1 Tesalonia 1:9 - Madak

⁹ Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

1 Tesalonia 1:9 ပူးပေါင်းရင်းမြစ်များ

1 Timoti 4:10

Ni lavasuun teren la dik ata gugu lolos la atam tabaavat, mila dik ta lok li vam lodoxoma voovo atdik at ne Moroa mo i rooro, neni Laradi Loklox Arooro at limixin axap la atnedi bok di nuunu.

1 Korin 12:2

Mikleklen i do ganoxa miga nemen ngan lavamolon kopmen tunuunu atdi; lempatpoovo moroa gam gomgo rinimi la ga sasar asoogong nimi.

1 Tesalonia 2:13

La nema ma tong avukat amisik ti ne Moroa mumu nimi. Ap mo laaleng miga siam kaka levelinga at ne Moroa maga tong asu i rinimi, miga doma i do mo levelinga boro at ne Moroa, la goxopmen levelinga at luvuttadi gamasa. Mo levelinga i gugu xeneng at lorooro atnemi limixin mi nuunu.

1 Tesalonia 2:1

Luvutnetak mi luvurinuk. Nemi mikleklen i do lovotpot atnama ga visik asu levempipisik nunuan.

Leven Gugu 14:15

“Nemi limixin, tila mi lox i na? Nema mun luradi, luradi xerekngan nimi! Nema na ma nemen de xusu mana tong asu Lagale Lavavang la mina ba gili lorooro atnimi basinge lempanga gamasa xerepmo. La mina mumu asu ne Moroa mo i rooro, ga rudum li laxalibet, laxangka, laras la lempanga axap mo di nemen maxeneng atdi.

Sam 42:2

Nu ne Moroa Luntoo, labalak i ngaongao amisik tu. Ningisa ba, uba siam ka ia xusu anat pas uto at loogu ram la ana lotu saparav u ro melamgo ram?

Sam 84:2

A vavara aleng i xusu ana nemen go! Am doma onon amisik uto at loogu laplavang at Leeme Silok. La anabak pixan momo mi lorooro axap tarak ti ne Moroa ni Luntoo Avolo.

Lisilimet 17:2

Lavaorong silok axap at na lavatbung menemen digang longka i la limixin at na lavatbung menemen diga lok laxakapmek min, i lok ngan ta do diga inin tangtangku mi lavaen.”

Ibru 12:22

Ketla nemi mi goxo ekip tangarang mi tevempanga xeretna at lovotpot atnimi saparap ne Moroa. I lok ngan ta do mira vot pam to saparap lakaana Saion la lemenemen Jerusalem, neni lemenemen at ne Moroa, mo i rooro. Mira vot pam ap mo lemenemen i umsu aleng mi lubung angelo, kopmen tara i epovo ri exes di, mo dik lok buru la dik pixan emi asu saparap ne Moroa.

Lovoang At Ne Pol Ti Limixin Nunu to Rom 9:26

La neni ga lok bok, “La to ap mo loxot tino neni ga tong i do, nemi xopmen limixin tarak, mogo neni naba tong di do nedi luvutnitna ne Moroa, mo i rooro.” Ose 1:10

Metiu 16:16

Simon Pita ga vorang i xeretna, “Nenu Lanarong, Nitna ne Moroa, Loroo Avolo.”

1 Jon 5:21

Luvutnuruk orong, mina lok tatao nimi basinge lempoovo moroa. I ruturun.