1 Tesalonia 5:12 - Madak

¹² Luvutnetak mi luvurinuk. Ma sing nimi dola mina lok ngangao atnedi limixin, Leeme Silok gara soxolik ka vam di xusu dinam gomgo rinimi at lotu. Nedi di lok tatao lorooro atnimi la di lox ase nimi mi levelinga at Leeme Silok.

1 Tesalonia 5:12 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 10:7

Mina nemen at nom leges ogu mene nga; i lox avukat do mina anan la mina inin lempanga salai dina raba nimi min, mila laradi gugu i epovo xusu na lok kaka luunun teren. Nemi mina nemen at leges ogu mene nga ap mo lemenemen.

Lagale Lavavang At Ne Iesu Karisito Jon Ga Malagan I 4:38

La kerepmo aga riki vam nimi xusu ri lok ka lempanga anan at laraamang, nemi xa xopmen mi goxotlotlo li i; lentaba vetpes digatlotlo li i go la nemi mik lok kaka levempipisik teren.”

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Lovoang At Ne Pol Ti Limixin Nunu to Rom 16:12

Lavapaase momo bok tarak ti ne Taraipina mi ne Taraiposa nedu lutkin du gugu lugugu at ne Moroa la ti lentangas orong bok tarak ne Pesis neni latkin gak lok lugugu silok at Leeme Silok.

Lovoang At Ne Pol Ti Limixin Nunu to Rom 16:6

Lavapaase momo bok ti ne Maria ga gugu lolos ti lok tooro nemi.

1 Korin 12:28

Keneng at lotu Moroa gara soxolik ka vam limixin ti lok leven gugu; neni ga lok katling ka luvuttadi vavang ngan neni lugugu avot la i silok ti leventaba vetpes, la lara mumu ren luvuttadi vapaase alii, la lara mumu luvuttadi ri anasa limixin mi levelinga at ne Moroa; la lara mumu manga ren nedi di lok levempanga sangsangu; lara melemu manga nedi ne Moroa ga raba di mi lololos kusu ri lox avukat limixin mekmeres; leventaba ri lok tooro limixin, leventaba ri gomgo nga di la lara mumu rinotno leventaba ri paase mi levempapaase vetpes.

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

1 Korin 16:16

kusu mina mumu asu levelinga at luvuttadi xerepmo, la atnedi bok di gugu eburu midi.

1 Korin 16:18

La dira lox axis saga labalak kerekngan ta diga lox axis saga lebelen nimi. Luvuttadi xeretna mina lok ngangao aleng atdi.

1 Korin 3:9

mila nema eburu mun luradi gugu at ne Moroa la nemi mi lok ngan laxantaamang teren. La nemi bok mi lok ngan loogu, ne Moroa ga vaxaru i.

2 Korin 11:23

Kereva, nedi lavasaxaruki at ne Karisito? Nenia bok lasaxaruki at ne Karisito la a lok nunuan aleng tidi. (A paase ngan laradi baulang tinotno.) Agara lok pam laxan gugu buaang. Buaang levenaleng agara nemen pam at loogu xokoxo, la digak pixis aleng ia, la nia axo epovo xusu ana exes i; la agak lox auret ti lanmet. Nia a lok do nedi dixo ekip tangarang mi levempanga xerepmo.

2 Korin 5:9

Kuren la do nedik tak lok at na lorooro kopla ata met, ata lolos kusu atak lox amomo Leeme Silok;

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Galesia 4:11

Nenia am doma solo mumu nemi. Kereva, leven gugu rak aga lox i xantubu atnemi, neni naba ngan lugugu asen kepe mun?

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

Pilipai 2:19

Dola lavavara at Leeme Silok ne Iesu, a doxoma i do aba riki soso ne Timoti udom saparap nemi, kusu nenia aba ronga tevelinga mumu nimi, kusu naba lox alolos ia.

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.

1 Tesalonia 2:9

Luvutnetak mi luvurinuk. Mina doma bilong ti mo lugugu lolos atnama. Maga tong asu Lagale Lavavang at ne Moroa rinimi, la maga gugu at lengkangking la at lengkanimin, maga gugu pilas kusu nemi mi noxo kepe tevempilas atnimi xusu ri lok tooro nama.

