2 Korin 13:14 - Madak

¹⁴ Letaba nabalamu at Leeme Silok ne Iesu Karisito la labalamu at ne Moroa la loklok mukmulus at Loroonan Kaala nak lox eburu amisik minemi axap. I ruturun

2 Korin 13:14 ပူးပေါင်းရင်းမြစ်များ

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 7:38

I ngan Lovoang Kaala i lok, ‘Do tara na nuunu rak, laxadan im taba lorooro naba sesen su boro xeneng at lorooro ren.”

Leven Gugu 15:11

Nedik taga lok ka lorooro maxat keneng mun at letaba nabalamu at Leeme Silok ne Iesu, kerekngan bok nedi.”

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 16:20

La ne Moroa laradi at lenmila, mo ma lixilik na but povorok ne Satan to maxopok at lengkangkedek atnimi. Letaba nabalamu at Leeme Silok atdik ne Iesu nak lox eburu minemi.

Lovoang At Ne Pol Ti Limixin Nunu to Rom 16:23

Ne Gaius laradi no nema mak lok lotu ro at loogu ren i lox aonon lavapaase momo bok teren tinemi. La ne Erastas bok laradi ik lok tatao lempilas at lemenemen silok eburu mi neton nedik ne Kuatas nedu du lox aonon bok lavapaase momo atnedu.

Lovoang At Ne Pol Ti Limixin Nunu to Rom 16:27

Ata emi asu kusuk mun mi laasen at ne Moroa neni laradi ak leklen la leemi asu bok tin mumu lugugu at ne Iesu Karisito amisik la kopmen taxavaxap teren. I ruturun.

Lovoang At Ne Pol Ti Limixin Nunu to Rom 5:5

Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.

Lovoang At Ne Pol Ti Limixin Nunu to Rom 8:39

kopla lempanga ro mavana at lavatbung menemen, kopla lempanga ro maxopok teren, la kopmen tinotno tepanga de at luruntudum li at ne Moroa i epovo xusu ri lox epeseves nedik basinge labalamu at ne Moroa, mo ga lox asuusu i rinedik keneng at ne Iesu Karisito, Leeme Silok atdik.

Lovoang At Ne Pol Ti Limixin Nunu to Rom 8:9

Ketla nemi xopmen mina rooro at lavavara at labantuxu; ketla mi rooro mu mun lavavara at Loroonan Kaala, mo do Loroonan Kaala at ne Moroa i nemen keneng atnimi. La do nege di, dixo ruuna Loroonan Kaala at ne Karisito, nedi xopmen limixin at ne Karisito.

1 Korin 12:13

Nedik axap limixin, ne Moroa gara suxuna vam dik mi mo legeso Roonan Kaala ren, kuren mun la nedik at legesa bantuxu; mila nedik axap ataga lok ka vam legeso Roonan Kaala ne Moroa ga raba nedik min. Keke i do buaang atnedik limixin, la nedik at levengkot petpes, leventaba at leme Judaia, la leventaba xopmen di me Judaia, la leventaba nedi levenasaxaruki, la leventaba nedi luvuttadi mene xuren.

1 Korin 14:16

Do mina emi asu mi ne Moroa mi levempapaase vetpes boro xeneng at loroonan kusuk mun atnimi, la do taradi go xopmen na lotu i nemen eburu minimi ap mo lixitkis buru, la neni ixo xasep at levempanga salai mo mi paase asu i. La ni naba tong i do “I ruturun!” kereva, do mina lox axap lisingising loklox avukat atnimi?

1 Korin 16:23

Letaba nabalamu at Leeme Silok atdik ne Iesu na nemen eburu minimi.

1 Korin 3:16

Miklen avukat pam i do, nemi xa laraugu laplavang at ne Moroa la Loroonan Kaala at ne Moroa i nemen keneng atnimi.

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 2:18

Maxeneng at ne Iesu nema leme Judaia eburu minemi limixin kopmen me Judaia dik ta epovo na vot pasa ne Temen dik mi legesa doxoma la legesa Roonan Kaala.

Epesas 2:22

La ne Karisito i lox abeles bok nimi kusu miba lok ngan lengkot ap mo loogu, la Loroonan Kaala at ne Moroa i nemen pam e.

Epesas 5:9

Mo laradi i ruuna laxasep at lorooro ren i lox asuusu luvukat, loklok mokmokso la loklok at lavapaase i ruturun.

Epesas 6:23

Moroa ne Temen dik la Leeme Silok ne Iesu Karisito duna raba nemi luvutneton nama mi lenmila, la labalamu eburu mi lunuunu,

Pilipai 2:1

Lorooro atnimi keneng at ne Karisito i lox alolos nimi la labalamu ren i lox amenemen bok nimi. Nemi mit kis esogo mi Loroonan Kaala la mira ruuna ka vam lebelemumu.

1 Jon 1:3

Lempanga axap mo laradi ga lox i, maga ven pam i, la maga ronga vam levelinga ren, ma vavang bok min tinemi, kusu nemi minat kis esogo eburu minema kerekngan nema mat kis esogo mi ne Temen dik la mi ne Nitna bok ne Iesu Karisito.

1 Jon 3:16

At na loklok at ne Iesu Karisito nedik ta xasep at lavasuun at labalamu. I lok keretna, Iesu Karisito ga met nop loklok atdik. Kuren la nedik bok ata raba lorooro atnedik ti lok tooro limixin at ne Moroa.

1 Jon 3:24

Do tara i mumu asu levelinga at ne Moroa, neni it kis esogo mi ne Moroa la ne Moroa it kis esogo min. La nedik takleklen i do ne Moroa it kis esogo midik mila neni ga raba dik mi Loroonan Kaala ren.

Lovoang At Ne Jut 1:21

La minam tebeng alis amisik labalamu at ne Moroa kusu labalamu atnimi na umsu ap mo levenaleng mit kis tangais lebelemumu at Leeme Silok atnedik ne Iesu Karisito, la ni naba raba nimi mi lorooro avolo.