2 Korin 4:11 - Madak

¹¹ At lorooro axap atnema, ma nemen amisik keneng at levenmumuat at lanmet mumu laasen at ne Iesu, kusu mo lorooro ren limixin diba ven box i at labantuxu atnama, mo noxo nemen abao.

2 Korin 4:11 ပူးပေါင်းရင်းမြစ်များ

1 Korin 15:49

La dik ataga ruuna ka labantuxu at laradi at na lavatkangka. La melemu levereven at labantuxu maxat atdik naba lok ngan levereven at labantuxu at laradi ga si boro vana at laxalibet.

Lovoang At Ne Pol Ti Limixin Nunu to Rom 8:36

I ngan Lovoang Kaala i vaase i xeretna, “Nema mak lok keneng at lurube at lanmet at laxanaleng axap mumu u; dik lok nema ngan laxasipsip dit pas kusu dina sev amet di.” Sam 44:22

Sam 44:22

Nema limixin taram, kuren la amisik dip sep amet nema. Amisik dip sep amet etaba nema ngan ta lubung sipsip, mo kopmen tara ri tupe di.

2 Korin 5:4

Nedik nave tak lok at na lorooro, atap kup sae mi levesongsongot la tap kip levenaknixip; la kopmen do dik dira vara nga i do dina lok kepe labantuxu atdik, ketla ata vara i do ata siga ka nga lorooro boro vana at laxalibet, kusu lorooro at na labantuxu, lorooro avolo naba sumkonom ka i.

1 Korin 15:31

Luvutnetak mi luvurinuk. At levenaleng axap nia a vekip tangarang mi limixin dik lok do dinap sev amer ia. La a lok momo rinotno atla nemi mi nuunu saparap ne Iesu Karisito, Leeme Silok atnedik la na lomomo i sok lodoxoma rak kusu ana tong asu i na levelinga rinemi.

Lovoang At Ne Pol Ti Limixin Nunu to Rom 8:11

Mo do Loroonan at ne Moroa, mo ga lox aroo ne Iesu basinge lanmet, nak lok keneng atnemi, ne Moroa, mo ga lok aroo ne Karisito basinge lanmet, neni naba raba bok labantuxu atnemi mi lorooro, atla Loroonan teren ik lok keneng atnemi.

Sam 141:7

Naba ngan loxonuna di vagam i, la dira ra koxorop axakalik i, kuren la laxan si atdi bak midi ekarakat go at lisigege at lamaut (larabuang).

2 Korin 4:10

Amisik mat pas ti lengkot axap map kip levenmumuat, kerekngan ne Iesu ga suma i, kusu mo lorooro ren limixin diba ven kibis box i at labantuxu atnama.

2 Korin 4:12

Kuren la levesongsongot i auret kusu na sev amet nama mumu Lagale Lavavang, ketla nemi min tuuna xaka lorooro avolo.

2 Korin 6:9

limixin at na lavatbung menemen di lox abulubun nama, ketla limixin at ne Moroa diklen nama; ma vekip tangarang amisik mi lanmet, ketla mina ven ba nema move ma rooro. Di raba songsongot nema, ketla kopmen dina sev amet nama.