2 Korin 4:3 - Madak

³ La do Lagale Lavavang ma tong asu i, i lipe la kopmen na xasep, ni xopmen na xasep mene rinedi limixin dinaba seeve.

2 Korin 4:3 ပူးပေါင်းရင်းမြစ်များ

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

1 Korin 1:18

Lagale Lavavang mumu laniu at ne Iesu rovana at laxaba i lok ngan lavanga gamasa rinedi diba seeve; ketla tinedik, limixin atanaba roo suu, Lagale Lavavang i lok ngan lololos at ne Moroa rinedik.

1 Korin 2:6

Tinedi mo dira mukun pam keneng at lunuunu, nema luvuttadi vavang, ma paase ridi mi lakleklen at ne Moroa, ketla kopmen lakleklen at na lavatbung menemen, kopla levendoxoma at luvuttadi amgomgo at na levenaleng; mo lolos atnedi naba sonao kot.

2 Korin 2:12

Gase aga vot to Troas kusu ana vavang mi Lagale Lavavang mumu ne Karisito, aga long lenger i do Leeme Silok ga suang langas tia ri lok lugugu go.

2 Korin 3:14

Levendoxoma atdi ga rebonot pe aleng, la ise at na levenaleng levendoxoma atdi move i repe mi levengkontata i kubak pe i, at loxonaleng di utus levenbuk at lekabus migomgo. Na loxontata i repes mun basinge laradi at loxonaleng neni i lok ka ne Karisito.

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

1 Timoti 1:11

Na levelinga ik lok to xeneng at Lagale Lavavang, mo ne Moroa ga raba ia min, kusu ana tong asu i. Lagale Lavavang ne Moroa i lox asuusu lisisixam at ne Moroa, kuren la ata emi asu mi ne Moroa.