2 Korin 11:1 - Madak

¹ A vara aleng i do mina xip tooro ia at na lodoxoma rangtangku rak. A sing nimi do mina xip tooro ia ren.

2 Korin 11:1 ပူးပေါင်းရင်းမြစ်များ

Metiu 17:17

La ne Iesu ga lok, “Limixin at na levenaleng kopmen tunuunu atnimi la levendoxoma atnimi i onon soogong. Lavanisa aleng tinotno nenia aba xip tutu mi levenmumuat atnimi? Nemi mi lox amolo ia. Una lam ka lamdak ude.”

Leven Gugu 18:14

Pol ga lok do na vaase, la ne Galio ga lok ti limixin me Judaia, “Do ni ga lok laxakapmek, i epovo do nia ana ronga levelinga atnemi limixin me Judaia.

Leven Gugu 26:29

Pol ga lok, “At na loxonaleng kopla loxonaleng melemu, lisingising tarak ti ne Moroa do nenu la nedi axap nom ding tonga ia mo lingina, diba nuunu at ne Iesu xerekngan ia, ketla di noxo nemen at loxokoxo ngan ia.”

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 3:18

Nemen gat tara guta xarang axa i. Mo do tara xantubu atnimi i doxoma i do neni mo laradi akleklen ngan limixin at na lavatbung menemen, i epovo do neni na ke xepe mo lakleklen teren la na lok kaka lakleklen tuturun at ne Moroa.

1 Korin 4:10

Limixin at na lavatbung menemen di tong i do nema luvuttadi baulang mun, mila ma gugu at laasen at ne Iesu. Ketla nemi mi lok do mi nemen avukat keneng at ne Iesu. Limixin at na lavatbung menemen di lok do nema luvuttadi gamasa la nemi mi doma i do nemi limixin silok at lorooro at ne Iesu. Limixin at na lavatbung menemen dik lox abulubun nama, ketla dik lok ngangao atnimi.

1 Korin 4:8

Kereva, mi doxoma i do mira mukun pam at lorooro atnimi at ne Iesu Karisito? La kerepmo mira doxoma i do nemi mi lok kaka vam leveloklox anarong axap. La mira doxoma i do mi silok ngan lavaorong silok, la mi silok tinema luvuttadi vavang. Do nemi mina silok kerepmo, nenia a doma i do naba lox avukat tinotno, atla nema bok mabat kis eburu minimi ngan lavaorong silok. Ketla nema xopmen mana silok kerepmo,

2 Korin 11:19

Mi momo rip kip tutu mi mo luvuttadi xaxarang la mo loklok baulang atdi mila mi lok ngan luvuttadi akleklen.

2 Korin 11:21

A vara na tong i do a lok mamangan aleng, mila maga marat ti lox i na rinimi. Ketla do di vara i do dina lox aru di at tavanga, a vara box i do ana lox aru ia xerekngan di. (Na levelinga rak i lok ngan levelinga at laradi baulang.)

2 Korin 11:4

A marat do tara na vot la na vavang mi ne Iesu vetpes ti na ne Iesu nema ma vavang min, la mina lok ka loroonan kopmen at ne Moroa, eburu mi lavavang i lok petpes aleng tinotno ri Loroonan Kaala at ne Moroa eburu mi lavavang nemi miga ronga ka i la miga siam kaka i.

2 Korin 12:11

A lok ngan tinotno laradi baulang mumu mo levelinga a tong pam i, ketla nemi xa miga pu soso ia rin. I epovo do nemi mina lox aru ia, mila nia xopmen ana lixilik tino ti nom luvuttadi vavang kaxarang mi lok do di silok aleng, keke i do nenia laradi gamasa mun.

2 Korin 5:13

Mo do mana vaase la lodoxoma atnema na ngan ta do i baulang, ma lox i xusu ri lox aurut lugugu at ne Moroa; la do lodoxoma atnema na xasep, ma lox i ri lok tooro nimi.

Ibru 5:2

Lamaasa gomgo im suma leveloklok tong pen, kuren la i epovo do ni na suma rooro nedi di lok laxakapmek mila kopmen dinaklen i do mo levempanga i lok kapmek.