1 Timoti 6:15 - Madak

¹⁵ Mo lovotpot teren naba vot akmokso at loxonaleng ne Moroa gara lok katling pam i; neni i umsu mi leveloklox anarong la neni xusuk mun lamgomgo atdik, Loorong Silok at lavaorong silok axap, la Leeme Silok ti lavaeme silok.

1 Timoti 6:15 ပူးပေါင်းရင်းမြစ်များ

Sam 136:3

Ata tong avukat ti Lanaraavuk i lolos silok polo nedi lavaeme silok axap; kopmen tekavaxap at labalamu ren.

Sam 47:2

Leeme Silok, ni Leeme Avolo. Dik atana lok ngangao aleng teren; neni Loorong Silok, im gomgonga na lavatbung menemen axap.

Sam 83:18

Naba lox avukat do dina xasep do nenu xusuk mun Leeme Silok, la Lamgomgo silok tinotno; u lolos aleng pana axap at lavatbung menemen.

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

1 Timoti 1:11

Na levelinga ik lok to xeneng at Lagale Lavavang, mo ne Moroa ga raba ia min, kusu ana tong asu i. Lagale Lavavang ne Moroa i lox asuusu lisisixam at ne Moroa, kuren la ata emi asu mi ne Moroa.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

1 Timoti 2:6

Ni ga raba xa i ngan laxaavuk ti lox arooro limixin axap basinge laxakapmek atdi. Na ga ravasu ruturun at loxonaleng mokmokso ren.

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

Lisilimet 19:16

La lara langas linga ik lok to at lisingsigaara ren la to bok at laaon teren; nom langas linga i lok keretna, “Loorong Silok mavana at lavaorong silok la Leeme Silok mavana at lavaeme silok.”