1 Tesalonia 5:6 - Madak

⁶ Kuren la nemen dik guta vunga xerekngan limixin kopmen dina nuunu at ne Iesu; ketla ata gagas avukat la nemen dik guta nemen tangtangku.

1 Tesalonia 5:6 ပူးပေါင်းရင်းမြစ်များ

Metiu 13:25

At laxanimin limixin axap diga unga, la lara lumunepen teren ga vot la gatlo lempivilis kapmek to xeneng at nom laraamang piao, la no nga i gara onon.

Metiu 24:42

Kuren la mina lok tatao avukat nimi mila kopmen minaklen i do at ua laaleng nenia, Leeme Silok atnimi, anabamlong teren.

Metiu 25:13

La ne Iesu ga lok tidi, “Mina gagas avukat, mila mi xoklen laaleng kopla loxonatat aleng at lovotpot tarak, Leeme Silok atnimi.”

Metiu 25:5

Nedi axap lovosono maxat diga ngangais abao rino, ketla mo laradi ga gagas ti epot kopmen goxo vot soso. Kuren la lemeren di ga unga la nedi axap diga unga nga.

Metiu 26:38

La ni ga lok tidi, “Lorooro rak i umsu mi lainbulu silok mo na lox amer ia. Minak lok de la mina kuxut tooro ia.”

Lagale Lavavang At Ne Iesu Karisito Mak Ga Malagan I 13:37

Nom levelinga ara tong pam i rinimi, la aba tong box i ri limixin axap, mina reven avukat.”

Lagale Lavavang At Ne Iesu Karisito Luk Ga Malagan i 12:37

Naba lox avukat tinedi na luvuttadi gugu do leeme silok atnedi i long lenget ka di do di tuang, la dia gagas mo do neni imlong! A tong i rinimi, do neni xa naba vaxaera i xusu na gugu ridi, la na lox axis di ukopok la na raba panga anan di.

Lagale Lavavang At Ne Iesu Karisito Luk Ga Malagan i 12:39

La mina xasep at nai! Mo do laradi at loogu iklen loxonaleng laradi xipkip pilo naba vot, neni noxo ke nom laradi xipkip pilo na das beles uto xeneng at loogu ren.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lagale Lavavang At Ne Iesu Karisito Luk Ga Malagan i 22:46

La ne Iesu ga lok tidi, “Tila nemi mi unga? Mina xatu la mina ngising kusu mi noxo subu at loklok tong pen.”

Leven Gugu 20:31

Mina lok tatao avukat nemi. Mina doma bilong ti mo lavantun maares nenia aga paase lolos tinemi axap at levenaleng kangking la kanimin, la agang teng mu nimi.

1 Korin 15:34

Minamlong ti levendoxoma nunuan atnimi la mina xap basinge leveloklok kakapmek atnimi, mila lentaba atnimi xopmen dina xasep nunuan at loklok at ne Moroa. A vaase i na xusu miba mangan.

1 Korin 16:13

Mina lok tatao avukat amisik lorooro atnimi. Mina tu tuxuruxun at lunuunu atnimi la nemen mita marat.

Epesas 2:3

Nedik axap taga nemen kuren, taga lok lempanga kusu ri lox amomo mun lodoxoma la labantuxu atdik, mo ga umsu mi lavavara kapmek at lorooro maut. La nedik taga nemen maxopok at lebelemamao at ne Moroa kerekngan nedi.

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Epesas 6:18

Mina lox i na levempanga xeneng at levesingising atnemi, kusu minaba sing ka loklok tooro at ne Moroa. At levenaleng axap mina ngising at leventaangas axap no Loroonan i sasat ase nemi min. La mumu mun na langas, minaba tu lolos la mi noxo subu kot; mina ngising amisik ti limixin at ne Moroa.

Pilipai 4:5

Mina lox ase limixin axap mi loklok mulus mo i umsu at lorooro atnimi. Noxo lox abao la Leeme Silok naba vot.

Kolosi 4:2

Mina ngising amisik, la levesingising atnimi na ruturun mene nga, la mina tong loklox avukat ti ne Moroa.

1 Tesalonia 4:13

Luvutnetak mi luvurinuk. Ma vara i do mina xasep mumu nedi digara met pam; la ma xopara i do minak lok bukbulu xerekngan nedi limixin kopmen dina nuunu at ne Iesu Karisito. Do tara atdi na met, di lok bukbulu aleng mila dixo doxoma voovo ri lorooro melemu.

1 Tesalonia 5:10

Ni ga met kusu dik taba nemen eburu min. Do nedik taga met pam kopla move taba rooro se at lomlong teren, tanaba nemen amisik eburu min.

1 Tesalonia 5:8

Ketla nedik limixin at laxasep, atam tebeng lodoxoma nunuan la ata umsu mi lunuunu mi labalamu, i lok ngan lavatban tik lok pe laxakapmek. La ata lok ka lodoxoma voovo ri loklox arooro at ne Moroa. Na lodoxoma i lok ngan lavatkiam ti lok tooro nedik at lorooro atdik.

1 Timoti 2:15

Ketla lavakin di pisik laxamdak lixilik; kuren la dinaba lok ka lorooro, mo do dina nemen lolos at lunuunu la labalamu la lixitkis dadat mi loklok mulus.

1 Timoti 2:9

A vara box i do lavakin dina lok tatao avukat nedi la dina ven mumu avukat levesingsiga atdi la dina sinang avukat di; nemen dita meva lempatkabinim atnedi la nemen bok dita sinang mi leven gol la levenpeal, la levempanga singsiga, luunun teren i silok.

1 Timoti 3:11

Lavakin bok atdi dinap tuvuk nunuan la di noxo tere mumu, ketla dinat kis atnaasan mun la dina ruturun at levempanga axap.

1 Timoti 3:2

Laradi gomgo at lotu neni laradi kopmen tosoogong teren at lemeren limixin; neni latlok at leges atkin mun la it kis atnaasan; la ik lok tatao avukat luruptuvuk teren, loklok teren i lok nunuan mene nga; neni ik lok maraose minedi limixin boro vetpes; la neni i epovo ri lox ase limixin;

2 Timoti 4:5

Ketla nenu ne Timoti, una lok tatao avukat lorooro ram at levenaleng axap; una tu lolos at lixipkip levesongsongot; una lok lugugu at laradi i vavang mi Lagale Lavavang, la una lox epovo leven gugu axap taram.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.

Taitas 2:6

La kerepmo bok una tong i ri luvuraau maxat do dina mumu asu loklox avukat.

1 Pita 1:13

Kuren la mina lox agagas levendoxoma atnemi ri lok mo levempanga ne Moroa i vara i. Mina lok tatao avukat luruptuvuk atnimi la mina lok li axap levendoxoma atnemi pana at lorooro avolo, no mina lok ka i at laaleng ne Iesu Karisito na ru asuvos.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

Lisilimet 16:15

La ne Iesu ga lok keretna, “Nia aba vot ngan laradi xipkip pilo. Luvukat ti mo lara i gagas amisik la ik lok gagas nunuan lisingsigaara ren kusu neni noxo lok beleben la noxo lok mamangan.”

Lisilimet 3:2

Araklen pam i do lorooro atnimi xopmen na mu asu lavavara at ne Moroa rak. Kuren la mina xatu kaxat basinge mo lanmet la mina lox alolos mo lorooro, lavanga mina met epopolo.