1 Tesalonia 5:24 - Madak

²⁴ Moroa ga ro xaka nimi xusu neni na lox arooro nimi la levelinga ren i ruturun; neni xa naba lok mo levempanga at lorooro atnimi ngan ni ga tong alii vam i.

1 Tesalonia 5:24 ပူးပေါင်းရင်းမြစ်များ

2 Tesalonia 3:3

Ketla Leeme Silok i lok tooro ruturun amisik limixin teren la neni naba lox alolos lorooro atnimi la naba lok tatao nimi basinge ne Satan.

1 Korin 1:9

Moroa ga ro xaka vam nimi xusu minat kis esogo mi ne Iesu Karisito, Nitna ne Moroa; neni Leeme Silok atdik. Moroa neni laradi ruturun la naba lox epovo levelinga neni ga tong li i.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.

2 Timoti 2:13

Do dik kopmen ata ruturun, neni move na ruturun, mila neni noxo los polo levelinga ren.”

Lagale Lavavang At Ne Iesu Karisito Jon Ga Malagan I 3:33

Do tara na siam ka levelinga ren, neni i lox asuusu i do levelinga at ne Moroa i ruturun.

2 Pita 1:3

Lololos at ne Moroa gara raba vam nedik mi levempanga axap nedik dik pakes tin ti lok kaka lorooro avolo la ti ruuna ka luruptuvuk nunuan mumu lakleklen atnedik ti ne Iesu Karisito, mo ga ro xaka nedik kusu atak lox eburu min keneng at lisisixam la luvukat teren.

Sam 138:2

A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen.

Taitas 1:2

la dinam doma voovo ri lorooro avolo. Na lorooro avolo ne Moroa ga tong alii i ganoxa at lereot. La levelinga ren i ruturun tinotno, neni xopmen laradi xaxarang.

Lisilimet 17:14

La na lavatpanga sio eburu mi lasangaun lavaorong silok diba esep eburu mi Lanasip. La Lanasip eburu minedi neni ga ro xaka di, la nedi bok neni ga soxolik ka di la nedi bok di mumu asu ruturun i, diba sak tup mi na lavatpanga sio eburu mi lasangaun lavaorong silok, mila Lanasip neni Leeme Silok mavana at lavaeme silok axap la neni Loorong Silok mavana at lavaorong silok.”

1 Tesalonia 2:12

Maga paase tooro nimi, la maga paase amenemen nimi, la maga paase aronga nimi xusu lorooro atnimi na lox avukat kerekngan ne Moroa i vara i. Moroa ga ro ka nimi xusu minaba nemen eburu min to xeneng at Linintoo ren la minaba lok kaka lisisixam teren.

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

1 Korin 10:13

Leveloklok tong pen axap it pot saparap nimi, ni i lok ngan mun mo leveloklok tong pen it pot saparap limixin axap. La ne Moroa i ruturun; la ni noxo ke xepe nimi ri loklok tong pen, nemi xopmen mina epovo xusu miba xip tutu min. Se at nom laaleng do loklok tong pen na vot saparap nimi, neni naba lox alolos nimi xusu minaba tu lolos la minaba vas su basinge mo loklok tong pen kusu mi noxo subu.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Galesia 1:15

Ketla avot ti livipisik tarak, ne Moroa gara soxolik kaka avot pam ia, la keneng at letaba nabalamu ren, neni ga ro xaka ia do ateren.

Lovoang At Ne Pol Ti Limixin Nunu to Rom 8:30

La ne Moroa ga ro xaka nedi neni ga soxolik ka nedi; la nedi bok neni gara ro xaka vam di, neni ga lox asepmus bok nedi, la nedi nom neni ga lox asepmus di, neni ga epes di mi lisisixam teren.

Sam 86:15

Ketla nenu ne Moroa la Leeme Silok tarak, u ruuna lebelemumu la labalamu lexen, uk lox atnaasan, uk belen tuntun, la u ruturun amisik ti limixin taram.

Sam 36:5

O Leeme Silok, labalamu lexen taram i silok aleng tinotno la i urut se rovana se rovana at laxalibet. La uk lox epovo amisik levengkakaape ram nade xopok la i se tu at lamavangkap.

Lagale Lavavang At Ne Iesu Karisito Jon Ga Malagan I 1:17

Moroa ga raba avolo ne Moses mi Lenavolo; ketla letaba nabalamu at ne Moroa mi levelinga ruturun ga ravasu at ne Iesu Karisito.

Sam 89:2

Aklen i do labalamu la loklok tatao ram naba nemen amisik, la noxo xap ngan laxalibet.

Lovoang At Ne Pol Ti Limixin Nunu to Rom 9:24

mo nabak lok tinedik na, neni gara ro ka vam nedik, kopmen do at limixin me Judaia xusuk mun, ketla boro bok at limixin kopmen di me Judaia.

Sam 40:10

Agoxo vam luxun kaka lagale lavavang ti loklok arooro ria xusuk; nia ara tong asu amisik pam i do uk lok tooro limixin la uk lox asoorun levelinga ram tidi. Kopmen agoxo vamngus ti tong asu lixitkis esogo mi labalamu lexen taram to melamgo at lovotpot buru at limixin taram

2 Tesalonia 2:14

Moroa ga ro ka nimi ri lorooro avolo xeneng at Lagale Lavavang, maga tong i rinimi. Neni ga ro xaka nimi xusu mina ruuna xaka loxot at lisisixam at Leeme Silox atdik ne Iesu Karisito.

Sam 92:2

At lenmaxantamak axap, mana vavang asu mo labalamu lexen taram la loklok tuturun taram tinema. Mana vavang min at lengkanimin axap,

Sam 146:6

atla neni laradi runtudum li at laxalibet mi lavatkangka la laras, la mo lempanga axap bok di nemen keneng at na lengkot axap. Neni ik lox epovo amisik leven kakaape ren.

Sam 100:5

Leeme Silok, neni i lox avukat; labalamu ren ik lok amisik la luruturun teren ti limixin naba nemen amisik la noxo xap.