2 Korin 10:7 - Madak

⁷ Nemi mi ven mumu levereven at labantuxu at laradi la kopmen mina reven lorooro axap teren. La do tara i doma ruturun i do neni at ne Karisito, i lox avukat do neni na xasep do nema bok at ne Karisito xerekngan i.

2 Korin 10:7 ပူးပေါင်းရင်းမြစ်များ

2 Korin 5:12

Nema maxo lok do mana lox aru lorooro atnema rinimi; ketla ma vara i xusu mana lok nimi xusu mina mumu lorooro atnama. Kerepmo la miba epovo ri vorang nedi luvuttadi dik lox asilok di mumu lixitkis silok atdi la dixo ila mumu luruptuvuk atdi.

1 Korin 14:37

Mo do tara i doxoma i do neni laradi vavang at ne Moroa xopla i ruuna laramtaba at Loroonan Kaala, neni na ven kisiv i do na levelinga rak nia a malagan i, ni levelinga lolos at Leeme Silok.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

Lagale Lavavang At Ne Iesu Karisito Jon Ga Malagan I 7:24

Nemen mita ila mumu ia mi lodoxoma at na lavatkangka, ketla mina ila mumu ia mi lodoxoma avukat boro at ne Moroa.”

1 Jon 4:6

Ketla nedik limixin at ne Moroa, la mo do lara ikleklen ne Moroa, neni bang tonga res atdik. La mo lara do kopmen neni at ne Moroa, neni noxong tonga res atdik. La kerepmo i epovo ta ven kibis i do nege i ruuna Loroonan Tuturun, la nege i ruuna loroonan kaxarang.

1 Korin 9:1

Kereva, nenia laradi sepmus la nenia laradi vavang at ne Moroa? Kereva, nenia aga ven ne Iesu, Leeme Silok atdik? La kereva, nemi livipisik at lugugu rak ngan laradi vavang at Leeme Silok?

1 Korin 3:23

Ketla na i ruturun dola nemi at ne Karisito, la ne Karisito at ne Moroa.

Galesia 3:29

Do nemi at ne Karisito, mi lok ngan pam do nemi livipisik li at ne Abaram, la minaba ruuna xaka mo loklox anarong ne Moroa ga xaape min ti ne Abaram.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

1 Korin 1:12

Lekarakat atnimi i lok keretna; nemi getgesara mi epaase mi levempapaase xopmen nak mokso. Lentaba di lok, “Nema at ne Pol.” La lentaba di lok, “Nema at ne Apolos.” La lentaba di lok, “Nema at ne Pita.” La lentaba di lok do, “Nema at ne Iesu Karisito.”

2 Korin 13:3

la minaba ven kisip avukat ba i do ne Karisito i paase keneng tarak. Neni kopmen lavanga mokmolo, ketla neni naba lox asuusu lololos teren kantubu atnimi.

2 Korin 12:11

A lok ngan tinotno laradi baulang mumu mo levelinga a tong pam i, ketla nemi xa miga pu soso ia rin. I epovo do nemi mina lox aru ia, mila nia xopmen ana lixilik tino ti nom luvuttadi vavang kaxarang mi lok do di silok aleng, keke i do nenia laradi gamasa mun.

2 Korin 11:18

Buaang nedi luvuttadi di lox aru di ngan limixin at na lavatkangka, kuren la nenia bok aba lox aru ia.

2 Korin 11:4

A marat do tara na vot la na vavang mi ne Iesu vetpes ti na ne Iesu nema ma vavang min, la mina lok ka loroonan kopmen at ne Moroa, eburu mi lavavang i lok petpes aleng tinotno ri Loroonan Kaala at ne Moroa eburu mi lavavang nemi miga ronga ka i la miga siam kaka i.

1 Korin 15:23

Ketla nedi getgesara dinaba roo xat amlong at levengkonaleng axa atdi. Avot tinotno ne Karisito ga xatu kaxat amlong, la at laaleng neni namlong ude xopok, nedi ba mo limixin digara met pam mi lunuunu atdi xeneng at ne Karisito, dinaba roo xat amlong.

Lagale Lavavang At Ne Iesu Karisito Luk Ga Malagan i 16:15

La ne Iesu ga lok tidi, “Nemi vam nom mik lok do minak mokso at lemeren limixin, ketla ne Moroa ikleklen i do keneng at lebelen nimi i umsu mi laxakapmek. Do lavanga salai limixin di doxoma i do i silok aleng, nom i ngan lavanga gamasa at lemeren ne Moroa.

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.