1 Tesalonia 5:21 - Madak

²¹ La mina lok tong pen levempapaase maxat; minam tebeng lolos mo levelinga i lox avukat

1 Tesalonia 5:21 ပူးပေါင်းရင်းမြစ်များ

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

Lovoang At Ne Pol Ti Limixin Nunu to Rom 12:2

Nemen gat mita reven seo at laxaloklok at na lavatbung menemen, ketla mina ke ne Moroa na lox ekun levendoxoma atnemi mi lodoxoma ren kusu miba ravasu ngan luvuttadi maxat at levempanga mik lox i, la minaba epovo ba xusu mina long lenget ka lodoxoma at ne Moroa ri levempanga i lox avukat la ik lox amomo i la ik mokso.

Epesas 5:10

La mina lok tong pen i kusu mina xasep ap mo leveloklok, i lox amomo Leeme Silok.

Leven Gugu 17:11

Limixin me go diga lox avukat aleng mila diga siam ka levelinga atdu; di goxo ronga xepe levelinga at ne Moroa kerekngan limixin to Tesalonia. Diga ronga mo levelinga mi langsangan lomomo, la at levenaleng axap diga utus avukat levelinga at Lovoang Kaala, kusu dina ven i do levelinga at ne Pol ga ruturun.

Lagale Lavavang At Ne Iesu Karisito Luk Ga Malagan i 12:57

Iesu ga lok bok, “Tila mi xopara i do mina mumu asu loklok nunuan la mirak lok li amisik limixin at lavapaase?

Pilipai 4:8

Ti lox axap levelinga rak, luvutnetak mi luvurinuk; mina suxa umsu lodoxoma atnimi mi levempanga nunuan la nom i lox asuusu leemi asu, levempanga mo i ruturun, loklok mokmokso la loklok dadat, la loklok ti balamu, la loklok ti lok ngangao at leventaba vetpes.

Lovoang At Ne Pol Ti Limixin Nunu to Rom 12:9

Nemen gat miguta voovo mene i do mi ruuna labalamu, ketla mina balamu rinotno limixin axap. La mina sok tixirixes kepe leveloklok kapmek, la minam tebeng alolos at leveloklok avukat.

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.

Pilipai 3:16

Ketla lavatpas atdik at na lorooro naba epovo mi lorooro maxat miga lok ka vam i.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

Pilipai 1:10

kusu miba epovo do mina soxolik ka lempanga sala i nunuan la kerepmo lorooro axap atnimi naba dadat, la kopmen teveloklok kakapmek noxo nemen teren se at laaleng ete at ne Karisito;

Lagale Lavavang At Ne Iesu Karisito Jon Ga Malagan I 8:31

Kuren la ne Iesu ga lok ti leme Judaia mo diga nuunu vam teren, “Dola minam tebeng levenanasa rak, ba ruturun do nemi luvuttadi loklok ka anasa rak.

Lisilimet 2:25

ketla na legesa vanga xusuk mun, minam tebeng lolos mo lorooro nunuan atnimi, se at lomlong tarak.

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

2 Tesalonia 2:15

Kuren la luvutnetak mi luvurinuk, mina tu lolos la minam tebeng lolos mo levenanasa maga lox ase vam nimi min. Maga tong asu i nom tinimi gano la maga lox aonon bok mo levelinga at levempoang.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Lagale Lavavang At Ne Iesu Karisito Jon Ga Malagan I 15:4

Mina nemen tarak, la nia anaba nemen atnimi. Laxakan una xopmen na epovo na visik do ni xopmen na nemen sogo at luuna. Nemi xopmen mina epovo ri visik lempeven una se do nemi mina nemen tarak.

Lisilimet 3:11

Anaba vot soso mun; minam tebeng alolos mo lunuunu atnimi kusu tara noxo xip pilo ka mo lempatbungorong atnimi.

Lisilimet 2:2

Akleklen lorooro atnimi, la aklen bok leven gugu lolos atnimi la aklen i do mi tu lolos kantubu at levesongsongot mo nemi mip kiv i. Aklen box i do mixo esuxun mi limixin kapmek, la mira lok tong pen pam nedi di lok do nedi mo luvuttadi vavang, ketla mira long lenget ka i do nedi limixin kaxarang.

2 Timoti 4:14

Aleksanda, neni nom laradi i gugu aen, ni ga lok kapmek aleng lugugu rak. La Leeme Silok naba vorang mo laxakapmek teren mumu mo lavanga neni ga lox i ria.

2 Timoti 1:15

Uklen i do nedi axap limixin nuunu boro at lenep silok Asia eburu mi ne Pigalas la ne Eremogenes diga on basinge vam ia.

1 Korin 2:11

At lorooro at laradi, loroonan axa ren ikleklen lempanga i nemen keneng at lorooro ren; la kerepmo Loroonan Kaala mun at ne Moroa ikleklen avukat ne Moroa.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

2 Timoti 3:6

Leventaba atnedi dit pas tangtagap ti lox ase limixin, la di etangas mi leventaba larakoenasun la di sat ka lodoxoma at lavakin, lunuunu atdi kopmen na lolos. Mo lavakin dip kip levenmumuat mumu leveloklok kakapmek atdi la soso mun di mumu asu lodoxoma kapmek atdi xa.

Galesia 6:10

Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

1 Tesalonia 5:15

Nemen gat tara guta vorang laxakapmek mi laxakapmek. Ketla mina lolos amisik kusu mina lox asuusu loklox anare kantubu atnimi la limixin petpes bok.

1 Tesalonia 5:22

la mina ke xepe mo levelinga i lok kapmek.