2 Jon 1:2 - Madak

² mila levelinga ruturun at ne Moroa i nemen keneng at lorooro atdik la naba nemen amisik eburu midik.

2 Jon 1:2 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lagale Lavavang At Ne Iesu Karisito Jon Ga Malagan I 15:7

Do mina nemen tarak, la do minam tebeng lolos levelinga rak, mina sing ti levempanga salai mi vara rin, la miba ruuna ka i.

1 Korin 9:23

Na levempanga axap a lox i ri lok ka buaang limixin kusu dina nuunu at Lagale Lavavang la kerepmo aba lok ka bok tenep at leveloklox anarong boro at ne Moroa.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

2 Timoti 1:5

A doma su bok at lunuunu ram. Lunuunu lolos bok ga nemen at lorooro at ne tubum ne Lois la at lorooro bok at nenam ne Iunis; la nenia aklen i do lunuunu lolos kerepmo ik lok bok at lorooro ram.

2 Pita 1:12

Kuren la nenia anabak lox adoxoma aklen amisik nemi ri na langas, keke i do miraklen pam di la mira tu lolos keneng at luruturun miga ruuna xaka i.

1 Jon 1:8

Dola tara na lok keretna, “Kopmen taxapmek tarak,” neni i xarang axa i, la levelinga ruturun kopmen nak lok teren.

1 Jon 2:14

Nia a malagan na lovoang tinemi limixin mukun. Lavasuun teren keretna, nemi miklen ne Iesu Karisito mo gak lok ganoxa at lereot. Nia a malagan na lovoang tinemi limixin maxat. Lavasuun teren keretna, nemi mi tu tuxuruxun at lunuunu atnimi la levelinga at ne Moroa i lox asuusu lempanga nunuan at lorooro atnemi; la mira on basinge vam loklok kakapmek at ne Satan.

1 Jon 2:17

La na lavatkangka eburu mi leveloklok kakapmek teren, naba xap. Ketla laradi do i mumu asu lavavara at ne Moroa, neni naba rooro avolo.