1 Pita 5:8 - Madak

⁸ Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

1 Pita 5:8 ပူးပေါင်းရင်းမြစ်များ

Sam 104:21

Leven laion maxat di booro at loxonaleng di puse luxa, di puse ri mo levempanga anan no ne Moroa im taba i.

Sam 109:6

O Moroa, una lok katling ka taradi sosolo arup, kusu ri lok li laradi munepen minia at lavapaase, la mo laradi sosolo arup naba sok taba i mi levelinga.

Metiu 13:39

La laradi munepen itlotlo lempivilis kapmek, neni ne Satan. Laaleng ti lok bubua limixin, i ru katling laaleng kavaxap at na lavatbung menemen; la luvuttadi gugu, nedi lubungangelo.

Metiu 24:42

Kuren la mina lok tatao avukat nimi mila kopmen minaklen i do at ua laaleng nenia, Leeme Silok atnimi, anabamlong teren.

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 4:1

Melemu Loroonan Kaala ga lam ka ne Iesu uto at lamatbin kusu ne Satan na lok tong i.

Metiu 4:11

La ne Satan ga on basinge i, la lubung angelo diga vot la diga lox alolos i.

Lagale Lavavang At Ne Iesu Karisito Mak Ga Malagan I 4:15

Lentaba levennit piao ga subu ro at langa i ru katling limixin di ronga levelinga at ne Moroa, ketla ne Satan i tupot soso la ik lok pes i.

Lagale Lavavang At Ne Iesu Karisito Luk Ga Malagan i 21:34

La ne Iesu ga lok keretna, “Mina lok tatao avukat nimi! Nemen mita esum solo mi loklok lara peluxa la liinin lara kadan lolos, la nemen mita bulu mu na lorooro; lavanga nom laaleng na vot asangu nimi.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Lagale Lavavang At Ne Iesu Karisito Luk Ga Malagan i 22:31

La ne Iesu ga lok ti ne Simon, “Simon, Simon! Satan ira lok kaka vam lisisiam at ne Moroa xusu naba lok tong pen nemi axap, kerekngan laradi loklok tatao at laraamang i mangma asu levennit piao boro at lengkakan teren la i lok kepe leventuxu piao.

Lagale Lavavang At Ne Iesu Karisito Jon Ga Malagan I 8:44

Nemi laxamdak at ne temen nimi, ne Satan. La mi vavara i do mina mumu asu lavavara at ne temen nimi. Ga ru ka i at lurutu kaxat neni laradi sepsev amet tadi. La neni xopmen na tu at luruturun, mila kopmen turuturun keneng teren. Do neni i vaase laxaxarang, neni ik lok mene levempanga i epovo rin, mila neni laradi xaxarang, la neni lavasuun at laxaxarang.

2 Korin 2:11

Kerepmo la ne Satan noxo epovo na sar asoogong nedik, mila nedik diklen levendomdoma la leven gugu ren.

Epesas 4:27

Nemen mita raba ne Satan mi toxonin angavang.

Epesas 6:11

Mina siga levempanga singsiga no ne Moroa ga raba nemi min kusu miba epovo ri esep la mina tu lolos tangarang laxanbabala at ne Satan.

1 Timoti 2:15

Ketla lavakin di pisik laxamdak lixilik; kuren la dinaba lok ka lorooro, mo do dina nemen lolos at lunuunu la labalamu la lixitkis dadat mi loklok mulus.

1 Timoti 2:9

A vara box i do lavakin dina lok tatao avukat nedi la dina ven mumu avukat levesingsiga atdi la dina sinang avukat di; nemen dita meva lempatkabinim atnedi la nemen bok dita sinang mi leven gol la levenpeal, la levempanga singsiga, luunun teren i silok.

1 Timoti 3:11

Lavakin bok atdi dinap tuvuk nunuan la di noxo tere mumu, ketla dinat kis atnaasan mun la dina ruturun at levempanga axap.

