1 Tesalonia 2:4 - Madak

⁴ Ganoxa ne Moroa ga ven i do lorooro atnama ga lox avukat la ga raba nama mi Lagale Lavavang teren kusu mana tong asu i. Maga xopara na emi asu minama; ketla maga vavang kusu ne Moroa na lok momo minama, neni iklen lodoxoma atnama do i lox avukat kopla kopmen.

1 Tesalonia 2:4 ပူးပေါင်းရင်းမြစ်များ

Sam 139:23

O Moroa, una ila mumu ia la unaklen lodoxoma rak; una lok tong pen ia, la unaba long terek ka leven doxoma rak.

Sam 17:3

Uklen lorooro rak. Uga vot pasa ia at laxanimin la uga viila mumu axap lorooro rak, ugoxo vuse kaka tibilinga rak. Nenia axo paase kapmek,

Sam 44:21

nenu gitabak len i, atla nenu uk leklen levendoxoma nemnem atnema.

Sam 7:9

Nenu ne Moroa manmanton la u viila mumu levendoxoma atnema, la lavavara bok atnema. Una lox axap loklok kakapmek at limixin kapmek. La una raba luunun ti limixin nunuan.

Lagale Lavavang At Ne Iesu Karisito Luk Ga Malagan i 12:42

Leeme Silok ga vorang i rin keretna, “Nege mo laradi ruturun la lasaxaruki avukat? Neni mo laradi, leeme silok teren naba lok li i xusu nak lok tatao loogu ren la na raba lavasaxaruki mi lempanga anan tidi at lengkonaleng mokmokso.

Lagale Lavavang At Ne Iesu Karisito Luk Ga Malagan i 16:11

Mo do kopmen mi goxo ruturun tik lok tatao lempanga at na lavatbung menemen, kopmen tara naba raba nimi mi nom lapnovos tuturun at ne Moroa.

Lagale Lavavang At Ne Iesu Karisito Jon Ga Malagan I 21:17

La ne Iesu ga sue sev avantun box i xeretna, “Simon, lamdak at ne Jon. Kereva, u balamu ia?” La ne Pita ga lok tuntun mila ne Iesu ga sue sev avantun box i, ‘Kereva, u balamu ia?’. La ni ga lok ti ne Iesu, “Leeme Silok, ukleklen lempanga axap, uklen i do nia a balamu u.” La ne Iesu ga lok tin, “Una raba luxa levesipsip tarak.

Lovoang At Ne Pol Ti Limixin Nunu to Rom 8:27

La ne Moroa neni i reven levempeve at luvuttadi, la iklen lodoxoma at Loroonan atla Loroonan i tu katling limixin at ne Moroa ukeneng eburu mi lodoxoma at ne Moroa.

1 Korin 7:25

Monga a vara i do ana paase rinimi mumu lususue miga sue ia min mumu nedi dik lok naa. Axo lok ka lavapaase mumuat boro at Leeme Silok mumu na lavanga, ketla ana vaase nimi mi lodoxoma rak, nia a epovo do ana tong i na rinimi mila Leeme Silok ga lox asuusu vam lebelemumu ren tia la iklen i do nenia laradi ruturun.

1 Korin 9:17

Dola nia gita lox i na lugugu mi lodoxoma xa rak, i epovo ba do nia ana lok ka luunun; ketla nenia xa goxo lok katling ia ri na lugugu, ne Moroa xa ga nu taba ia min.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 5:11

La nema luvuttadi vavang makleklen ua lavasuun teren kusu ata marat at lebelemamao at Leeme Silok, kuren la ma gugu lolos kusu ri lok ka buaang nedi limixin. Ne Moroa ikleklen avukat lorooro atnama, la a doma box i do keneng at lorooro atnimi miklen avukat bok lorooro atnama.

2 Korin 5:16

Kuren la i ru ka nga i mo, nema maxo doma mumu bok ba lodoxoma at na lavatbung menemen ti ila mumu loklok at limixin, ngan no nema maga ila mumu bok loklok at ne Karisito xerepmo, ketla mo nga maxo lok bok ba i xuren.

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Galesia 2:7

Ketla nedi diga ven kibis i do ne Moroa ga raba ia mi lugugu silok ti paase asu Lagale Lavavang ti limixin kopmen nedi me Judaia, ga lok ngan pam neni ga raba bok pam ne Pita mi lugugu silok ti vavang mi Lagale Lavavang ti limixin me Judaia.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Epesas 6:6

Minang tonga res atdi kopmen do ap mo mene nga di reven tata nemi, ketla mina gugu amisik ngan lavasaxaruki at ne Karisito la mina lox epovo lavavara at ne Moroa mi lorooro axap atnimi.

Kolosi 3:22

Nemi lavasaxaruki. Minang tonga res at luvuttadi amgomgo atnemi at levempanga axap; kopmen do ap mo mene nga loxonaleng di reven tata nemi kusu mi vara i do dinaba ven lenget luruptuvuk nunuan atnimi; ketla mina lok lugugu atnimi mi lomomo at lebelen nimi la loklok ngangao saparap Leeme Silok.

1 Timoti 6:20

Timoti, una lok tatao avukat nom lugugu ne Moroa gara raba vam u min. Una ke xepe levelinga kopmen at ne Moroa, la levelinga rangtangku; leventaba di so asen mo levelinga do “Levelinga at lakleklen;” ketla kopmen nak mokso.

2 Timoti 1:14

At lololos at Loroonan Kaala nom i nemen keneng at lorooro atnedik, una lok tatao avukat nom levelinga ruturun uga lok ka i.

2 Timoti 2:2

Unam tebeng alolos levenanasa nu uga ronga ia aga paase asu i at lemeren nedi buaang limixin, una raba nedi limixin min no di epovo nam tebeng avukar i, la di epovo na lox ase limixin petpes bok min.

Taitas 1:3

La neni ga malagan katling na levenaleng kusu neni na lox asuvos na levelinga mumu lorooro avolo ri limixin; la neni ga soxolik ka ia xusu nenia ana tong asu nom levelinga ren. Neni ne Moroa la neni Laradi Loklox Arooro atnedik.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

1 Pita 4:11

I ngan nege do neni laradi vavang, neni na vavang akmokso mi levelinga at ne Moroa; la do nege i gugu taba, neni na gugu taba mi lololos ne Moroa im taba i min, kusu keneng mun at na leventamtaba axap, leemi asu nabat pas ti ne Moroa mumu mun ne Iesu Karisito. Leemi asu la lololos tin amisik la kopmen taxavaxap teren. Tuturun.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.