1 Tesalonia 2:17 - Madak

¹⁷ Luvutnetak mi luvurinuk. Leventaba limixin dom Tesalonia diga riki xepe nama basinge nimi, la maga nemen to Atens at leventaba leven gaaling. Ketla maga doxoma amisik nimi, la maga lok bukbulu aleng la maga lolos kusu mana vot pasa nimi.

1 Tesalonia 2:17 ပူးပေါင်းရင်းမြစ်များ

Sam 63:1

O Moroa, nenu ne Moroa rak. Labalak i ngaongao ru. Lorooro axap tarak i vavara ru, ngan laxangka i vat dexes, la i soso vavagam ngan lasa mes. Lorooro rak ik minu ru.

Lagale Lavavang At Ne Iesu Karisito Luk Ga Malagan i 12:58

Mo do taradi na lok li lumumuat mavana atnimi la na lok kaka nimi ri lavapaase, mina lolos kusu mina lox akmokso nom lavapaase eburu min, do nemi move mit pas mu langas, kusu neni noxo vaxaru li nimi ro melamgo at laradi rongtonga linga, la laradi rongtonga linga na song araba nimi uto at laradi rutu mu, la laradi rutu mu na lok li nimi at loxokoxo.

Lagale Lavavang At Ne Iesu Karisito Luk Ga Malagan i 22:15

La ni ga lok tidi, “A vara aleng i xusu ana lok katling na leluxa eburu minimi, avot at losongsongot mo abap kiv i.

Leven Gugu 17:10

Ap mo mene laxanimin luvuttadi nuunu diga riki ne Pol mi ne Sailas uto Beria. Duga rupot, la at laaleng kaala dugat pas uto at loogu singising at lubungmixin me Judaia.

Lovoang At Ne Pol Ti Limixin Nunu to Rom 1:13

Luvutnetak mi luvurinuk. Nia a vara i do mina xasep nunuan; buaang laxanaleng nia agam doma i do anat pot pasa nimi, ketla lentaba lempanga ga tu pe ia. Nia a vara i xusu ana vavang dom atnemi xusu teventaba dinaba nuunu bok, kerekngan ia aga lox i ro at lengkot petpes kantubu at limixin kopmen me Judaia.

Lovoang At Ne Pol Ti Limixin Nunu to Rom 15:23

Ketla amo ba ara lox axap ba lugugu rak at na levenmenemen, la agara vavara amisik at laxanmaares kusu anabat pas la ana ven nemi.

1 Korin 5:3

Nenia a nemen paxalom basinge nimi, ketla a doxoma suu amisik atnimi at loroonan tarak, la kerepmo i lok ngan ta do nenia a nemen eburu minimi dom Korin; la keneng at laasen at Leeme Silok atdik ne Iesu, nenia ara lok li vam lumumuat at nom laradi ga lok mo lavanga bilinga. I lok ngan ta do nenia mo a nemen eburu minimi.

Kolosi 2:5

Nia a tong i na rinimi mila nenia xopmen anak lox eburu minimi, ketla a nemen eburu minemi keneng at lodoxoma rak, la a momo do mi tu buru la mi tu tuxuruxun at lunuunu atnimi keneng at ne Karisito.

1 Tesalonia 3:6

Ketla na nga ne Timoti gamlong basinge nimi ude la neni ga tong asu levelinga avukat tinama. Neni ga tong i rinama do lunuunu mi labalamu atnimi move i lolos la lodoxoma atnimi i lok momo minema; la mi vara aleng i do mina ven nama ngan nema ma vara aleng i do mana ven nimi.