1 Tesalonia 2:2 - Madak

² Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

1 Tesalonia 2:2 ပူးပေါင်းရင်းမြစ်များ

Leven Gugu 14:3

Pol mi ne Banabas duga nemen go at lentaba leven gaaling. Du goxo marat la duga paase lolos atla Leeme Silok ga lok tooro levelinga atdu mumu letaba nabalamu mila ni ga lok lempanga sangsangu at levengkikngen du.

Leven Gugu 14:5

Melemu mo limixin kopmen di me Judaia la limixin me Judaia eburu mi luvuttadi amgomgo atdi, diga vaxaru kaxat kaka i xusu dina lok kapmek luradi vavang la dina lu amet du mi laxanuat.

Leven Gugu 16:12

Maga vas kaxat mego uto Pilipai, lemenemen silok avot at lenep silok Masadonia; ni lemenemen buaang limixin boro Rom diga nemen go. Maga nemen ap mo lemenemen silok at lentaba levenaleng.

Leven Gugu 16:19

Mo limixin digak lok tatao mo loolik diga ven i do langas atnedi rik lok ka pilas ga xap ta, diga ranga alis ne Pol mi ne Sailas la diga sat kaka du uto at luvuttadi gomgo at loxot tongtonga linga.

Leven Gugu 16:37

Ketla Pol ga lok ti mo lavasaxaruki xeretna, “Di goxo vuse ka taxakapmek maxeneng atnama’; diga vixis nema’ at lemeren limixin, la kopmen nak mokso, mila nema’ na lunat boro Rom. Melemu diga lok li nama’ at loogu xokoxo. La at na dia lok do dina lox aonon nemnem nama’. Kopmen tinotno! I epovo do luvuttadi amgomgo axa dibat pas ude la dina soxomus asu nama’.”

Leven Gugu 17:1

Pol mi ne Sailas dugat pas kantubu at lunep silok Ampipolis la Apolonia, la duga vas pot to Tesalonia. Ap mo lemenemen loogu singising at lubungmixin me Judaia ga nemen e.

Leven Gugu 17:17

Kuren la ni ga paase ro at loogu singising eburu mi leme Judaia la limixin kopmen di me Judaia bok no diga lotu saparap ne Moroa. La at levenaleng axap ni ga vavang bok ti limixin mo digat pot amisik to at loxot potpot buru.

Leven Gugu 19:8

Maxeneng at lavantun gaaling Pol ga pubeles at loogu singising, la ni ga paase lolos ti limixin, ni ga vetep mi levelinga eburu minedi la ga lok tong pen i do na sat ka lunuunu atnedi ri Linintoo at ne Moroa.

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

Leven Gugu 4:20

Kuren la nema ma noxo xap ti vaase asu mo lempanga nema maga ven i la maga ronga i.”

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Leven Gugu 5:41

Luvuttadi vavang diga vas kaxat basinge luvuttadi amgomgo, diga umsu mi lomomo mila ne Moroa ga siam do diga epovo rip kip lainmangan at laasen at ne Iesu.

Lovoang At Ne Pol Ti Limixin Nunu to Rom 1:1

Nenia ne Pol, lasaxaruki at ne Iesu Karisito, la nia luun pavang, ne Moroa ga soxolik ka ia la ga ro ka ia xusu ana vavang mi Lagale Lavavang teren.

2 Korin 3:12

Nedik tam doma voovo ri mo lisisixam at Lagale Lavavang; kuren la nedik di abelemes aleng.

Kolosi 2:1

Ana tong axasep nimi do nia a gugu lolos ti lok tooro nimi eburu mi limixin nuunu boro Lodisia eburu minedi bok kovisi dina epen etang minia.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.