2 Korin 10:1 - Madak

¹ Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 10:1 ပူးပေါင်းရင်းမြစ်များ

Sam 45:4

Nenu loorong mi laasen silok, ut kis pana at la os (horse) ti esep. La uk sak tup mi lavamunepen taram ti lox alolos loklok mokmokso la levelinga ruturun.

Metiu 11:29

Mina siam ka loklok tarak la mina ronga ka levenanasa rak; mila lorooro rak i umsu mi loklok mulus mene, kuren la miba lok ka loklox amas ti labaroonan atnimi.

Metiu 21:5

“Una tong i ri limixin to Jerusalem do, ‘Pen ba i. Loorong Silok atnimi it pas saparap nimi, neni laradi loklok mulus mene la it kis at lodongki, ni lodongki maxat.” Sak 9:9

Leven Gugu 8:32

Mo levelinga at ne Moroa xeneng ap mo lubuk ni ga utus i, ga lok keretna, ‘Neni ga lok ngan ta lisipsip no diga lok ka i xusu dina sev i; neni ga lok ngan lisipsip maxat no xopmen nak lok gusugus do di sep korop levengkabinim teren, ni goxo tong tekolinga.

Lovoang At Ne Pol Ti Limixin Nunu to Rom 10:20

La ne Aisaia ga vaase axasep tinotno xeretna, “Lara lubungmixin di goxo puse ria ketla diga vuse ka ia, la nia aga vot saparap nedi di goxo susue vupuse ria.” Ais 65:1

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 15:15

Ketla keneng at na lovoang a malagan levelinga lolos kusu ri lox axasep levendoxoma atnemi ri levempanga nenia agara vaase vam nemi min. Nenia a epovo ri paase lolos tinimi mila gano ne Moroa ga raba ia mi na lugugu,

1 Korin 2:3

Nenia aga rupot avot dom atnimi, la lengkot tarak goxo lolos avukat la aga dede aleng mi lanmarat;

1 Korin 4:10

Limixin at na lavatbung menemen di tong i do nema luvuttadi baulang mun, mila ma gugu at laasen at ne Iesu. Ketla nemi mi lok do mi nemen avukat keneng at ne Iesu. Limixin at na lavatbung menemen di lok do nema luvuttadi gamasa la nemi mi doma i do nemi limixin silok at lorooro at ne Iesu. Limixin at na lavatbung menemen dik lox abulubun nama, ketla dik lok ngangao atnimi.

1 Korin 4:21

Kereva, mira lox akmokso vam lorooro atnimi? Do xopmen, nenia aba vot mi laadas. Do mina ronga res tarak, nenia aba vot mi labalamu la loklox atnaasan.

2 Korin 10:10

mila leventaba di lok do, “Levempoang at ne Pol i lolos la i mumuat aleng. Ket do neni na nemen eburu midik, neni nabasko la levempapaase ren noxo mumuat solo.”

2 Korin 10:2

A sing nemi do luruptuvuk atnimi na lox avukat mun kusu at laaleng nenia ana vot pasa nimi, noxo epovo bok ba xusu ana vaase lolos tinimi mi lololos axa rak. I ngan nia a doma i do ana lox asuusu i rinedi leventaba luvuttadi di doma i do nema map tuvuk ngan luvuttadi at na lavatbung menemen.

2 Korin 10:7

Nemi mi ven mumu levereven at labantuxu at laradi la kopmen mina reven lorooro axap teren. La do tara i doma ruturun i do neni at ne Karisito, i lox avukat do neni na xasep do nema bok at ne Karisito xerekngan i.

2 Korin 11:21

A vara na tong i do a lok mamangan aleng, mila maga marat ti lox i na rinimi. Ketla do di vara i do dina lox aru di at tavanga, a vara box i do ana lox aru ia xerekngan di. (Na levelinga rak i lok ngan levelinga at laradi baulang.)

2 Korin 11:30

Dola ana lox aru ia, ana lox asilox ia mi na levempanga ga vot parav ia ua di lox asuusu lomolo rak.

2 Korin 12:5

Aba lox aru mo laradi, a noxo lox aru ia; ketla kusuk mun nia ba lox aru ia at levempanga i lox asuusu lomolo rak.

2 Korin 3:12

Nedik tam doma voovo ri mo lisisixam at Lagale Lavavang; kuren la nedik di abelemes aleng.

2 Korin 5:20

Kuren la nema ma paase katling ne Karisito, la ne Moroa i toro rinimi xeneng at levempapaase atnama. Ma sing nemi at laasen at ne Karisito do mina ke ne Moroa na vaxat ka nimi uto saparav i.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

2 Korin 7:4

Lunuunu rak i rem saga atnimi, a ruuna lusumsuma momo i umsu aleng mumu nimi. Kuren la a umsu mi lolos la keneng at na laxanmumuat a lok momo aleng.

Galesia 4:13

Miklen bok ua lavasuun teren la nenia aga vavang avot mi Lagale Lavavang tinemi; lavasuun teren atla nenia aga lok mekmeres.

Galesia 5:2

Mina ronga avukar i na. Nenia ne Pol a tong tinotno i rinemi do, amo do mina doma i do mina vit kepe lengkontuxu atnemi, naba milik ngan keretna do, lugugu at ne Karisito ixo epovo na lok tooro nimi.

Epesas 3:1

Nenia ne Pol, a ruuna mo lugugu ti lox axis nemi, limixin kopmen nemi me Judaia eburu mi ne Iesu Karisito, la ni lavasuun bok teren la nenia ak lok de at loxokoxo.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Pilipai 4:5

Mina lox ase limixin axap mi loklok mulus mo i umsu at lorooro atnimi. Noxo lox abao la Leeme Silok naba vot.

Kolosi 1:23

Naba lok kuren mo do mina tu tuxuruxun at lunuunu atnimi la kopmen tara na sat kaka nimi basinge lunuunu atnimi saparap Lagale Lavavang. At nom mun Lagale Lavavang la nia ne Pol a tong asu i ngan lasaxaruki at ne Moroa, la na Lagale Lavavang mo di vavang min ti limixin axap at na lavatbung menemen, ni levelinga nemi miga ronga i.

2 Tesalonia 3:17

Nenia ne Pol, a malagan na levengkolinga mi lakngak akmokso. Lavapaase momo rak tinimi. A malagan na levempoang keretna.

Pilimon 1:19

Nenia ne Pol, a malagan na levelinga ru. Na levelinga rak i ruturun la nenia anaba vorang levempanga ram. Ketla una doma i do nenia aga lok tooro u xusu una lok ka lorooro.

Pilimon 1:9

ketla nia noxo vaase lolos, ana paase mi labalamu. Nenia a tu katling ne Iesu Karisito la at na loxonaleng nia a nemen to at loogu xokoxo.

1 Pita 2:11

Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen, kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi.

Lisilimet 1:9

Nenia ne Jon, neton nemi limixin mi nuunu at ne Iesu. La nenia na ap kip levesongsongot eburu minimi, la nedik eburu lavaanat at Linintoo ren, la ata tu tuxuruxun at lunuunu atdik, do nedik ata ekip tangarang mi levesongsongot. Nenia agak lok at losoxan to Patimos, nia aga nemen go ngan laradi xokoxo mila nia aga tong asu Lagale Lavavang at ne Moroa mi levelinga ruturun at ne Iesu.