2 Korin 12:19 - Madak

¹⁹ Agut mi doxoma i do nema mo mak lok tong i do mana paase see atnama ro melamgo atnimi? Kopmen tinotno. Ma paase ngan limixin at ne Karisito to melamgo at lemeren ne Moroa. Larapen tangas orong tarak. Levempanga axap ma lox i xusu ri lok tooro nimi.

2 Korin 12:19 ပူးပေါင်းရင်းမြစ်များ

Lovoang At Ne Pol Ti Limixin Nunu to Rom 9:1

Nenia at ne Karisito la nenia axo xaxarang. Loroonan Kaala ik lok tatao lodoxoma avukat tarak la ik lok axasep box ia do nenia axo xaxarang.

2 Korin 10:8

Nia axo mangan do nia ana lox aru ia mumu lugugu rak ti tong asu Lagale Lavavang, Leeme Silok ga raba nama min. Mo Lagale Lavavang, no Leeme Silok ga raba i xusu ri lox alolos labaroonan atnimi la kopmen ti lok kapmek nimi.

1 Korin 14:26

Luvutnetak mi luvurinuk. Ti lox axap na levelinga rak a vara i xusu ana tong axasep nimi keretna. Do minat pot buru ri lotu, lara na ruuna loxompixan; lara ri loklox ase mi levelinga at ne Moroa; la lara mi levelinga loklox axasep boro at ne Moroa, la lara ri levempapaase vetpes, la lara ri soxomus mo levempapaase vetpes. Na levempanga axap mina lox i xusu ri lox alolos limixin at lotu.

1 Korin 10:14

Kuren la, luvutnetak mi luvurinuk, mina ru asepsu basinge levelaplavang ti laxampoovo moroa.

Pilipai 4:1

Luvutnetak mi luvurinuk. Mi ronga vam na levelinga rak; kuren la mina tu atmatkun at lorooro atnimi keneng at Leeme Silok. Larapen tangas orong tarak. A balamu aleng nimi la a sosoro aleng ti tong asuusu nimi ri limixin mila labalak i lok momo aleng mumu nimi.

2 Korin 13:10

Ni lavasuun teren la nia a malagan i na at loxonaleng nia ak lok paxalom basinge nimi, kusu do nia ana vot, a noxo lok li lumumuat mavana atnimi mi mo lololos Leeme Silok ga raba ia min. Lugugu at na lololos i lok keretna, ti lox alolos lunuunu atnimi la kopmen do ri lox asi lunuunu atnimi.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 11:31

Moroa Temen Leeme Silok ne Iesu, limixin axap dina emi asu min at levenaleng axap la iklen i do nia axo babala mi na levelinga.

2 Korin 11:10

Luruturun at ne Karisito ik lok tarak, la kerepmo kopmen tara medo Grik naba rupe ia at na levelinga loklox aru do nenia axo lok kaka levempilas ti lugugu rak do.

2 Korin 7:1

Larapen tangas orong tarak. Na levelinga a tong pam i, ni levengkakaape ne Moroa ga lox i ridik; kuren la ata lox adadat dik basinge leveloklok kakapmek axap, mo i lox abilinga labantuxu la labaroonan atdik, la ata lok ka luruptuvuk i xaala, mi loklok ngangao atdik ti ne Moroa.

2 Korin 3:1

Kereva, ana vaxaru ka manga i do ana lox aru manga ia? Kopla mak pakes ti tovoang loklox axasep udom tinimi xopla me dom atnimi xerekngan lentaba luvuttadi di lox i.

1 Korin 10:33

Minak lok levempanga i ngan nia ak lox i. A lok tong pen i do ana lox amomo limixin axap at levempanga nenia ak lox i. Nia xopmen ana lolos kusu ri lok lempanga ria, ketla a doma mumu loklok tooro ri limixin axap kusu di naba lok kaka lorooro avolo.

Lovoang At Ne Pol Ti Limixin Nunu to Rom 12:19

Larapen tangas tarak, nemen gat miguta belemamao kaxat kusu ri vorang tavanga, ketla mina ke xepe ne Moroa na lok asuusu lebelemamao ren; atla Lovoang Kaala i vaase i xeretna, “Leeme Silok ne Moroa i vaase xeretna, ‘Nenia anaba ru kun la ana lok lugugu rak, la nenia anaba lok lovoporang at levempanga.” Len 32:35

Lovoang At Ne Pol Ti Limixin Nunu to Rom 14:19

Kuren la minak paxaru li levendoxoma atnemi at levempanga naba raba nimi mi limila, la naba lok tooro bok ti lox alolos lunuunu at limixin axap.

Lovoang At Ne Pol Ti Limixin Nunu to Rom 15:2

Ketla ata lox amomo luvutneton nedik la ata lok tooro di, kusu ri lox aru alolos lunuunu atnedi.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

1 Tesalonia 5:11

Kuren la mina elok tooro ela mi na levelinga la mina lox alolos lorooro atnimi ngan migara lok pam i.

Ibru 6:9

Larapen tangas tarak. Ma paase lolos tinimi xetla nemen mita doma solo i nom, mila ma nuunu ruturun do leveloklok i nunuan naba ravasu atnimi, mo levempanga naba lox asuusu i do mira lok ka vam loklox arooro.