin gagas, ni i ru katling nedi limixin di ronga levelinga, ketla dik bulu mu solo laxampanga at na lorooro, la nom labalamu atnedi ri lapnovos i itis nom levelinga la dixo pisik tempeven una.

Lagale Lavavang At Ne Iesu Karisito Jon Ga Malagan I 1:14

Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 1:18

Tara goxovisi ven ne Moroa. Ne Nitna xusuk mun, neni i epovo mi ne Moroa, neni it kis esogo mi ne Temen la neni xa ga paase axasep dik mi ne Moroa.

Lagale Lavavang At Ne Iesu Karisito Jon Ga Malagan I 12:31

Mo nga loxonaleng kusu ne Moroa na ila mumu loklok at limixin at lavatbung menemen; la ne Moroa naba lox axap lololos at ne Satan, neni lamgomgo at na lavatbung menemen.

Lagale Lavavang At Ne Iesu Karisito Jon Ga Malagan I 12:35

Iesu ga vorang i ridi xeretna, “Laxasep at ne Moroa noxo nemen abao eburu minimi. At lavatpas atnimi at na lavatbung menemen, mina nemen at laxasep mila laxasep move i nemen eburu minimi, kusu laxakapmek noxo los kis pavaa nimi ngan lamain; mila lara do it pas at lamain ixokleklen i do neni it pas ua.

Lagale Lavavang At Ne Iesu Karisito Jon Ga Malagan I 12:40

“Moroa ira lox amain pam lengkatli atdi, la ira vipe vam levendoxoma atdi xusu lengkatli atdi noxo reven la levendoxoma atdi noxokleklen. La di noxo vosiga ia xusu nenia aba lox arooro di.” Ais 6:10

Lagale Lavavang At Ne Iesu Karisito Jon Ga Malagan I 12:45

Do neni i ven ia, i ngan do i ven mo lara ga riki ia ude.

Lagale Lavavang At Ne Iesu Karisito Jon Ga Malagan I 14:30

Anoxo vaase babaalom eburu bok minimi mila laradi gomgo at na lavatbung menemen monga na vot. Kopmen tololos teren mavana rak.

Lagale Lavavang At Ne Iesu Karisito Jon Ga Malagan I 15:24

Do nia gi toxo lok teven gugu silok kantubu atdi, ua kopmen tara ga lok teven gugu xuren, ixo epovo xusu nedi gita bixurun mi laxapmek, ketla monga digara ven pam levempanga sangsangu nia aga lox i, la nedi move di xopara ia la ne Tamak.

Lagale Lavavang At Ne Iesu Karisito Jon Ga Malagan I 16:11

Neni naba lox ase di do laaleng ete at ne Moroa naba vot, mila laradi gomgo at na lavatbung menemen, ne Moroa ira lok li vam i at lavapaase la ira li lumumuat mavana ren.

Lagale Lavavang At Ne Iesu Karisito Jon Ga Malagan I 8:12

La ne Iesu ga vaase manga ri limixin keretna, “Nia laxasep at na lavatbung menemen. Do tara na nuunu rak, neni naba ruuna ka laxasep at lorooro, la kopmen noxot pas at lamain.”

Leven Gugu 26:18

Nenu uba suang lodoxoma atnedi la uba sat kaka nedi basinge lamain at ne Satan uto at laxasep at ne Moroa, la basinge lolos at ne Satan uto saparap ne Moroa, kusu dina nuunu rak. La kerepmo ne Moroa naba doxoma xepe leveloklok kakapmek atnedi la dinaba ruuna ka loxot tidi xantubu ap mo limixin ne Moroa ga soxolik ka vam di.’

Leven Gugu 26:23

Diga tong i do Lanarong naba xip losongsongot la neni lara avot naba roo xat amlong basinge lanmet, kusu ri vaase asu langas ti lok ka lorooro ri leme Judaia la ti limixin kopmen di me Judaia.”

1 Korin 10:20

Kopmen tinotno! A tong i rinimi do lavamolon diplavang ti laxan moroa xaxarang, i lok ngan diplavang ti lubunggas la xopmen ti ne Moroa, la a xopara i do mina lox esogo mi lubunggas.

2 Korin 2:11

Kerepmo la ne Satan noxo epovo na sar asoogong nedik, mila nedik diklen levendomdoma la leven gugu ren.

2 Korin 2:12

Gase aga vot to Troas kusu ana vavang mi Lagale Lavavang mumu ne Karisito, aga long lenger i do Leeme Silok ga suang langas tia ri lok lugugu go.

