1 Tesalonia 4:7 - Madak

⁷ Moroa ga ro ka nimi xusu mina dadat aleng, kopmen do ri lox abilinga lorooro atnimi.

1 Tesalonia 4:7 ပူးပေါင်းရင်းမြစ်များ

Epesas 1:4

Ni ga soxolik ka nedik mumu ne Karisito, avot ti luruntudum li at lavatbung menemen, kusu dik tana dadat basinge laxakapmek la taba nunuan axap at lemeren. Neni i umsu mi labalamu la kerepmo,

2 Timoti 1:9

Neni ga lox arooro dik la ga ro ka dik kusu ataba lok ngan limixin teren. Kopmen mumu levempanga dik gara lok pam i; ketla at lavavara ren, i lok ngan letaba nabalamu ren tidik keneng at ne Iesu Karisito; ni ga raba dik mi na letaba nabalamu avot ti luruntudum li at na lavatbung menemen.

2 Pita 2:10

Naba lok tinotno xuren tinedi di mumu asu levendoxoma xapmek at labantuxu la ding tonga xepe levelinga at ne Moroa. La nedi na lavaeme loklox ase xaxarang, di abelemes tinotno la dik lox asilok di, la dixok lox asu loklok ngangao atnedi ri limixin di nemen to vana at laxalibet, ketla di paase xapmek mumu di.

Galesia 5:19

La levendoxoma xapmek i ravasu at labantuxu, i xasep tinotno at lemeren limixin. La i lox asuusu rinotno loklok kakapmek maxamang at lixitkis epot, la lengkot mamangan la leveloklok petpes i lok kapmek;

1 Tesalonia 2:3

Se maga vavang tinimi, maga paase mokmokso, la luruptuvuk atnama ga lox avukat aleng la ma goxo xarang nimi.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Epesas 4:19

Nedi xopmen dina suma lainmangan mumu leveloklok kakapmek dik lox i. La dira xap kusu dina lok leveloklok nunuan la dia vubeles at leveloklox axap i bilingot. La levendoxoma atdi i vekip kaxat ti lok laxakapmek.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Epesas 2:10

Nedik ta lok ngan loogu ne Moroa ga vaxaru i, mila neni ga rudum li nedik at lekngen ne Iesu Karisito, kusu nedik taba lok leven gugu nunuan, mo ne Moroa ga gagas li avot pam i xusu dik taba lox i.

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

1 Korin 1:2

A malagan i na lovoang tinemi limixin at ne Moroa dom Korin; la ne Moroa ga lox akmokso luruptuvuk atnimi at lekngen ne Iesu Karisito xusu nemi limixin dadat teren. Moroa ga ro xaka vam nimi do ateren; la nemi mit kis esogo amisik mi ne Iesu Karisito, kerekngan limixin to at lengkot axap di lotu parap Leeme Silok atdik ne Iesu Karisito, neni Leeme Silok atdi la Leeme Silok bok atdik.