1 Tesalonia 3:2 - Madak

² la maga riki ne Timoti kusu na vosiga nimi. Neni i lok ngan neton dik la neni bok ik lok lugugu at ne Moroa, la i vavang mi Lagale Lavavang at ne Iesu Karisito. Maga riki i xusu neni na lox alolos lunuunu atnimi la na paase tooro nimi;

1 Tesalonia 3:2 ပူးပေါင်းရင်းမြစ်များ

Leven Gugu 16:1

Pol ga vas kaxat basinge mo lunep silok, la gat pas uto Debi la Listra. Lara laradi nuunu laasen teren ne Timoti ga nemen go Listra; nenen bok, ni latkin nuunu at lubungmixin me Judaia, ketla ne temen neni at lubungmixin me Grik.

Leven Gugu 16:5

Kuren la limixin nuunu ap mo lengkot ga su lolos at lunuunu atdi la leexes atnedi limixin nuunu ga uturut amisik keneng at levenaleng getgesara.

Leven Gugu 18:5

At lara laaleng ne Sailas mi ne Timoti duga rupot boro Masadonia, la melemu ne Pol ga raba levenaleng axap teren ti vavang mi Lagale Lavavang la ga tong i ri limixin me Judaia do ne Iesu, neni Lanarong.

Lovoang At Ne Pol Ti Limixin Nunu to Rom 16:21

Ne Timoti bok laradi gugu rak i lox aonon lavapaase momo ren tinemi; nedi mi ne Lusias, la ne Jeson, la ne Sosipata; nedi legesa vapaase rak boro Judaia.

1 Korin 3:10

Moroa ga raba ia mi lakleklen kusu ana lok lugugu avukat; la kerepmo aga lok lugugu xantubu atnimi, i lok ngan laradi akleklen at lixipkip gu, la aga vaxaru li laabuxumpio at loogu, la lentaba vetpes dip kip gu mavana ren. Ketla nedi xa dina lok tatao avukat di xusu dina lok lugugu avukat.

1 Korin 4:17

Lavasuun mun at nai la nia ara riki aonon pam ne Timoti udom saparap nimi. Neni ne nuruk tinotno at laasen at Leeme Silok, la a balamu i. Neni laradi ruturun at lorooro ren keneng at Leeme Silok. Neni naba vaase axasep manga nimi mi loklok tarak keneng at lorooro at ne Iesu Karisito. La loklox ase ren i epovo mi loklox ase rak kerekngan aga lox ase limixin min at laraugu lotu at lengkot axap.

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

2 Korin 1:19

I lok ngan ne Iesu Karisito, Nitna ne Moroa, mo nema mi ne Sailas la ne Timoti maga vavang min kantubu atnimi, neni xopmen na voovo ela mi levelinga ren, ketla kusuk mun neni i paase ruturun.

2 Korin 2:12

Gase aga vot to Troas kusu ana vavang mi Lagale Lavavang mumu ne Karisito, aga long lenger i do Leeme Silok ga suang langas tia ri lok lugugu go.

2 Korin 2:13

Ketla aga bulu aleng mila nia agoxo ven kora ka netak ne Taitas go. Kuren la aga on basinge di, la agat pas uto Masadonia.

2 Korin 8:23

La ti ne Taitas, neni lara bok atarak la i gugu eburu minia xusu ri lok tooro nimi. La tinedu luneton dik, nedu duba emu eburu min saparap nimi, nedu du ru katling laraugu lotu, la loklok atdu i lox asuusu loklok ngangao ri ne Karisito.

Pilipai 1:25

Aklen tinotno i la a xasep do aba nemen. Nenia aba nemen eburu minemi axap, ti lox asilok lususu at lunuunu atnimi, la kusu lomomo na silok keneng at lorooro atnimi.

Kolosi 1:1

Nenia ne Pol, laradi vavang at ne Iesu Karisito, Moroa ga soxolik ka ia xuren, la ne Timoti bok, neton dik.

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

Kolosi 4:9

Neni ba emu eburu bok mi ne Onesimas, neni laradi ruturun la netak orong; neni at libinam tadi atnemi. Nedu duba tong asu lempanga salai mo it pot nade.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 3:5

Kuren la nenia a goxo epovo do ana ngangais gamasa, la aga riki ne Timoti saparap nimi xusu neni naklen ka be lunuunu atnimi, do i ruturun ne Satan ga lok tong pen nimi la miga subu vam, la mo lugugu maga lox i xantubu atnimi ga ravasu ngan lavanga gamasa.

2 Tesalonia 2:17

Ma sing du do duna lox alolos lorooro atnimi xusu mina lok leven gugu nunuan la mina tong asu levelinga i nunuan.