2 Korin 13:4 - Madak

⁴ I ruturun do neni ga merem at laxaba, la ap mo loxonaleng goxopmen tololos teren, ketla mo nga i rooro amisik mi lololos at ne Moroa. Kerepmo nema luvuttadi gugu ren, kopmen tololos atnama, ketla at lugugu atnema xantubu atnimi, nema manaba ruuna lololos at ne Moroa, mila nema mat kis ekilen eburu mi ne Karisito.

2 Korin 13:4 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 10:18

Kopmen teta naba lok pes lorooro rak basinge ia. Aba raba gamasa mun i at lavavara axa rak. La a epovo xusu ri raba lorooro rak la a epovo bok kusu ri roo xat amlong. Ne Tamak ga raba ia mi lololos ti lox i xuren.”

Leven Gugu 2:36

Kuren la limixin axap me Israel dinaklen avukar i do na ne Iesu, no miga vaxarem i ro at laxaba, ne Moroa ga lok li i xusu neni Leeme Silok la Lanarong.”

Leven Gugu 3:16

At lunuunu mun at laasen at ne Iesu la na laradi mi ven i la miklen i, ira lok ka lolos maxat keneng at luxangkedek teren. Lunuunu keneng at laasen at ne Iesu na, i lox aroo na laradi de melamgo atnimi axap.

Lovoang At Ne Pol Ti Limixin Nunu to Rom 1:4

Ti loklok teren i xaala aleng, ne Iesu ga lok kaka laasen do Nitna ne Moroa at loxonaleng ni ga roo xat amlong basinge lanmet mi langsangan lololos teren.

Lovoang At Ne Pol Ti Limixin Nunu to Rom 14:9

Ni lavasuun teren la ne Karisito ga met la ga roo xat amlong kusu neni naba lok ngan Leeme Silok tinedi di rooro la tinedi bok diga met pam.

Lovoang At Ne Pol Ti Limixin Nunu to Rom 6:4

Kuren la mumu bok lesep susu atnedik, i lok ngan digak mit nedik eburu min la digak lox eburu min at lanmet teren kusu nedik bok ataba roo xat mi lorooro maxat, kerekngan ne Iesu ga roo xat amlong at lanmet mi lololos at ne Temen.

1 Korin 1:25

Lagale Lavavang mumu laniu at ne Iesu, nedi di tong i do lavanga gamasa; ketla ni i volo aleng lakleklen at limixin. La nedi di tong box i do laniu at ne Karisito i lox asuusu i do ne Moroa neni ixo ruuna tololos, ketla lololos teren i volo lololos atnedi.

1 Korin 15:43

Do dik mir i, neni i ven kapmek. La do neni i roo xat, neni naba ven avukat tinotno la na lolos.

1 Korin 2:3

Nenia aga rupot avot dom atnimi, la lengkot tarak goxo lolos avukat la aga dede aleng mi lanmarat;

1 Korin 6:14

Moroa ga lox axatu Leeme Silok basinge lanmet, la neni bok naba lox aroo amlong nedik mi lololos teren basinge lanmet.

2 Korin 10:10

mila leventaba di lok do, “Levempoang at ne Pol i lolos la i mumuat aleng. Ket do neni na nemen eburu midik, neni nabasko la levempapaase ren noxo mumuat solo.”

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Korin 13:9

Ma lok momo do nemi mi tu lolos; keke i do nema maxo ruuna lololos. La ma sing bok kusu miba ravasu nunuan axap keneng at lorooro atnimi.

Pilipai 3:10

A vara i xusu anaklen ne Karisito la ana lok kaka lololos i ngan mo lololos at laxakatu kaxat amlong teren basinge lanmet, la a vara i do ana vubeles at losongsongot teren kusu anap kiv i la ana lok kepe lorooro xapmek, i ngan ta do ana met basinge i kerekngan ne Karisito ga met basinge na lorooro.

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.

1 Pita 3:18

Karisito ga met gesara mene nga ri ru korop ti laxakapmek axap atnimi, la neni laradi avukat ga met ti rukun levesongsongot ti limixin di lok laxakapmek, kusu ri lam kaka nemi uto saparap ne Moroa. Diga sev amet labantuxu ren, ketla Loroonan Kaala ga lox aroo xat amlong i;

1 Pita 3:22

la neni gara urut pam uto vana at laxalibet, la amo nga ik lok at lekngen tino at ne Moroa, la neni lamgomgo at lubung angelo axap eburu mi luvuttadi loklok tatao la limixin lolos boro vana at laxalibet.