1 Tesalonia 4:1

Nia ana lox axap levelinga rak. Luvutnetak mi luvurinuk. Maga lox ase vam nimi mi lavatpas at limixin di nuunu xusu mina rooro avukat la mina lok mo levempanga avukat ne Moroa i vara i. Mik lox i xerepmo, ketla ma sing nimi at lemeren Leeme Silok, ne Iesu keretna; mina lolos kusu lorooro atnimi naba lox avukat axap.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

1 Timoti 5:1

Do taradi mukun na lok laxakapmek, nemen uta paase lolos tin, ketla una vaase amulus tin ngan neni ne tamam. Una lox anares ka luvuraau maxat ngan ta luvutnetam.

1 Timoti 5:20

Do tara atdi na lok taxakapmek, una vaase sox i ro melamgo at limixin, kusu dinaba marat.

2 Timoti 2:6

Una lok ngan bok laradi gugu taamang; neni i gugu lolos kusu neni avot na lok kaka loxot at levempipisik at laraamang.

Taitas 1:3

La neni ga malagan katling na levenaleng kusu neni na lox asuvos na levelinga mumu lorooro avolo ri limixin; la neni ga soxolik ka ia xusu nenia ana tong asu nom levelinga ren. Neni ne Moroa la neni Laradi Loklox Arooro atnedik.

Taitas 1:5

Nenia aga lok li u, ne Taitas, to Krit la aga on basinge u. Lavasuun teren keretna; leventaba leven gugu at lotu ro Krit kovisi na sixit avukat. La a vara i do una gugu axap nom levempanga nenia goxo epovo na gu axav i. Una soxolik ka tuvuttadi amgomgo ri lox ase limixin at laraugu lotu keneng at levenmenemen getgesara. Una lox i na, kerekngan nia aga tong i ru gano.

Taitas 2:15

Na levelinga a tong pam i ru, ne Taitas, una anasa limixin me Krit min, kusu una lox alolos lorooro atdi mi na levelinga; la kerepmo bok una vaase sok di, atla kopmen torooro avukat atdi. La tara atdi guta lox abulubun kepe u, mila nenu leeme vapaase at ne Moroa.

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.

Lisilimet 1:20

Levelinga alipe at lavasuun at lavanuti larapenti nenu u ven i de at lakngak tino, di lok katling lavanuti nedi lubung angelo dik lok tatao mo lavanuti leventaugu lotu. La lavanuti levenbabao gol, di ru katling nom lavanuti leventaugu lotu.”

Lisilimet 2:12

La Leeme Silok ga lok bok tia, “Una malagan na levelinga ri laangelo ik lok tatao limixin lotu ro Pegamam. ‘Anai levelinga boro ap mo laradi i ruuna lavarise sepsep i anan evan.

Lisilimet 2:18

La Leeme Silok ga lok bok, “Una malagan bok na levelinga ti laangelo ik lok tatao limixin lotu to Taiataira. ‘Anai levelinga boro at ne Nitna ne Moroa, luxatli ren i babao ngan laxao bokbolot, la luxangkedek teren i ngangao ngan loxonuat, laxao i an amemeles i.

Lisilimet 2:3

Aklen i do nemi mira tu tuxuruxun pam at lunuunu atnimi, la migap kip levesongsongot mi lomomo, mo levesongsongot mumu laasen tarak, la mixo molo xape lunuunu atnimi.

Lisilimet 2:8

Leeme Silok ga lok bok tia, “Una malagan na levelinga ri laangelo ik lok tatao limixin lotu to Smena. ‘Anai ni levelinga ap mo lara neni Lurutu Kaxat la Lumumupit, mo ga met ketla gara roo xat amlong pam.

Lisilimet 3:1

La Leeme Silok ga lok bok tia, “Una malagan i na levelinga ti laangelo ik lok tatao limixin lotu ro Sadis. ‘Anai levelinga boro ap mo laradi i ruuna lavanuti leventoonan dik lok to melamgo at ne Moroa, la im tebeng lavanuti larapenti. Akleklen leveloklok atnimi; limixin di lok do mi ruuna lorooro, ketla kopmen, mi ruuna mun lanmet.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.