1 Timoti 6:17 - Madak

¹⁷ Una vaase axasep di dip novos aleng mi laxampanga at na lorooro do nemen ditak lox asilok di, la di noxo lok li lodoxoma atdi keneng at levenapnovos at na lorooro, mila lapnovos noxo nemen amisik; ketla dina lok li levendoxoma atdi at ne Moroa xusuk mun, mo im taba amisik dik mi levempanga axap ti lox amomo dik.

1 Timoti 6:17 ပူးပေါင်းရင်းမြစ်များ

Leven Gugu 14:17

Ketla neni i lox asuvos amisix i ap mo lempanga ni ga rudum li i; la im taba nimi mi larakabu boro vana at laxalibet, la ga lok katling levenaleng tik lok li bubua leveluxa at levenaleng axa ren. Ni im taba nemi mi leveluxa solo la ik suxa umsu lorooro atnimi mi lomomo.”

1 Timoti 4:10

Ni lavasuun teren la dik ata gugu lolos la atam tabaavat, mila dik ta lok li vam lodoxoma voovo atdik at ne Moroa mo i rooro, neni Laradi Loklox Arooro at limixin axap la atnedi bok di nuunu.

Metiu 19:23

La ne Iesu ga lok ti luvuttadi loklok ka anasa ren, “A tong tuturun i rinimi. I lolos aleng do laradi nopnovos na vubeles at Linintoo no vana at laxalibet.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Lagale Lavavang At Ne Iesu Karisito Luk Ga Malagan i 19:2

La lara laradi gomgo at limixin loklok kaka pilas mo ga nemen, laasen teren ne Sakias, neni laradi nopnovos.

Lovoang At Ne Pol Ti Limixin Nunu to Rom 11:20

I ruturun. Diga repit pes atla di goxo nuunu, la nemi miga ru kun nedi atla nemi miga nuunu. Ketla nemen gat miguta doma i do mi silok; mina lok tatao nimi kusu nemi bok mi noxo subu.

Sam 104:28

Nu um taba luxa di la di vanan i; nenu um taba leveluxa xusu rik lox axap lavavara atdi.

Sam 62:10

Nemen gat mita doma i do mina sak paxat ka tempanga, la nemen gat mita doma i do mina ruuna ka tavanga at loklok tip kip pilo. Keke i dola lapnovos atnemi na sisilok; nemen mita doma saga solo ren.

Sam 52:7

“Mina ven ba na laradi goxo vara i do ne Moroa na lok tatao i. Ketla ni ga nuunu saga at lapnovos silok teren, la ga nunua i do loklok kakapmek naba lox aulis i.”

2 Timoti 4:10

mila ne Demas, ga vara lorooro at na lavatkangka la neni ga on basinge ia la gat pas uto Tesalonia. Kresen gat pas uto Galesia, Taitas ga onon uto Dalmatia.

1 Timoti 6:13

At lemeren ne Moroa, neni im taba lorooro ri levempanga axap, la at lemeren ne Iesu Karisito, mo ga vaase mi luruturun to melamgo at ne Pontias Paelat; a sing lolos u do

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

Epesas 5:5

Nemi mina xasep at na. Do tara na lok loklok kakapmek maxamang at lixitkis epot, kopla na lok lengkot mamangan, kopla loklok ti belegaao (na loklok i ngan loklok ti lotu saparap lempoovo moroa), kopmen toxot tin to xeneng at Linintoo at ne Karisito la ne Moroa.

Leven Gugu 17:25

La ni xopmen nak pakes ti tavanga do tara na raba i min, mila neni xa im taba lorooro la lamamas la lempanga axap ti limixin.

Leven Gugu 14:27

Duga rupot to Antiok la duga ro bubua limixin axap at lotu, la duga tong asu lempanga ne Moroa ga lox i at levengkikngen du; la duga tong i do ne Moroa ga suang langas ti limixin kopmen di me Judaia xusu dina nuunu.

Lagale Lavavang At Ne Iesu Karisito Mak Ga Malagan I 10:24

La luvuttadi loklok ka anasa ren diga sangu at na levelinga ren. La ne Iesu ga lok bok tidi, “Loxongkulao, i lolos aleng do tara na vubeles at Linintoo at ne Moroa.

Metiu 27:57

Taba nga ukantinao lara laradi nopnovos boro Arimatia, laasen teren ne Josep, ga vot la neni bok lara atnedi luvuttadi loklok ka anasa at ne Iesu.

Metiu 6:32

Nedi xopmen dina nuunu at ne Moroa dik bulu mu lempanga xeretna. Ne Temen nemi no vana at laxalibet ikleklen i do mik pakes ti na lempanga.

Sam 62:8

Nemi limixin tarak. At levenaleng axap mina nuunu saga at ne Moroa. Mina tong asu levenmumuat atnemi rin, atla neni loxot loklox alipe atnedik.

Taitas 3:6

Moroa ga sak tiki Loroonan Kaala ren saparap dik kusu na lok tooro dik; i epovo xuren, mila ne Iesu Karisito, Laradi Loklox Arooro atdik, ga uu nop loklok atdik.

1 Timoti 5:21

At lemeren ne Moroa la at ne Iesu Karisito la at lubung angelo melemelengan, a sing alolos u xusu una mumu asu na levelinga; nemen uta lox asilok taradi mavana at limixin axap la nemen uta lox asi tara at levempanga axap nenu u lox i.

1 Timoti 3:15

Do nia a noxo vot soso, nenu u epovo na lox ase limixin kusu dina lok tatao avukat di keneng at lixitkis koetemen atdi mi ne Moroa; na loklok, ni lavasuun at lotu ruturun at ne Moroa i rooro amisik, neni luxus una la lusu auru at levelinga ruturun.

Metiu 12:32

La ne Moroa naba doxoma xepe tara i paase kapmek mumu ia, Laradi Mevana, ketla neni noxo doxoma xepe tara i paase kapmek mumu Loroonan Kaala, at na levenaleng la at lorooro melemu bok.

Lagale Lavavang At Ne Iesu Karisito Luk Ga Malagan i 3:11

La ni ga vorang i ridi xeretna, “Do nege i ruuna tegepu vanga singsiga, neni na raba tara ti mo laradi kopmen tara ren; la do nege i ruuna leveluxa, neni na raba box i ri mo laradi kopmen teveluxa ren.”

1 Timoti 6:9

Ketla nedi di vara i do dinap novos aleng, di ekip tangarang mi leveloklok tong pen la di vonon axa at lara pelixo atnedi limixin tangtangku la mo laxandoxoma xakapmek atnedi i lox asubu di ukopok ti losongsongot la labaava.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.

Metiu 25:16

Mo lara ga lok ka lavalimo talen, soso mun neni gat pas la ga gugu mi mo leventalen la ga ruuna ka bok lavalimo talen.