1 Timoti 3:2

Laradi gomgo at lotu neni laradi kopmen tosoogong teren at lemeren limixin; neni latlok at leges atkin mun la it kis atnaasan; la ik lok tatao avukat luruptuvuk teren, loklok teren i lok nunuan mene nga; neni ik lok maraose minedi limixin boro vetpes; la neni i epovo ri lox ase limixin;

2 Timoti 4:17

Ketla Leeme Silok ga nemen eburu minia la ni ga lox alolos ia, kusu nia aga epovo xusu ana tong asu Lagale Lavavang tinedi limixin kopmen di me Judaia la diga ronga i. La Leeme Silok ga lox aroo ia basinge lanmet.

Taitas 1:8

Ketla nedi dina lok maraose mi limixin boro vetpes; dina mumu asu loklok i nunuan ti lok tooro limixin; lodoxoma atdi na lox avukat mun; dina mumu asu loklok i nunuan; loklok atdi xopmen taxakapmek teren; la di epovo ri lok tatao avukat luruptuvuk atdi at lempanga ua xopmen na lox avukat.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.

Taitas 2:2

Una lox ase luvuttadi mukun keretna; di noxo inin tangtangku mi laxadan lolos; dinam tebeng loklox avukat kusu limixin dina lok ngangao atdi. Levempanga axap dina lox i, na lox avukat mun la lunuunu atnedi nak mokso rinotno. Dina umsu mi labalamu. Dola teventaba dina lok tong pen di, di noxo subu, ketla diba tu lolos at lunuunu atdi.

Taitas 2:4

Loklok atdi na lox avukat, kusu dina ba epovo na tong asu levelinga ri lavakin maxat keretna; dina balamu lavatlok atdi la dina balamu laxamdak mi laxaalik atdi.

Taitas 2:6

La kerepmo bok una tong i ri luvuraau maxat do dina mumu asu loklox avukat.

Jems 4:7

Kuren la nemi mina lox asi lorooro atnimi la mina nemen maxopok at ne Moroa. Nemi mina sok tixirixes kepe levelinga at ne Satan la ni naba ke xepe nimi la naba sixiro.

1 Pita 1:13

Kuren la mina lox agagas levendoxoma atnemi ri lok mo levempanga ne Moroa i vara i. Mina lok tatao avukat luruptuvuk atnimi la mina lok li axap levendoxoma atnemi pana at lorooro avolo, no mina lok ka i at laaleng ne Iesu Karisito na ru asuvos.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

Lisilimet 12:10

La aga ronga laxaka linga silok to vana at laxalibet ga lok keretna, “Mo nga loklox arooro at ne Moroa la lololos teren eburu mi Linintoo ren naba ru asaxaven. La na nga Lanarong teren naba lox asuusu lololos teren to xopok at lavatbung menemen; mila ne Satan mo ga tu ro melamgo at ne Moroa xusu neni na babala raba luvutneton dik at levenaleng kangking la kanimin. La lubungangelo at ne Moroa digara lu asi vam min uto xopok.

Lisilimet 12:12

Kuren la mina momo, nemi limixin mik lok de vana at laxalibet. Ketla naba lolos aleng tinedi limixin di nemen to xopok at lavatbung menemen la to saparap laras; mila ne Satan ira si vam saparap nimi la i musak aleng tinotno, mila ikleklen i do neni noxo nemen abao ro xopok.” Jop 1:9-11, Sam 96:11

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 20:10

La mo laradi babala arup, ne Satan, Moroa naba lu arup min uto at lemet kao at lasalpa; mo lemet kao lavatpanga sio eburu mi laradi vapaase alii xaxarang dubak lox e, la go nedi lavantun dinaba ruuna ka losongsongot silok at levenaleng kangking la kanimin la kopmen taxavaxap teren.

Lisilimet 20:2

La mo laangelo ga ranga alis lavattulaava la ga xoxo i kusu na nemen kuren at legesa abin sangsangaun kobot (1000) levenmaares. Mo lavattulaava ga nemen ganoxa, neni ne Devel la laasen bok teren ne Satan.