2 Korin 3:6 - Madak

⁶ La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 3:6 ပူးပေါင်းရင်းမြစ်များ

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Metiu 26:28

Lada rak na la i lok katling lekabus maxat. Lada rak ba sen su xusu ri limixin buaang, ne Moroa naba doxoma xepe leveloklok kakapmek atdi.

Lagale Lavavang At Ne Iesu Karisito Mak Ga Malagan I 14:24

La ni ga lok, “Lada rak na; i lok katling lekabus maxat. Lada rak ba sen su kusu ri limixin buaang, ne Moroa naba doxoma xepe leveloklok kakapmek atnedi.

Lagale Lavavang At Ne Iesu Karisito Luk Ga Malagan i 22:20

Se diga an axap, neni ga lok kaka bok lakap inin la ga raba nedi min la ga lok, “Ana lavaen i ngan lada rak la i lok katling lekabus maxat, la nenia anaba lox epovo i xusu ri lox arooro buaang limixin.]

Lagale Lavavang At Ne Iesu Karisito Jon Ga Malagan I 5:21

Tamak ik lox axatu kaxat amlong nedi limixin diga met la im taba nedi mi lorooro; kuren mun la nenia ne Nitna am taba lorooro rinedi, nenia a vara i do ana raba di min.

Lagale Lavavang At Ne Iesu Karisito Jon Ga Malagan I 6:63

Loroonan Kaala im taba limixin mi lorooro; levenuut kusuk mun kopmen na epovo na lok tooro di. Levelinga nenia a vaase vam nimi min, neni levelinga at Loroonan kaala la at lorooro.

Lovoang At Ne Pol Ti Limixin Nunu to Rom 1:5

Keneng mun at ne Iesu la ti lox aurut laasen teren, Moroa ga raba ia mi letaba nabalamu ren kusu nia ana ru katling i ri lok lugugu ngan laradi vavang at ne Karisito, la ana sasar asu ka limixin boro xamang at limixin kopmen di me Judaia, kusu dinaba nuunu ren la dinang tonga res teren.

Lovoang At Ne Pol Ti Limixin Nunu to Rom 3:20

Kuren la kopmen tinotno taradi go, neni na mumu asu rinotno leventaangas at Lenavolo kusu ni na vee ngan laradi mokmokso at lemeren ne Moroa; la mo levempanga Lenavolo ik lox i, ik lok laradi xusu neni nabaklen i do neni ira lok pam laxapmek.

Lovoang At Ne Pol Ti Limixin Nunu to Rom 4:15

Lenavolo ik lox asuusu lebelemamao at ne Moroa, ketla do xopmen tenavolo, kopmen bok torongtonga xepe at Lenavolo.

Lovoang At Ne Pol Ti Limixin Nunu to Rom 4:17

I ngan Lovoang Kaala i vaase i xeretna, “Ara lok li vam u ngan ne temen limixin keneng at laranep silok buaang.” Lur 17:5 Kuren la na laxakaape naba sorun ngan ne Moroa ga tong alii i la ne Abaram ga nuunu ren. Neni ne Moroa ik lox aroo luvuttadi basinge lanmet la mi levelinga mun teren neni ga rudum li levempanga goxovisi vot.

Lovoang At Ne Pol Ti Limixin Nunu to Rom 7:6

Ketla amo nga, nedik diga met ti lorooro maut, mo ga otot tutu minedik, nedik dira sepsu ba basinge Lenavolo, la ata gugu at langas maxat at Loroonan, la kopmen bok ba Lenavolo migomgo.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

1 Korin 11:25

Melemu at laanan, neni ga lok kaka lakap vaen la ga lok box i ngan loxongkide; neni ga lok ti luvuttadi loklok ka anasa ren keretna, “Ana lakap vaen ni lekabus maxat at ne Moroa ga lox i mi lada rak eburu minimi. Mina lox amisix i na xusu ri doxoma ia, mo do mina in i.”

1 Korin 12:28

Keneng at lotu Moroa gara soxolik ka vam limixin ti lok leven gugu; neni ga lok katling ka luvuttadi vavang ngan neni lugugu avot la i silok ti leventaba vetpes, la lara mumu ren luvuttadi vapaase alii, la lara mumu luvuttadi ri anasa limixin mi levelinga at ne Moroa; la lara mumu manga ren nedi di lok levempanga sangsangu; lara melemu manga nedi ne Moroa ga raba di mi lololos kusu ri lox avukat limixin mekmeres; leventaba ri lok tooro limixin, leventaba ri gomgo nga di la lara mumu rinotno leventaba ri paase mi levempapaase vetpes.

