1 Timoti 5:3 - Madak

³ Una lok ngangao at lempatnaa, kopmen teventaba na lok tatao di.

1 Timoti 5:3 ပူးပေါင်းရင်းမြစ်များ

Sam 146:9

Neni i reven aratao nedi limixin me xadiong ua di nemen keneng at lenep kangka atnedik; ik lok tooro lempat naa rixin eburu mi lubung karun, ketla ik lox asaxaek (tino) nedi luvuttadi loklok kakapmek.

Sam 68:5

Moroa i nemen to xeneng at loogu laplavang teren i xaala; ni i kok lubungkurun la ik lok tatao lubung naa rixin, lavatlok atdi diga met pam.

Sam 94:6

Dip sev amet lempatnaa mi lubungkarun, la dip sev amet bok lavaose mo dik lok at na lenep kangka atnema.

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Lagale Lavavang At Ne Iesu Karisito Luk Ga Malagan i 2:37

La latlok teren ga met la melemu neni ga nemen naa; la levenmaares teren ga epovo at lavanuan sangaun mi lavanuet. Neni xopmen goxo onon basinge loogu laplavang; at lengkangking la lengkanimin, ni ga lotu saparap ne Moroa la ni ga mun anan la ga ngising.

Lagale Lavavang At Ne Iesu Karisito Luk Ga Malagan i 7:12

Diga rupot go at langas povolo ap mo lemenemen. La limixin mo digap kip lara lorongan, neni leges amdak mun at labannaa, la buaang nedi limixin ap mo lemenemen digat pas eburu min.

Lagale Lavavang At Ne Iesu Karisito Jon Ga Malagan I 1:47

At loxonaleng ne Iesu ga ven ne Natanael ga vas auret, la ni ga vaase mumu i xeretna, “Neni laradi ruturun boro Israel; kopmen tempanga xaxarang nak lok at lorooro ren.”

Leven Gugu 6:1

Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Leven Gugu 9:39

La ne Pita ga xatu kaxat la ga vas kaxat eburu midu. At loxonaleng neni ga rupot diga lam kaka i uto ap mo loogu mevana. Mo lempat naa diga ru bubua saparav i, digang teng la diga lox ase i mi lempanga singsiga la lenbantamon ne Dokas gak sox i ap mo levenaleng ni ga rooro ren.

Leven Gugu 9:41

Pita ga ranga axatu i mi lekngen. La ni ga ro bubua ka luvuttadi nuunu la lempat naa, la ga lox ase di mi ne Tabita mo gara roo xat pam.

1 Tesalonia 2:6

La maga xopara limixin petpes eburu minemi mina emi asu minema.

1 Timoti 5:2

la lavakin mukun ngan luvutnenam, la lovosono maxat ngan ta luvurinum, mi loklok i dadat aleng.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

1 Pita 3:7

Kuren pam la nemi bok lavatlok, mina ekilen ela mi levempakpakes at lavakin atnemi la minaklen avukat box i do nedi dixo ruuna tololos solo la mina lok tooro nedi. Mina raba nedi mi loklok ngangao mila nemi buru axap minaba ruuna xaka laramtaba i rooro boro at ne Moroa. Mina mu asu i na levelinga xusu, kopmen tekarakat naba lok pe levesingising kantubu atnemi lavatlok eburu mi ne Moroa.