1 Tesalonia 2:16 - Madak

¹⁶ digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.

1 Tesalonia 2:16 ပူးပေါင်းရင်းမြစ်များ

Metiu 12:45

La neni bat pas la na lok ka bok lavanuti lubunggas, laxakapmek atdi i volo aleng i, la dibat pas la diba vubeles ap mo laradi. Kuren la mo laradi ba nemen kakapmek tino. Limixin kakapmek at na levenaleng dibak lok kuren.”

Metiu 23:32

Nemi bok limixin sepsep tadi, mi epovo do mina lox epasum na laxakapmek ti laxakapmek atnedi.

Metiu 24:14

La dinaba tong asu Lagale Lavavang mumu Linintoo ngan lavapaase asu ri limixin at lengkot axap, la melemu ba ren laxavaxap at na lavatbung menemen naba vot.”

Metiu 24:6

Miba ronga i do lara esep mo ik lok la lara esep bok ba vot, ketla nemen mita marat teren. Lempanga xerepmo naba vot ketla laxavaxap at na lavatbung menemen noxo vot ap mo levenaleng.

Metiu 3:12

Neni naba ronga linga at limixin axap, la naba lok pes mun limixin avukat basinge limixin kapmek, kerekngan laradi loklok tatao laraamang i epes lenbolo avukat basinge lenbolo i gu; limixin avukat, neni naba lox arooro di uto vana at laxalibet i ngan lenbolo avukat; la limixin kapmek, neni naba lok li di at lemenemen songsongot, i ngan lenbolo gu di tara kutkut di.”

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Leven Gugu 13:45

Ketla lentaba limixin me Judaia diga ven i, la diga umsu mi levereven peves; diga paase tangarang mo levelinga ne Pol ga tong i, la diga paase xapmek tin.

Leven Gugu 13:50

Ketla limixin me Judaia diga lox axatu kaxat lodoxoma at luvuttadi amgomgo ap mo lemenemen silok la diga lox axatu lodoxoma at lavakin diga ruuna levenasen silok la diga lotu saparap ne Moroa. Diga vaxaru kaxat leedak ti ne Pol mi ne Banabas, la diga lok kepe du basinge lenep silok atdi.

Leven Gugu 14:19

Lentaba limixin me Judaia diga la boro Antiok at lenep Pisidia la boro bok Aikoniam. La diga lox axatu kaxat lodoxoma at limixin me go Listra la diga lu ne Pol mi laxanuat, la diga sar asu i basinge mo lemenemen; diga nua i do ni mo ga met.

Leven Gugu 14:2

Ketla lentaba limixin me Judaia no di goxo nuunu, diga lox axatu lodoxoma at lentaba limixin kopmen di me Judaia la diga vaase pe lusumsuma atnedi basinge luradi nuunu.

Leven Gugu 14:5

Melemu mo limixin kopmen di me Judaia la limixin me Judaia eburu mi luvuttadi amgomgo atdi, diga vaxaru kaxat kaka i xusu dina lok kapmek luradi vavang la dina lu amet du mi laxanuat.

Leven Gugu 17:13

Ketla lentaba limixin me Judaia boro Tesalonia diga ronga i do ne Pol mo ga vavang mi levelinga at ne Moroa ro Beria; diga vas kaxat ugo la diga lox axatu lodoxoma at limixin.

Leven Gugu 19:9

Ketla lentaba atdi di goxopara levelinga ren la di goxo nuunu, la diga vaase kapmek ti langas at Leeme Silok to melamgo at limixin axap. Kuren la ne Pol ga on basinge di la ga lam ka luvuttadi nuunu eburu min; la at levenaleng axap ni ga paase ro at loogu vapaase at ne Tirinas.

Leven Gugu 21:21

La lentaba vetpes di tong i do, nenu mo uk lox ase leme Judaia mo dik lok at laramenemen at limixin kopmen di me Judaia, la u tong i ridi do dina ke xepe Lenavolo at ne Moses, la nemen nedi guta vit kepe lengkontuxu at laxamdak atdi la nemen diguta mumu asu leveloklok atnedik leme Judaia.

Leven Gugu 23:12

Ga maxantamak suubu ap mo lara laaleng melemu, lentaba at leme Judaia diga rupot buru la diga tong li levempapaase. Diga xaape ri ne Moroa do di noxo an tempanga anan la di noxo in taxadan se dina sev amet ne Pol.

Leven Gugu 24:9

La nedi axap leme Judaia diga lok tooro ne Tetalas at mo lavapaase la diga lok do mo levelinga ga ruturun.

Leven Gugu 25:2

Mo go lavaeme silok la luvuttadi amgomgo at leme Judaia diga lok li levelinga atdi mumu ne Pol.

Leven Gugu 25:7

Pol ga rupot, la leme Judaia no diga vas kaxat boro Jerusalem diga ru xangkan i la diga lok li laxampapaase lolos mumu i; ketla kopmen di goxo lox asuusu i do levelinga atdi ga ruturun.

Leven Gugu 4:12

Keneng mun at laasen teren nedik ataba lok ka lorooro avolo; mila kopmen bok ba teta at na lavatbung menemen kopok, laasen teren ne Moroa ga raba limixin min kusu nedik ataba rooro mu i.”

Leven Gugu 9:23

Buaang levenaleng gara volo, la limixin me Judaia diga vot buru la diga lok li lara langas linga ri sev amet ne Sol;

1 Korin 10:33

Minak lok levempanga i ngan nia ak lox i. A lok tong pen i do ana lox amomo limixin axap at levempanga nenia ak lox i. Nia xopmen ana lolos kusu ri lok lempanga ria, ketla a doma mumu loklok tooro ri limixin axap kusu di naba lok kaka lorooro avolo.

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

Epesas 3:13

Kuren la nia a sing nimi do mina lolos la nemen mita subu kot kantubu at lunuunu atnimi mumu levesongsongot nia ap kiv i. Na levesongsongot ga vot mila agak lok tooro nimi, ketla mina lok momo mun maxeneng teren.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

2 Tesalonia 2:10

La neni naba lok leveloklok i lok kapmek kusu na xarang arup limixin mo dinaba seeve, dinaba onon uto at lemenemen songsongot mila diba ronga xepe levelinga ruturun mo im taba limixin mi loklox arooro.

1 Timoti 2:4

Neni i vara i do limixin axap dinaba ruuna ka lorooro avolo, la dinabaklen avukat levelinga ruturun teren,

Ibru 6:8

Ketla do livin gagas mi laxampivilis kapmek kusuk mun na su ap mo laxantaamang, mo laxantaamang i lok kapmek axap, la i nemen maxopok at lebelemamao at ne Moroa, la kopmen bok ba tara noxotlo tevempanga go.

Lisilimet 22:11

La nedi dik lok laxapmek, una ke nedi dinak lok laxapmek; la nedi loklok atdi i bilinga, dina nemen kuren; la nedi dik lok leveloklok i nunuan, dina lox epasum i mi leveloklok i nunuan; la nedi di ruuna loklok i dadat, dina nemen kuren.”