1 Tesalonia 1:6 - Madak

⁶ Miga siam kaka Lagale Lavavang mi lomomo. La limixin diga lox asongot nimi, ketla nemi move miga umsu mi lomomo, mo Loroonan Kaala ga raba nimi min, la kerepmo miga mumu asu loklok at Leeme Silok la atnema bok.

1 Tesalonia 1:6 ပူးပေါင်းရင်းမြစ်များ

Metiu 16:24

La ne Iesu ga lok ti luvuttadi loklok ka anasa ren, “Mo do tara i vara i do na emu eburu minia, neni na domampe lorooro axap teren, la na gagas li i xusu nap kip losongsongot at levenaleng axap, la neni na mumu asu ba ia.

Lagale Lavavang At Ne Iesu Karisito Jon Ga Malagan I 8:12

La ne Iesu ga vaase manga ri limixin keretna, “Nia laxasep at na lavatbung menemen. Do tara na nuunu rak, neni naba ruuna ka laxasep at lorooro, la kopmen noxot pas at lamain.”

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Leven Gugu 5:41

Luvuttadi vavang diga vas kaxat basinge luvuttadi amgomgo, diga umsu mi lomomo mila ne Moroa ga siam do diga epovo rip kip lainmangan at laasen at ne Iesu.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

1 Korin 11:1

Mina mumu asu loklok tarak, kerekngan nia a mumu asu loklok at ne Karisito.

1 Korin 11:2

Nenia a emi asu minimi mila mi doxoma amisix ia la mi mumu asu levenanasa, agara anasa vam nimi min.

1 Korin 4:16

Kuren la a sing lolos nemi do mina mumu asu loklok tarak.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

2 Korin 8:5

la kopmen ana xusuk mun i. Avot diga raba lorooro atnedi ri Leeme Silok, la at lavavara bok at ne Moroa diga raba bok lorooro atnedi ri ronga res atnama.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 5:1

Nemi luvutnitna at ne Moroa, mo i balamu aleng nimi; kuren la mina mu asu lampoovo ren.

Pilipai 3:17

Luvutnetak mi luvurinuk. Nemi axap mina mumu asu lampoovo rak, la mina ven mumu nedi di mumu asu mo levelinga nema maga lox ase nimi min.

2 Tesalonia 1:4

Kuren la nema ma xip aurut nimi ri levelotu at ne Moroa, mila nemi mi tu lolos at lunuunu atnimi kantubu at levesongsongot mi levenmumuat, mo mip kiv i.

2 Tesalonia 3:7

Nemi mi xasep do ik mokso rinimi xusu mina mumu asu mo loklok atnama, maga ruuna i ap mo levenaleng maga nemen kantubu atnimi. Maga gugu lolos, la ma goxok molo.

2 Tesalonia 3:9

Gak mokso do mana sing kaka tevempanga atnimi, ketla ma goxo lox i xuren; mila maga vara i do mana lok lampoovo xerepmo rinimi.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

1 Pita 1:6

La mik lok momo aleng at na lavanga, keke i do mi ekip tangarang lixilik bok be mi tavanga i lox abulu nemi mumu buaang leveloklok tong pen ik lox asongot nemi.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Pita 3:13

Nege naba lox asongot parang nemi do levendoxoma atnemi naplivi rik lok luvukat?

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.