2 Korin 1:6 - Madak

⁶ Mo do mana songot at lorooro axap atnama mumu nimi, naba lox avukat aleng mila losongsongot atnama naba lox asuusu loklox amenemen eburu mi lorooro rinimi; la mo do mana lok kaka loklox amenemen ukeneng ti lorooro atnama, na bok naba ravasu ngan loklox amenemen ti lok tooro nimi, mo loklox amenemen i su auru nimi xusu mina tu lolos tip kip mo levesongsongot ngan nema map kiv i.

2 Korin 1:6 ပူးပေါင်းရင်းမြစ်များ

Leven Gugu 21:5

Ketla levenaleng atnama ri nemen go ga xap, la maga on basinge mo lemenemen silok. Nedi axap, eburu mi lavakin atnedi la laxaalik kakalik atdi, diga vas kaxat eburu minema uto loxon. Maga xis tiktikbu mi lempatgulom atnama ro loxon la maga lok lising.

Lovoang At Ne Pol Ti Limixin Nunu to Rom 8:28

Nedik ataklen i do ne Moroa i gugu mi luvukat at levempanga axap, keneng at lorooro atnedi di balamu i, la nedi no neni gara ro xaka vam nedi xerekngan lodoxoma ren kuren.

2 Korin 1:4

Neni xusuk mun i lox amenemen nama at levenmumuat it pot parap nama, kusu nema bok maba epovo xusu mana lox amenemen nedi di ruuna levenmumuat kerepmo mi na lavapaase amenemen, nema maga ruuna ka i boro at ne Moroa.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 5:5

Moroa xa neni ga gagas pam nedik ti na lorooro avolo, la neni ga raba nedik mi Loroonan teren ngan lampinebeng ti mo levempanga neni i ruuna i do ridik.

Epesas 3:1

Nenia ne Pol, a ruuna mo lugugu ti lox axis nemi, limixin kopmen nemi me Judaia eburu mi ne Iesu Karisito, la ni lavasuun bok teren la nenia ak lok de at loxokoxo.

Epesas 3:13

Kuren la nia a sing nimi do mina lolos la nemen mita subu kot kantubu at lunuunu atnimi mumu levesongsongot nia ap kiv i. Na levesongsongot ga vot mila agak lok tooro nimi, ketla mina lok momo mun maxeneng teren.

Pilipai 1:19

La a lok momo bok mila aklen i do at levesingising atnimi la loklok tooro at Loroonan Kaala at ne Iesu Karisito, dinaba soxomus asu ia basinge na loogu xokoxo.

2 Timoti 2:10

Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.