2 Korin 11:12 - Madak

¹² La move nenia a noxo lok kaka lempilas boro atnedi limixin ding tonga levelinga rak; kerepmo aba lox asuusu laxaxarang atnedi di lox aru di do nedi mo luvuttadi vavang la di gugu ngan nema.

2 Korin 11:12 ပူးပေါင်းရင်းမြစ်များ

Metiu 26:16

Ga ru ka i ap mo laaleng ne Judas ga reven ti taaleng kusu na song araba ne Iesu ridi.

1 Korin 5:6

Nemi mi lok do loklok atnimi i lox avukat la mi silok aleng, ketla kopmen. Ixok mokso rinimi xusu mina ke xepe nom laradi i lok nom loklok. Miklen levelinga i lok keretna, “Laxakapmek kakalik at legesa radi naba lok kapmek limixin axap.”

1 Korin 9:12

Leventaba luvuttadi vavang petpes diga lok ka levempilas la levempanga anan dom atnimi la i lox avukat kuren. Ga epovo bok do nemi gita lok tooro nama kerepmo, atla maga rupot avot tidi la maga tong asu levelinga at ne Moroa rinimi. Ketla ma goxo sing panga nimi. Maga gugu lolos aleng ti lok tooro lixitkis atnama. Lavasuun teren keretna. Maga xopara i do teventaba atnimi dina lox abulubun kepe Lagale Lavavang at ne Iesu Karisito mumu levempilas ti luvuttadi vavang.

2 Korin 1:17

Ise nenia aga soxovo li i na, aga soxovo li i mi luruturun, nia xopmen agoxo soxovo li mene i mi loklok at na lavatbung menemen la ana sisiam gamasa mene do tuturun la kopmen.

2 Korin 10:17

I ngan Lovoang Kaala i tong i xeretna, “Do tara do na vara loklox aru, neni nak lox aru Leeme Silok ne Moroa.” Jer 9:24

2 Korin 11:18

Buaang nedi luvuttadi di lox aru di ngan limixin at na lavatkangka, kuren la nenia bok aba lox aru ia.

2 Korin 11:9

La at levenaleng nia aga nemen eburu minimi la agak pakes ti tempanga, ketla a goxo lox angtang solo nimi, mila levempakpakes tarak limixin nuunu boro Masadonia diga lok tooro ia min. Kuren la nia goxo ngising panga nimi la melemu bok nia noxo sing panga nimi. A xopara na raba nimi mi laknixip.

2 Korin 5:12

Nema maxo lok do mana lox aru lorooro atnema rinimi; ketla ma vara i xusu mana lok nimi xusu mina mumu lorooro atnama. Kerepmo la miba epovo ri vorang nedi luvuttadi dik lox asilok di mumu lixitkis silok atdi la dixo ila mumu luruptuvuk atdi.

Galesia 1:7

La i ruturun tinotno do kopmen bok ba tepavang avukat petpes; ketla a vaase i na atla lentaba luvuttadi mo dik lox ekarakat lodoxoma atnemi la dirak lok tong i xusu dinaba ba gili Lagale Lavavang at ne Karisito ti langas petpes.

1 Timoti 5:14

Kuren la a vara i do nedi lovosono naa dina epot la dina ruuna madak, la dina lok tatao avukat levempanga ro xeneng at laraugu atnedi, kusu kopmen di noxo raba luvuttadi munepen minedik kusu di noxo vaase xakapmek tidik.