2 Korin 3:11

Lenavolo goxok lox abao la ga ruuna lisisixam silok; ketla lisisixam at Lagale Lavavang i silok aleng tin mila ni naba nemen amisik.

2 Korin 3:14

Levendoxoma atdi ga rebonot pe aleng, la ise at na levenaleng levendoxoma atdi move i repe mi levengkontata i kubak pe i, at loxonaleng di utus levenbuk at lekabus migomgo. Na loxontata i repes mun basinge laradi at loxonaleng neni i lok ka ne Karisito.

2 Korin 3:18

La nedik axap di lox asuusu lisisixam at ne Moroa, mila kopmen bok ba tengkontata nak lok pe lengkatli atdik. La na mun lisisixam i laala boro at Leeme Silok, neni Loroonan, la ik lox ekun dik ngan lampoovo ren la ti mo langsangan lisisixam silok teren.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

Epesas 2:2

mo ga umsu at lorooro atnimi ap mo levenaleng miga mumu asu leveloklok at na lavatkangka la levelinga at laradi gomgo, ne Satan, ik lok to vana at lamavangkap, la na loroonan kapmek i gugu keneng at limixin tongtonga xepe.

Epesas 6:12

Nedik na kopmen ta esep tangarang mi limixin ketla nedik di esep tangarang mi laxampanga lolos at lamain at na lavatbung menemen, nedi lubungangelo xapmek, lubunggas, la luvuttadi amgomgo atdi. La dik ta esep tangarang mi lubungmixin kapmek at ne Satan dik lok to vana at lamavangkap.

Pilipai 2:6

Neni gat pas mi lamakmaran at ne Moroa, ketla neni goxo doma i do mi lololos axa ren la neni naba silok ngan ne Moroa.

Kolosi 1:15

Karisito neni lampoovo at ne Moroa nedik kopmen tana reven tu ren. Neni lanat meren avot, la i silok tinedi levempanga ne Moroa ga rudum li di.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

1 Timoti 1:11

Na levelinga ik lok to xeneng at Lagale Lavavang, mo ne Moroa ga raba ia min, kusu ana tong asu i. Lagale Lavavang ne Moroa i lox asuusu lisisixam at ne Moroa, kuren la ata emi asu mi ne Moroa.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Ibru 1:3

Ne Nitna i lox asuusu lisisixam at ne Moroa la ni lampenaxa rinotno ren. Ne Nitna i lok tatao levempanga axap at na lavatbung menemen la mo levempanga i mumu asu levelinga ren i lolos aleng. Neni ga lok langas ti limixin kusu dina dadat basinge laxakapmek; melemu at na, neni ga xis to at lekngen tino at ne Moroa i silok to vana at laxalibet.

Ibru 6:4

Nedi limixin diga ronga Lagale Lavavang la diga nuunu ren la digara suma vam lomomo at lorooro avolo la digara lok ka vam Loroonan Kaala, la digaraklen pam lorooro nunuan ne Moroa ga vaase alii min ti limixin, la digara ven pam ne Moroa ga lok levempanga sangsangu; do mo limixin dina raba arulu ne Moroa, ixo epovo xusu dina leeng basinge mo laxakapmek mila ap mo mun loklok i lok ngan ta do nedi xa dira vaxarem amu manga ne Nitna ne Moroa ro at laxaba, la kerepmo dira lok li manga i at lainmangan to at lemeren limixin.

2 Pita 1:19

La nema ma nuunu rinotno at levelinga at lavaeme vapaase alii diga paase i. I lox avukat mina ronga ka avukat na levelinga, atla neni naba lok ngan lababao i soosoo at laxanimin la ira se at labarakoxot, la naba lok ngan lavatpentian i soosoo ro xeneng at lorooro atnemi.

1 Jon 2:11

Ketla do tara nak milik angtungun ti neton, neni i nemen keneng at lamain, la lavatpas teren at na lorooro xopok ik lok at lamain kerekngan laradi luxatli ren i main, la it pas tangtagap gamasa mila laxakapmek ik lok pe luxatli ren.

1 Jon 2:8

Ketla nia ana malagan li leretere maxat, ne Iesu ga lox asuusu i at lorooro ren la ik lok bok keneng at lorooro atnimi. Do tara na mu asu na levelinga, i lox asuusu i do lamain ira xap la laxasep i vubeles pam at lorooro ren.

1 Jon 5:19

Nedik takleklen i do nedik limixin at ne Moroa, la limixin at na lavatbung menemen kopmen dina nuunu at ne Iesu Karisito, di nemen maxopok at lololos at laradi xapmek, ne Satan.