2 Korin 13:5 - Madak

⁵ Mina ila mumu lorooro atnimi kusu miba ven kibis i do nemi mi ruuna lunuunu ruturun. Kereva, mixokleklen i do ne Iesu Karisito i nemen keneng atnimi? Do xopmen, i lox asuusu i do mira subu vam at loklok tong pen.

2 Korin 13:5 ပူးပေါင်းရင်းမြစ်များ

Sam 119:59

Ara ila mumu vam lorooro rak, la ara ba gili lorooro rak kusu ana mumu asu levempapaase matmatkun taram.

Sam 17:3

Uklen lorooro rak. Uga vot pasa ia at laxanimin la uga viila mumu axap lorooro rak, ugoxo vuse kaka tibilinga rak. Nenia axo paase kapmek,

Sam 26:2

Una lok tong pen axap na lorooro rak, la una ven mumu avukar ia. La una viila mumu lavavara axap keneng at labalak eburu mi lodoxoma rak.

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

Lagale Lavavang At Ne Iesu Karisito Jon Ga Malagan I 15:4

Mina nemen tarak, la nia anaba nemen atnimi. Laxakan una xopmen na epovo na visik do ni xopmen na nemen sogo at luuna. Nemi xopmen mina epovo ri visik lempeven una se do nemi mina nemen tarak.

Lagale Lavavang At Ne Iesu Karisito Jon Ga Malagan I 17:23

Nenia xeneng atdi la nenu xeneng tarak, kusu nedi diba tu buru rinotno, la limixin at na lavatbung menemen dibaklen i do nenu ga riki ia la uga balamu di ngan mun u balamu ia.

Lagale Lavavang At Ne Iesu Karisito Jon Ga Malagan I 17:26

Aga lox asuvos u ridi, la aba lok amisik box i, kusu labalamu u ruuna i ria naba nemen atdi, la nenia bok aba nemen keneng atdi.”

Lagale Lavavang At Ne Iesu Karisito Jon Ga Malagan I 6:56

Do tara na anan at levenuut tarak la na in at lada rak, neni i nemen tarak la nia a nemen teren.

Lagale Lavavang At Ne Iesu Karisito Jon Ga Malagan I 6:6

Ni ga tong i na xusu ri lok tong pen ne Pilip; neni gaklen pam lai neni naba lox i.

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.

Lovoang At Ne Pol Ti Limixin Nunu to Rom 8:10

Ketla do ne Karisito nak lok keneng atnemi, labantuxu atnemi naba met mumu laxapmek, ketla loroonan atnemi naba rooro atla ne Moroa naba siam kaka nimi ngan limixin mokmokso.

1 Korin 11:28

Kuren la nemi getgesara mina ila mu avot be lorooro atnimi. Do mira leeng basinge vam laxakapmek atnimi, i epovo ba mina anan at lakde la mina inin ba at nom lakap.

1 Korin 11:31

Ketla ne Moroa noxo lox asongot dik kerepmo, do nedik axa ata ila mumu avot be luruptuvuk atnedik la melemu ba ata anan ba at leluxa at Leeme Silok.

1 Korin 3:16

Miklen avukat pam i do, nemi xa laraugu laplavang at ne Moroa la Loroonan Kaala at ne Moroa i nemen keneng atnimi.

1 Korin 6:15

Miklen i do labantuxu atnimi neni i lok ngan levengkot at labantuxu at ne Karisito. Kereva, i lox avukat kusu ana lok pes tenep at labantuxu at ne Karisito la ana lox etang i mi labantuxu at latkin ngarangat? Kopmen tinotno.

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

1 Korin 6:2

Mi xasep avukat pam do limixin di nuunu at ne Moroa dinaba ila mumu loklok at limixin axap at laaleng ete. La do melemu nemi xa minaba ila mumu loklok at limixin axap, tila ba la mixo epovo xusu mina ila mumu loklok at na lempanga lixilik mun.

1 Korin 9:24

Miklen i do keneng at lekampoovo at limixin siksixit, dik sixit kusu ri lok ka luunun, ketla legesara mun atnedi i lok ka luunun. La kerepmo nemi mina lolos at lisiksixit kerepmo xusu miba lok ka luunun.

1 Korin 9:27

Nenia a gugu lolos ti lok kaka limixin uto xeneng at Linintoo la ba lok kapmek do nenia noxo vubeles teren. Kuren la a lox amisik labantuxu rak kusu ana mumu asu leventaangas linga la kerepmo nenia aba epovo bok ti nom luunun mo ne Moroa ba raba limixin nuunu min.

