1 Tesalonia 5:14 - Madak

¹⁴ Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

1 Tesalonia 5:14 ပူးပေါင်းရင်းမြစ်များ

Metiu 12:20

Neni noxo ru mi loboat tinedi limixin molobe kopla na lok kapmek nedi limixin pakpakes. Neni naba gugu se limixin diba siam kaka leveloklok ik mokso.

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Leven Gugu 20:27

mila nia a goxo lipe tempanga ketla aga tong asu lempanga axap ne Moroa ga lok do na lox i at lorooro atnimi.

Leven Gugu 20:31

Mina lok tatao avukat nemi. Mina doma bilong ti mo lavantun maares nenia aga paase lolos tinemi axap at levenaleng kangking la kanimin, la agang teng mu nimi.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Lovoang At Ne Pol Ti Limixin Nunu to Rom 12:1

Luvutnetak mi luvurinuk. I vasuun mun at lebelemumu silok at ne Moroa rinedik, kuren la a sing nemi xeretna; mina raba axap nemi ngan laramtaba i rooro ri ne Moroa ri lok lugugu ren la ti lox amomo i. Neni na langas i lox asuusu lotu ruturun, mina raba i min.

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

1 Korin 4:14

A malagan i na levelinga rinimi, kopmen do ri lox amangan nimi; a malagan i xusu ri vaase aronga nimi; nia a balamu nimi ngan nemi luvutnuruk tinotno.

1 Korin 8:7

Ketla kopmen limixin axap at lotu dinaklen avukar i do laxampoovo moroa ni lavanga gamasa. Leventaba atdi di arala nga di ri na laxampoovo moroa, ise nga at na levenaleng. Do di anan leveluxa limixin petpes diplavang min ti laxampoovo moroa, nedi move di doxoma i do di lotu saparap laxampoovo moroa. Ketla kopmen na ruturun. Lunuunu atdi xopmen na lolos, kuren la di doxoma i do nedi mo dira bilinga vam ap mo leveluxa di anan i.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Epesas 4:32

La mina suxa lorooro atnimi mi lebelen tuntun la labalamu kantubu atnemi limixin nuunu, la mina domampe laxakapmek atnimi getgesara kerekngan ne Moroa ga lok pes laxakapmek atnimi at laasen at ne Karisito.

Kolosi 1:28

Nema ma vavang mi ne Karisito ri limixin; ma vaase aronga di la ma anasa di mi lakleklen at ne Moroa kusu nedi axap diba ruuna ka luruptuvuk mokmokso kerekngan ne Karisito la kopmen taxakapmek atdi. La diba nemen kuren se ap mo laaleng diba tu ro melamgo at ne Moroa.

2 Tesalonia 3:15

Nemen mita edax i, ketla mina paase aronga i ngan neton nimi.

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Taitas 1:10

Una soxolik ka nedi, loklok atnedi ik mokso xerepmo; kusu dina sep pepe buaang nedi limixin nuunu ro Krit ding tonga xepe levelinga ruturun. Mo limixin di paase gamasa mun la di babala arup limixin. Nedi limixin me Judaia, mo dim tebeng alolos levelinga at ne Moses.

Taitas 1:6

Loklok ap mo luvuttadi mukun na lok nunuan la nedi getgesara dina epot ka leges atkin mun, la laxamdak mi laxaalik atdi dina nuunu at ne Iesu, la loklok atdi nak mokso aleng kusu limixin petpes noxo epovo na tong i do nom laxamdak mi laxaalik di lok amisik laxakapmek, la kopmen dinang tonga res.

Ibru 12:12

Kuren la mina raba axap lodoxoma atnimi xusu mina mumu lavavara at ne Moroa la miba lok ka levempanga neni ga vaase alii vam min tinimi, kerekngan laradi i lox alolos labantuxu ren kusu rik sixit at lekampoovo.

Ibru 13:3

Mina lox asuusu labalamu atnimi rinedi limixin nuunu di nemen at loxokoxo, i lok ngan ta do nemi bok mik lox eburu midi at loxokoxo; la mina lok tooro limixin nuunu mo dip kip losongsongot mumu lunuunu atdi, mila nemi bok migap kip levenmumuat kerepmo.