1 Timoti 5:17 - Madak

¹⁷ Luvuttadi amgomgo at lotu mo di lok leven gugu avukat ngan lubung amgomgo, i epovo do dina lok ka bok luunun mavana at luunun atnedi, nedi mene di gugu lolos mi lavavang la di anasa;

1 Timoti 5:17 ပူးပေါင်းရင်းမြစ်များ

Metiu 24:25

Mina ronga avukar i na. A tong alii avot ta i rinimi.

Lagale Lavavang At Ne Iesu Karisito Luk Ga Malagan i 10:7

Mina nemen at nom leges ogu mene nga; i lox avukat do mina anan la mina inin lempanga salai dina raba nimi min, mila laradi gugu i epovo xusu na lok kaka luunun teren. Nemi mina nemen at leges ogu mene nga ap mo lemenemen.

Lagale Lavavang At Ne Iesu Karisito Luk Ga Malagan i 12:42

Leeme Silok ga vorang i rin keretna, “Nege mo laradi ruturun la lasaxaruki avukat? Neni mo laradi, leeme silok teren naba lok li i xusu nak lok tatao loogu ren la na raba lavasaxaruki mi lempanga anan tidi at lengkonaleng mokmokso.

Lagale Lavavang At Ne Iesu Karisito Jon Ga Malagan I 4:38

La kerepmo aga riki vam nimi xusu ri lok ka lempanga anan at laraamang, nemi xa xopmen mi goxotlotlo li i; lentaba vetpes digatlotlo li i go la nemi mik lok kaka levempipisik teren.”

Leven Gugu 11:30

Diga lox i xuren la diga lox aonon lempilas at lukngen ne Banabas mi ne Sol, kusu duba raba luvuttadi gomgo at lotu min, go Jerusalem.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Leven Gugu 28:10

Diga lok ngangao aleng atnema la diga raba nema mi buaang leventamtaba. Melemu at lavantun gaaling ga auret do mana sixit kaxat mi lavattaaxup la diga lok li lempanga rinama ro vana at lavattaaxup, diga raba nama mi lempanga ri mo lavatpas atnema.

Lovoang At Ne Pol Ti Limixin Nunu to Rom 12:8

Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

Lovoang At Ne Pol Ti Limixin Nunu to Rom 15:27

Nedi xa diga doma i do dina lox i, atla di suma i do diga lok kaka laxaloklox anarong solo xeneng at Lagale Lavavang ga ravasu at levenngusno at limixin nuunu boro Jerusalem. Kuren la limixin kopmen nedi me Judaia di doma i do di gugu porang ti leme Judaia mi leveloklox anarong at labantuxu.

Lovoang At Ne Pol Ti Limixin Nunu to Rom 16:12

Lavapaase momo bok tarak ti ne Taraipina mi ne Taraiposa nedu lutkin du gugu lugugu at ne Moroa la ti lentangas orong bok tarak ne Pesis neni latkin gak lok lugugu silok at Leeme Silok.

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

1 Korin 16:16

kusu mina mumu asu levelinga at luvuttadi xerepmo, la atnedi bok di gugu eburu midi.

1 Korin 3:9

mila nema eburu mun luradi gugu at ne Moroa la nemi mi lok ngan laxantaamang teren. La nemi bok mi lok ngan loogu, ne Moroa ga vaxaru i.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Galesia 6:6

Do lara i lok kaka levenanasa ti mumu asu ne Karisito, i epovo do neni na raba mo leeme loklox ase mi levempanga ri lok tooro i.

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

Pilipai 2:29

Mina seega rangarang i mi lomomo silok ngan neton nimi at Leeme Silok; mina lok ngangao at luvuttadi ngan i,

Pilipai 4:3

Laa vaase bok tu, lagale laradi; uga gugu nunuan eburu minia. Una lok tooro na lutkin, la una lok lumulum kantubu atdu kusu duba xis eburu, atla gano nedu duga gugu lolos ti tong asu Lagale Lavavang, eburu bok mi ne Klemen, la nedi vetpes bok digara gugu vam eburu minia, nom levenasen atnedi ira nemen pam at lubuk at lorooro at ne Moroa.

1 Timoti 3:5

Do tara xopmen naklen ti vaxaxis avukat lixitkis koetemen teren, naba lok ba kereva la ni na lok tatao avukat limixin at ne Moroa?

1 Timoti 4:10

Ni lavasuun teren la dik ata gugu lolos la atam tabaavat, mila dik ta lok li vam lodoxoma voovo atdik at ne Moroa mo i rooro, neni Laradi Loklox Arooro at limixin axap la atnedi bok di nuunu.

1 Timoti 4:14

Nemen uta lox abulubun kepe laramtaba at Loroonan nom i nemen keneng taram; uga lok ka i ap mo laaleng luvuttadi vapaase alii diga paase alii i la luvuttadi mukun diga sa li levengkikngen di mavana ram.

1 Timoti 4:16

Una lok tatao avukat lorooro ram eburu mi nom levenanasa uga anasa limixin min. Unak lox amisix i na levempanga; dola una lox i xuren, unaba lox arooro u eburu minedi nom ding tonga levelinga ram.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

1 Timoti 5:19

Nemen uta ronga res at levelinga at legesa radi i vaase asu i mumu laxakapmek at laradi mukun at lotu, ket do legepura kopla lavantun di vaase asu i, una ronga res teren.

1 Timoti 5:3

Una lok ngangao at lempatnaa, kopmen teventaba na lok tatao di.

2 Timoti 2:6

Una lok ngan bok laradi gugu taamang; neni i gugu lolos kusu neni avot na lok kaka loxot at levempipisik at laraamang.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

Ibru 13:24

A lox aonon lavapaase momo rak ti luvuttadi amgomgo atnimi la ti limixin axap at ne Moroa. La nedi bok limixin nuunu boro Itali di lox aonon lavapaase momo rinimi.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.