1 Tesalonia 2:1 - Madak

¹ Luvutnetak mi luvurinuk. Nemi mikleklen i do lovotpot atnama ga visik asu levempipisik nunuan.

1 Tesalonia 2:1 ပူးပေါင်းရင်းမြစ်များ

Sam 127:1

Mo do Leeme Silok noxo vaxaru loogu, limixin kipkip gu di noxo lox adak toxot. La do Leeme Silok noxo ven tatao bok temenemen silok, luvuttadi pereven tatao di noxo lox adak toxot.

Sam 73:13

Kereva ba nenia, aga kok avukat gamasa mene lorooro rak, la agoxo lok laxapmek?

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

1 Korin 15:2

Mo do lunuunu atnimi natmatkun teren, miba lok ka lorooro ren. Ket do kopmen mina nuunu at levelinga xerekngan nia aga vavang min, lunuunu atnimi naba lok ngan lavanga gamasa.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

2 Korin 6:1

At leven gugu atnema eburu mi ne Moroa, ma sing nemi do nemen mita siam ka mo letaba nabalamu at ne Moroa mi lumun pipisik mun.

Galesia 2:2

Agat pas ugo atla, ne Moroa xa ga vaase i ria xusu anat pas ugo. La keneng at lara lixitkis buru atnama mi lubung amgomgo kusuk mun, nenia aga soxomus Lagale Lavavang a vavang min ti limixin kopmen di me Judaia. Nia aga lox i na xusu dina siam mu mo lugugu rak. Lavanga no lugugu avot tarak la ana lugugu at na levenaleng na subu.

Galesia 4:11

Nenia am doma solo mumu nemi. Kereva, leven gugu rak aga lox i xantubu atnemi, neni naba ngan lugugu asen kepe mun?

Pilipai 2:16

Mina nemen avukat at levenaleng mi tong asu levelinga at lorooro rinedi. Dola mina lox i kuren, nenia bok anaba xip aurut nimi at laaleng ete at ne Karisito, mo naba lox asuusu i do lugugu rak la lololos tarak goxo xap gamasa at lugugu ren.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

1 Tesalonia 3:5

Kuren la nenia a goxo epovo do ana ngangais gamasa, la aga riki ne Timoti saparap nimi xusu neni naklen ka be lunuunu atnimi, do i ruturun ne Satan ga lok tong pen nimi la miga subu vam, la mo lugugu maga lox i xantubu atnimi ga ravasu ngan lavanga gamasa.

2 Tesalonia 1:10

Diba lok ka na lumumuat ap mo laaleng ne Iesu naba si ukopok la limixin axap teren diba emi asu min la diba lok ngangao ren. La nemi bok miba emi asu min, mila miga siam kaka Lagale Lavavang maga tong asu i rinimi.

2 Tesalonia 3:1

Luvutnetak mi luvurinuk. Na laxavaxap at na lovoang. Mina ngising ne Moroa do neni na lok tooro nama xusu levelinga at Leeme Silok na epeseves soso la limixin diba siam kaka i mi lomomo kerekngan nemi miga siam kaka i.