1 Timoti 1:9 - Madak

⁹ Ataklen box i do Lenavolo at ne Moroa, kopmen tinedi limixin avukat, ketla tinedi limixin di los polo Lenavolo, la tinedi limixin tongtonga xepe, la tinedi limixin kopmen dina lotu saparap ne Moroa, la ti luvuttadi xapmek, la tinedi bok kopmen dina lok ngangao at ne Moroa la levempanga at lotu, la tinedi dip sev amet luvuttemen di mi luvutnen di, la tinedi dip sev amet limixin petpes,

1 Timoti 1:9 ပူးပေါင်းရင်းမြစ်များ

Metiu 10:21

Lara koeton axa diba etaba tuntuna mi luvutneton di ri lanmet; la luvuttemen laxamdak diba etaba tuntuna mi laxamdak la laxaalik atdi; la laxamdak mi laxaalik dibang tonga xepe levelinga at luvuttemen di mi luvutnen di la diba lok li di at lanmet.

Lovoang At Ne Pol Ti Limixin Nunu to Rom 1:30

Di lox asi limixin mi levelinga, di velox angtungun mi ne Moroa, di ekilu, dim simi di la dit las di, la di doma xaka bok leventaangas petpes ti lok laxakapmek, kopmen dina ronga res at luvuttemen di mi luvutnen di.

Lovoang At Ne Pol Ti Limixin Nunu to Rom 4:13

Ne Moroa ga lok laxakaape eburu mi ne Abaram do lavatbung menemen axap, ateren eburu mi livipisik li ren. Na laxakaape goxo vot mumu i do ne Abaram gang tonga res at Lenavolo, ketla atla neni ga nuunu. Kuren la ne Moroa ga siam kaka i ngan laradi mokmokso.

Lovoang At Ne Pol Ti Limixin Nunu to Rom 5:20

Lenavolo ga ravasu kusu limixin dina ven kisiv i do loklok kakapmek atdi i lok kapmek aleng, ketla at lengkot ua laxapmek ga ravasu solo ren, letaba nabalamu bok at ne Moroa ga ravasu silok tinotno.

Lovoang At Ne Pol Ti Limixin Nunu to Rom 6:14

Nemen gat miguta ke xepe laxapmek nam lam nemi, atla nemi xopmen minak lok maxopok at loklok tatao at Lenavolo; ketla mik lok maxopok at letaba nabalamu at ne Moroa.

Galesia 3:19

Lavanga sala ba i neni lugugu at Lenavolo? Lenavolo ga vot kusu ri lox aven kibis limixin mi lavanga sala rinotno laxapmek, la gak lok mun se at lovotpot at livisik li at ne Abaram, la neni ne Moroa ga xaape min. La ne Moroa xa ga raba lubung angelo ren mi Lenavolo xusu dina raba ne Moses min ngan laradi me xantubu, la ne Moses ga raba limixin min.

Galesia 5:18

La amo do Loroonan im lam nemi, nemi mixok lok bok ba at loxokoxo at Lenavolo.

Galesia 5:21

la loklok ti ngaongao ri levempanga at leventaba vetpes, la di vavara inin kadan lolos amisik la di lok levenanan kapmek, la mo bok lekampanga vetpes bok keretnom. Amo nga a vaase aronga nemi ngan aga vaase aronga vam nimi gano do nedi dik lok na levempanga, di noxo ravasu ngan lavaanat at Linintoo at ne Moroa.

Galesia 5:23

loklok mulus, la lodoxoma avukat ti sasar i. Kopmen bok ba tevelinga go i ru pepe nedi na levempanga.

2 Tesalonia 2:8

ap mo laaleng laradi xapmek naba suvos ba. Ketla at lovotpot at Leeme Silok ne Iesu, neni naba lok kepe mo laradi xapmek mi lamamas teren la naba sev amer i mi lagamgames at lemeren.

1 Timoti 4:7

Ketla una ru asepsu basinge nom leventetere xaxarang mo ixo lox avukat ti paase asu i. Ketla una lolos amisik kusu una ruuna ka luruptuvuk avukat at ne Moroa.

1 Timoti 6:20

Timoti, una lok tatao avukat nom lugugu ne Moroa gara raba vam u min. Una ke xepe levelinga kopmen at ne Moroa, la levelinga rangtangku; leventaba di so asen mo levelinga do “Levelinga at lakleklen;” ketla kopmen nak mokso.

