1 Tesalonia 4:6 - Madak

⁶ La kerepmo bok nemen mita lok kapmek lixitkis at luvutneton nimi di nuunu at ne Iesu. Maga tong axasep pam i do Leeme Silok ne Moroa naba lox asongot nedi di lok kapmek lixitkis epot.

1 Tesalonia 4:6 ပူးပေါင်းရင်းမြစ်များ

Sam 140:12

Leeme Silok, aklen i do nenu u tu see at limixin banbalo, la u tu ri luvukat atnedi dik pakes.

Sam 94:1

Leeme Silok, nenu ne Moroa uk lox asongot limixin kapmek; una lox asuusu lebelemamao ram tidi!

Lagale Lavavang At Ne Iesu Karisito Mak Ga Malagan I 10:19

Uklen pam lasangaun Lenavolo i lok keretna; ‘Nemen uta sev amet tara, nemen utang longka tixin, nemen uta xip pilo, nemen uta vaase xaxarang mumu tara, nemen uta xarang kaka tempanga at tara vetpes, una lok ngangao at ne tamam mi ne nenam.” Pas 20:12-16

Lagale Lavavang At Ne Iesu Karisito Luk Ga Malagan i 12:5

Ana tong i rinimi do legesa radi mun minak marat teren. Minak marat at ne Moroa, melemu do ira sev amet tara, neni i ruuna bok lololos kusu na lu abeles min uto at lemenemen songsongot. I ruturun tinotno. A tong i rinimi do minak marat kusuk mun at ne Moroa.

Lagale Lavavang At Ne Iesu Karisito Luk Ga Malagan i 16:28

kusu neni nabat pas la na vaase aronga bok lavalimo luvutnetak la di noxot pas bok ti na lemenemen songsongot.’

Lovoang At Ne Pol Ti Limixin Nunu to Rom 1:18

Moroa ira lox axasep pam i ri limixin axap dola neni ixot kis epen mi leveloklok kakapmek at limixin, atla nom loklok kakapmek atnedi i sasar angtang kaka di basinge luruturun at ne Moroa, kuren la ni naba lox asi nom lebelemamao ren ti sev asongot di.

Lovoang At Ne Pol Ti Limixin Nunu to Rom 12:19

Larapen tangas tarak, nemen gat miguta belemamao kaxat kusu ri vorang tavanga, ketla mina ke xepe ne Moroa na lok asuusu lebelemamao ren; atla Lovoang Kaala i vaase i xeretna, “Leeme Silok ne Moroa i vaase xeretna, ‘Nenia anaba ru kun la ana lok lugugu rak, la nenia anaba lok lovoporang at levempanga.” Len 32:35

Lovoang At Ne Pol Ti Limixin Nunu to Rom 13:4

atla nedi luvuttadi gugu at ne Moroa la di gugu ri luvukat atnimi. Ketla do mina lok laxapmek, mina marat atdi, atla nedi di ruuna lolos ti lok li nimi at loxokoxo. Nedi lavasaxaruki at ne Moroa la dik lok na lugugu at ne Moroa xeneng atnedi dik lok laxapmek.

2 Korin 7:11

Mina ven lempanga ne Moroa ga lox asuusu i mi na lainbulu atnimi ngan levereven kibis eburu mi lodoxoma ri vaase pe nimi la loklox aronga mumu laxapmek kantubu atnimi la lusumsuma avukat tinama la lurutu eburu minema la mi gagas ti raba songsongot nedi di lok leveloklok kakapmek. Keneng at nai leveloklok, miga lox asuusu axa nemi do mi goxo ruuna tosoogong keneng at na lekarakat.

Galesia 5:21

la loklok ti ngaongao ri levempanga at leventaba vetpes, la di vavara inin kadan lolos amisik la di lok levenanan kapmek, la mo bok lekampanga vetpes bok keretnom. Amo nga a vaase aronga nemi ngan aga vaase aronga vam nimi gano do nedi dik lok na levempanga, di noxo ravasu ngan lavaanat at Linintoo at ne Moroa.

Epesas 4:17

Nia a sing lolos nemi keneng at laasen at Leeme Silok do mina ronga res at na levelinga. Mina xap ti mu asu leveloklok kakapmek at limixin kopmen di me Judaia. Mo levendoxoma atdi noxo lok tooro di.

Epesas 4:28

Mo laradi xipkip pilo gutap kip pilo bok ba. Ketla neni na lok lugugu mi lukngen la na lok leven gugu nunuan kusu neni na epovo na lok tooro nedi limixin pakpakes.

Epesas 5:6

Nemen tara na bala arup nimi ri laxakapmek mi levelinga gamasa mila, do tara na lok nom lempanga la na ronga xepe levelinga at ne Moroa, lebelemamao ren ba vot saparap nom laradi.

1 Tesalonia 2:11

Miklen i do maga anasa nimi getgesara ngan laradi i anasa lamdak teren.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

Ibru 13:4

Nemi axap mina mu asu avukat loklok keneng at leepot la mina ke loklok ti elongka mila nedi di mu asu loklok ti elongka, Moroa naba lok li di at lavapaase, eburu minedi bok limixin di los polo levelinga at ne Moroa mumu loklok keneng at leepot.

Ibru 2:6

Ketla limixin at ne Moroa dibam gomgo ri lavanga axap kerekngan lara ga tong i keneng at Lovoang Kaala; i lok keretna, “Ua lavasuun teren la nenu ne Moroa u doxoma mu solo limixin, la labalam ik lok mu laxamdak atdi?

Jems 2:6

Ketla nemi mi lox abulubun kepe limixin banbalo. Nemi miklen i do, limixin nopnovos di lox abulu nimi la di lok kaka lempilas atnimi. Nedi vam nom di lok li nimi at lavapaase.

Jems 5:4

Nemi xovisi mina raba luunun at luvuttadi di kaxat panga ro xataamang. Mina lox empana levesingising atdi! Levenanteng atdi, ne Moroa ira ronga vam i. Neni Leeme Silok la i lolos aleng.