1 Timoti 5:22 - Madak

²² Nemen gat uta takas kusu una sa li lukngam to mavana at taradi ri lok lugugu at Leeme Silok, la nemen uta lok tooro tara mi laxakapmek teren, una lox adadat amisik lorooro ram.

1 Timoti 5:22 ပူးပေါင်းရင်းမြစ်များ

Sam 50:18

Mi etangas mi luvuttadi xipkip pilo, la mi vemu eburu mi limixin longlongka.

Leven Gugu 13:3

La diga mun anan la diga ngising, la diga lok li levengkikngen di mavana atdu; la diga riki aonon ba du.

Leven Gugu 18:6

Ketla limixin me Judaia diga lox abulubun i la diga vaase levelinga xapmek mumu i, la ni ga vaase lolos tidi la ga semla xepe laxakup at lavanga singsiga ren; la ni ga lok tidi, “Do nemi mi xopara levelinga at ne Moroa, nemi xa minabap kip lumumuat teren. Kopmen bok ba toxot tarak ap mo i. Nia anat pas kusu ana vavang ti limixin kopmen di me Judaia.”

Leven Gugu 20:26

Kuren la a tong tuturun i rinimi na lingina; mo do tara atnimi na ronga abulubun levelinga at ne Moroa, ni nabap kip lumumuat teren. Nia xopmen lavasuun teren,

Leven Gugu 6:6

Nedi na diga raba nedi ri luvuttadi vavang la diga lok lising la diga lok li levengkikngen di ro mavana atdi, kusu dina lox anarong di.

Epesas 5:11

Nemen mita etangas eburu minedi luvuttadi dik lok leveloklok at lamain. Mo leveloklok i ngan lavanga gamasa la noxo visik asu lempanga avukat, ketla mina vaase sok nedi limixin di lox i;

1 Timoti 3:10

Una lok tong pen avot be di, la dola dina gugu avukat, dina lok ka ba nom lugugu loklok tooro.

1 Timoti 3:2

Laradi gomgo at lotu neni laradi kopmen tosoogong teren at lemeren limixin; neni latlok at leges atkin mun la it kis atnaasan; la ik lok tatao avukat luruptuvuk teren, loklok teren i lok nunuan mene nga; neni ik lok maraose minedi limixin boro vetpes; la neni i epovo ri lox ase limixin;

1 Timoti 3:6

Laradi gomgo neni laradi mi lunuunu ren i xus pam; mila i lok kapmek do neni na lox asilox i la ni na subu beles at lebelemamao at ne Moroa, kerekngan ne Satan.

1 Timoti 4:12

Nemen uta ke xepe tara na vas asi u ukopok atla nenu laau doxodok; ketla una lok ngan lampoovo ri limixin nuunu, at levempapaase ram, luruptuvuk taram, labalamu ram, lunuunu la loklok i dadat.

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

2 Timoti 1:6

Na mun i lavasuun teren la nia a vaase alolos u xusu unam tebeng alolos nom laramtaba ne Moroa gara raba vam u min ap mo loxonaleng nenia aga sa li lukngak mavana ram.

2 Timoti 2:2

Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

Ibru 6:2

laanasa ri lesep susu; laanasa ri loklok ti sa li levengkikngen mavana at teventaba rik lox anarong di; laanasa ri laxakatu kaxat basinge lanmet; la laanasa ri lugugu at ne Moroa ngan laradi rongtonga linga at laaleng ete.

2 Jon 1:11

Do tara i mulus ka i, naba lok ngan dola neni i tu eburu min keneng at lempanga xakapmek teren.

Lisilimet 18:4

La aga ronga laxaka linga vetpes ga si boro vana at laxalibet ga lok, “Limixin tarak. Mina vas kaxat basinge lemenemen Babilon; lavanga mina sok ka toxot tinimi at laxakapmek at limixin at nom lemenemen; la lavanga minang songot eburu minedi mi mo losongsongot nenia aba raba nedi min.