2 Timoti 2:16

Nemen uta paase eburu mi limixin di paase rangtangku la di paase ngan ta xopmen dina lok ngangao at ne Moroa; la mo loklok atdi i sat kaka limixin basinge ne Moroa;

2 Timoti 3:2

Buaang limixin dinaba doxoma xa di, di noxo ruuna bok ba labalamu ri limixin petpes, diba vavara solo lempilas, diba lox asilok axa di, diba emi asu xa midi, diba paase kapmek ti limixin petpes, di noxo ronga res at luvuttemen di mi luvutnen di, di noxo tong avukat ti tara, di noxo lok ngangao at ne Moroa.

Taitas 1:10

Una soxolik ka nedi, loklok atnedi ik mokso xerepmo; kusu dina sep pepe buaang nedi limixin nuunu ro Krit ding tonga xepe levelinga ruturun. Mo limixin di paase gamasa mun la di babala arup limixin. Nedi limixin me Judaia, mo dim tebeng alolos levelinga at ne Moses.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Taitas 1:6

Loklok ap mo luvuttadi mukun na lok nunuan la nedi getgesara dina epot ka leges atkin mun, la laxamdak mi laxaalik atdi dina nuunu at ne Iesu, la loklok atdi nak mokso aleng kusu limixin petpes noxo epovo na tong i do nom laxamdak mi laxaalik di lok amisik laxakapmek, la kopmen dinang tonga res.

Taitas 3:3

Gano nedik limixin ta goxoklen lorooro avukat, ta goxo ronga res at levelinga at ne Moroa la levelinga bok at lavaeme silok. Satan ga xarang dik la tagara puse ri levempanga at na lavatbung menemen; la taga mumu mene nga lavavara atnedik. Lorooro atdik ga umsu mi laxakapmek mi levereven peves at lempanga at limixin petpes; la limixin diga musak dik la ta goxo epen avukat.

Ibru 11:31

Raap, latkin ngarangat ga ruuna lunuunu, kuren la neni goxo uu eburu minedi limixin boro Jeriko diga ronga viribang, mila neni ga lok tooro luradi esep at leme Israel mo dugakling lemenemen at laaleng ne Josua ga riki du xusu dunakling mo lemenemen Jeriko.

Ibru 12:16

Mina lok tatao avukat nimi xusu tara atnimi noxo vubeles ti loklok i lok kapmek maxamang at lixitkis epot la kerepmo na lok kapmek lara kitkis epot atnimi; kopla na lok ngan ne Esao, neni goxo lok ngangao at ne Moroa, la neni ga xip kepe laasen silok do lanarong, mila lavaanat meren digak lok ka loklox anarong at luvuttemen di; ketla neni ga xip kepe mo loklox anarong kusu ni na lok ka levempanga anan mun ti labantuxu ren.

1 Pita 2:7

Mo luat neni i silok at levendoxoma atnemi limixin mi nuunu ren; ketla tinedi dixo nuunu ren, i lok ngan Lovoang Kaala i lok keretna; “Mo luat luvuttadi gugu gu diga lu xepe min do i lok kapmek, ga ravasu ngan luat lugugu ren i volo rinotno mo larauat axap.” Sam 118:22

1 Pita 3:20

Nedi labaroonan at na limixin digang tonga xepe ne Moroa at levenaleng neni ga ngangais atnaasan nedi at levenaleng ne Noa ga gugu lavattaaxup teren. Keneng teren ga lavanuan mun nedi diga roo suu basinge laran,

1 Pita 4:18

I ngan Lovoang Kaala i vaase i xeretna, “I lolos aleng do luvuttadi mokmokso dina roo suu, ketla naba lok ba xereva rinedi luvuttadi xopmen dinaklen ne Moroa la dik lok laxakapmek?” Ler 11:31

Lovoang At Ne Jut 1:15

la ni naba lok li limixin axap at lavapaase la nedi di goxo nuunu ren la nedi diga lok lempanga xapmek, la nedi diga tong asu levelinga xapmek mumu i, neni naba lok li lumumuat atdi.”

Lisilimet 21:8

Ketla nedi limixin makmarat la nedi dina sok tixirixes lunuunu atdi, la nedi dina lok laxakapmek silok la nedi dina sev amet parang limixin, la nedi dina lok loklok kakapmek maxamang at lixitkis epot, la nedi luvuttadi sak, la nedi dina lotu parap levempoovo moroa, nedi limixin babala; nedi axap na, nenia anaba lu arup midi uto xeneng at lemet kao i ngangao mi lasalpa. Na losongsongot, ni lanmet sepsev agepura.”

Lisilimet 22:15

Ketla limixin kakapmek la lavaun sak, la nedi limixin diga lok laxakapmek maxamang at lixitkis epot la limixin sepsev amet tadi, la nedi di lotu parap lempoovo vanga, la nedi bok di vavara aleng i xusu dina paase babala la dik lox amisix i; nedi axap na di noxo vubeles to xeneng ap mo lemenemen silok.