1 Korin 15:45

I lok ngan Lovoang Kaala i tong i do, “Laradi avot ne Adam, ne Moroa ga rudum li i ngan laradi rooro.” Ketla ne Adam mumu pit, neni ne Karisito, im taba lorooro at loroonan kusu ridik.

1 Korin 3:10

Moroa ga raba ia mi lakleklen kusu ana lok lugugu avukat; la kerepmo aga lok lugugu xantubu atnimi, i lok ngan laradi akleklen at lixipkip gu, la aga vaxaru li laabuxumpio at loogu, la lentaba vetpes dip kip gu mavana ren. Ketla nedi xa dina lok tatao avukat di xusu dina lok lugugu avukat.

1 Korin 3:5

Ua lavasuun teren la nemi mi epaxara nema mi ne Apolos? Nema mun luasaxaruki at ne Moroa; maga tong asu Lagale Lavavang tinimi la miga nuunu ren. Nema buru ma lok mun leven gugu Leeme Silok ga raba nama min.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

2 Korin 3:14

Levendoxoma atdi ga rebonot pe aleng, la ise at na levenaleng levendoxoma atdi move i repe mi levengkontata i kubak pe i, at loxonaleng di utus levenbuk at lekabus migomgo. Na loxontata i repes mun basinge laradi at loxonaleng neni i lok ka ne Karisito.

2 Korin 3:3

I xasep do ne Karisito xa ga malagan na lovoang mumu nimi, la ni na levempipisik at lugugu atnama. Kopmen goxo malagan i mi loxodan mamalagan to at tuat, ketla ni ga malagan li i mi Loroonan at ne Moroa ro at levempeve at limixin.

2 Korin 3:7

Lenavolo, Moroa ga malagan i mi lengkonin mamalagan to at luat mamasao, la lisisixam at ne Moroa ga vot at loxonaleng neni ga raba ne Moses min. Keke i do lisisixam to at lemeren ne Moses goxo lolos bok ba, ketla limixin me Israel di goxo ven tooro i, mila lemeren gan tanan aleng. Mo do na Lenavolo, lugugu ren ti raba lanmet, ga vot mi lisisixam,

2 Korin 3:9

Lagale Lavavang, neni i nunuan aleng ti Lenavolo mila lugugu at loklox arooro neni in tanan aleng ti lugugu at Lenavolo ik lox asuusu loxokoxo.

Galesia 3:21

Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Epesas 2:1

Ganoxa nemi miga lok ngan laxampanga met mene, mumu laxakapmek,

Epesas 2:5

la ga lox arooro nedik mumu laxakatu kaxat amlong at ne Karisito, keke i do nedik taga lok ngan laxampanga met la taga umsu mi laxakapmek. Neni ga lox arooro nedik keneng mun at letaba nabalamu ren.

Epesas 3:7

Moroa ga lok li ia ngan lasaxaruki ren ti paase asu Lagale Lavavang; na lugugu i ngan letaba nabalamu ria, mo ga ravasu at lololos teren, la i lox alolos ia at na lugugu.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

2 Timoti 1:11

Ne Moroa gara soxolik ka vam ia ngan luun pavang la laradi loklox ase ri paase asu Lagale Lavavang.

Ibru 12:24

Mira vosiga vam ne Iesu, neni ga lok lumulum ti lekabus maxat kantubu at ne Moroa eburu mi limixin, la mira vot pam ap mo loxot ne Iesu ga semla li lada ren to melamgo at ne Moroa ngan luunun ti laxakapmek at limixin. Mo lada ren i lox avukat ti lada at ne Abel, mila lada at ne Abel ga lox asuusu lumukmusak at ne Moroa ketla lada at ne Iesu i lox asuusu lumulum.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 7:22

Moroa ga vangpe xerepmo, kuren la ne Iesu neni i lok ngan losoksoxoba pe ri lekabus maxat, mo i nunuan aleng ti Lenavolo.

Ibru 8:13

Moroa ga soxot na lekabus do lekabus maxat, kuren la Moroa ga ke xepe lekabus migomgo mila kopmen bok ba tugugu ren la ma lixilik na sonao axap.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Jon 1:1

Nema luvuttadi vavang ma malagan li na levelinga mumu mo laradi ga rooro avot ti luruntudum li at na lavatbung menemen. Nema maga ronga levelinga ren la maga ven i mi levengkatli atnema, maga reven kisip lugugu ren la maga long tu ren. Neni lavapaase im taba lorooro la ma vavang min tinimi.