2 Korin 6:16

Lumukmulus naba vot kereva at loogu laplavang at ne Moroa eburu mi laxampoovo vanga? Mila nedik axa laraugu laplavang at ne Moroa, neni i rooro; la ne Moroa xa ga tong i xeretna, “Abak lox eburu midi la anat pas kantubu atdi, la nenia ba ngan ne Moroa atdi la diba lok ngan limixin tarak.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 4:19

Luvutnuruk orong! Nenia a suma losongsongot mumu nemi ngan latkin ing songot at laaleng pipisik teren, la anaba suma na losongsongot se at laaleng lorooro at ne Karisito naba suxuna axap nemi.

Galesia 6:4

Nemi getgesara mina viila avukat luruptuvuk atnemi. Dola luruptuvuk at tara atnemi na lox avukat, i epovo ba do neni na momo at levempanga neni ga lox i; ketla ixok mokso do neni na mii poovo i mi luruptuvuk at leventaba vetpes.

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

Kolosi 2:19

La ira xap tim tebeng lolos ne Karisito, neni lavatlak at labantuxu. Karisito xa neni imgomgo nga na labantuxu, la labantuxu im tem saga mun at lavatlak, la mo do labantuxu na repes boro at lavatlak, neni ixo epovo rinotno na su maraanu.

Kolosi 2:7

Minam tebeng lolos teren la lunuunu atnimi na tu tuxuruxun teren kerekngan mo diga lox ase nimi min kuren. La mina umsu mi loklok ti tong loklox avukat ti ne Moroa.

1 Timoti 2:15

Ketla lavakin di pisik laxamdak lixilik; kuren la dinaba lok ka lorooro, mo do dina nemen lolos at lunuunu la labalamu la lixitkis dadat mi loklok mulus.

2 Timoti 3:8

Gano ne Janes mi ne Jambris dugang tonga xepe levelinga at ne Moses la kerepmo bok nom luvuttadi xaxarang ding tonga xepe levelinga ruturun, limixin lodoxoma atdi xopmen na sixit nunuan la lunuunu atdi ira subu vam.

Taitas 1:13

Na levelinga ren i ruturun. Kuren la una vaase sok di, kusu dina tu lolos at lunuunu atdi.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Taitas 2:2

Una lox ase luvuttadi mukun keretna; di noxo inin tangtangku mi laxadan lolos; dinam tebeng loklox avukat kusu limixin dina lok ngangao atdi. Levempanga axap dina lox i, na lox avukat mun la lunuunu atnedi nak mokso rinotno. Dina umsu mi labalamu. Dola teventaba dina lok tong pen di, di noxo subu, ketla diba tu lolos at lunuunu atdi.

Ibru 12:15

Mina lok tatao avukat nimi xusu tara atnimi noxo sok tixirixes kepe letaba nabalamu at ne Moroa la na seeve; la nemen nimi guta ke xepe teventaba atnimi dina lok lekarakat kusu mo laxakapmek na lox asubu lunuunu at limixin, kerekngan laradi sak i sev amet limixin.

Ibru 4:1

Lumusaragu move i rem suang kusu ri pubeles ti mo loxot loklok mamas teren; kuren la mina lok tatao avukat nimi xusu teventaba atnimi di noxo subu kot ti mo loklok mamas.

Ibru 6:8

Ketla do livin gagas mi laxampivilis kapmek kusuk mun na su ap mo laxantaamang, mo laxantaamang i lok kapmek axap, la i nemen maxopok at lebelemamao at ne Moroa, la kopmen bok ba tara noxotlo tevempanga go.

Jems 4:4

Loklok atnimi i lok ngan loklok at laradi ing longka tixin. Do laradi i vara mu loklok at na lavatkangka, neni i sok tixirixes kepe ne Moroa. Kerepmo la laradi i vara na etangas mi loklok at na lavatkangka, neni i munepen mi ne Moroa.

1 Pita 5:9

Ketla mina tu lolos at lunuunu atnemi la mina tu munepen min, atla mikleklen i do luvuttadi axap at na lavatbung menemen di nuunu dip kip na legesemet songsongot mun.

Lisilimet 2:5

Mina doma bilong ti mo labalamu avot atnimi ria, kusu miba ven kibis i do mira subu vam basinge ia. La mina leeng tinotno la minamlong ti mo leveloklok nunuan nemi miga lox avor i. Mo do mi noxo leeng, aba vot saparap nimi la ana lok kepe nom lababao atnimi.